تجمع طلاب كليه الهندسه برابغ

[جدااوي كوول]

المشاركة الأصلية كتبت بواسطة bandoory يا قلبو انا حذفت العربي لانو الجدول حيكون مضغوووووط ما ينفع فحذفتو وفي نفس اليوم في الليل دخلت الاودس كلو اتعدل بخصوص المعامل ايش موضوعها مني فاهمين ايش هيا بالزبط عندنا معامل كتير وقتها مرا غبي

حرام عليك حذفت اللغه العربيه من المواد اللى تحافظ ع المعدل خصوصا انها ثلاثه ساعات اقترح انك ترجعها ضروري لانها تضمن تجيب فيها درجه حلوه

اما المعامل موضوعها انك تسوي تجارب في المعمل وعليها درجات واوقتها جدا جدا جدا غبيه خاصه اللى تكون من 3 الى 5 والله تخرج وانتا نايم الله يعينكم عليها بس

[جدااوي كوول]

المشاركة الأصلية كتبت بواسطة soso1991 السلام عليكم ورحمة الله وبركاته شباب حبيت اسأل عن قوة شهادة الفرع خصوصا ان كلية الهندسة اصبح لها فرعان : شمال جدة - رابغ وهل استطيع ان انافس بها في سوق العمل ؟

اكيد حبيبي تقدر تنافس بها في سوق العمل واهم شي معدلك ياحبيبي وبانسبه لفرع رابغ ترا المناهج طبق الاصل من جده وبالتوووفيق

[جدااوي كوول]

ياشباب اللى مستجدين ياليت كل واحد يكتب التخصص اللى نفسه يدخله وايش الاسباب؟؟

[d7oomy]

هندسة صناعية مدري ليييه من تلات سنوات اخوي قلي عنه
وبعدها دخل مزاجي هذا التخصص

[جدااوي كوول]

تخصص الصناعيه جدا جدا ممتاز ومن احلى التخصصات خصوصا اذا كان عندك لغه كويسه حتستمتع بذا التخصص
طبعا رئيس القسم في رابغ الدكتور عدنان حسن ماليزي جدا ممتاز ومحاضراته حلوه وربي يوفق الجميع

[bandoory]

المشاركة الأصلية كتبت بواسطة جدااوي كوول حرام عليك حذفت اللغه العربيه من المواد اللى تحافظ ع المعدل خصوصا انها ثلاثه ساعات اقترح انك ترجعها ضروري لانها تضمن تجيب فيها درجه حلوه اما المعامل موضوعها انك تسوي تجارب في المعمل وعليها درجات واوقتها جدا جدا جدا غبيه خاصه اللى تكون من 3 الى 5 والله تخرج وانتا نايم الله يعينكم عليها بس

انا عارف الشي دا ابا اتخصص كهربائيه فعشان كدا اضفت الفيزياء ومافي حل الا اني احذف العربي محلها ولا يكون الجدول مرا زحمه ما ينفع من 8 لمن 5 يوميا !! والمواد التانيه ادا حدفتها ما استفيد فمافي الا العربي او اني احذف الفيزياء ايش رايك ؟ اذا مني غلطان الفيزياء من متطلبات الكهربائيه ولا مو شرط ؟

[أحمد السقاف]

انا ناوي الميكانكية إن شاء الله

واعتقد داخلها يكون تخصص الإنتاج لكن في رابغ مو مكتوب بس المواد نفسها مواد الإنتاج

[جدااوي كوول]

المشاركة الأصلية كتبت بواسطة bandoory انا عارف الشي دا ابا اتخصص كهربائيه فعشان كدا اضفت الفيزياء ومافي حل الا اني احذف العربي محلها ولا يكون الجدول مرا زحمه ما ينفع من 8 لمن 5 يوميا !! والمواد التانيه ادا حدفتها ما استفيد فمافي الا العربي او اني احذف الفيزياء ايش رايك ؟ اذا مني غلطان الفيزياء من متطلبات الكهربائيه ولا مو شرط ؟

ياحبيبي اللغه ماده بثلاثه ساعات وتضمن تجيب فيها اقل شي 90 والله ترفع معدلك وبعدين ترااغلب موادك سهله نصيحتي لك لاتحذفها والفيزياء تفتح لك البيسك تاخذها في الترم اللى بعدو يعني ماتنفح تحذفها نصيحتي خلى الجدول زي ماهو عشان تقدر ترفع معدلك ان شاء الله

[جدااوي كوول]

المشاركة الأصلية كتبت بواسطة أحمد السقاف انا ناوي الميكانكية إن شاء الله واعتقد داخلها يكون تخصص الإنتاج لكن في رابغ مو مكتوب بس المواد نفسها مواد الإنتاج

في رابغ في الكهربائيه مافي الا بور
وفي الميكانيكيه مافي الا انتاج وجاري العمل على فتح تخصصات اخرى في كل الاقسام بالتوفيق للجميع

[ab00d]

انا اشوف كل التخصصات الموجوده من افضل التخصصات في الهندسه والدليل في جدة اكثر الطلاب يتنافسوا عليها وكمان طالبين معدلات عاليه فيها عشان يقبلوك في التخصص يعني تخصصات مره مرغوبه
انتوا اهم شي شدوا حيلكم وبالتوفيق.