✿!{.. آراءكم في الدكتورات |{للطالبات}ﾟ¨ﾟ*

[د/شهود]

بنات في اجد اخد استثمار مع اسحاق بهائي كيف شرحو واسلوبو والدرجات

[سوسآ]

بليز احسن دكتورة تمويل
قبل ما تقفل الشعب

[lively life]

حابدا باسماءهم بالافضلية
*للاحصاء اعمال عندك استاذة. عبير الثبيتي ، لميس ، مروة باعشن
انا درست عند مروة باعشن كانت كويسة بالنسبة ليا لانها كانت بتركز ع العملي فقط والباقي تعدي عليه سريع وشرحها واضح ماشالله وانسانة مرررة طيبة وخطييرة

*محاسبة1 عندك أستاذة شريفة ، اقبال،سحر
انا اخدت مع اقبال كانت مرررة تمام تشرح كويس بس ابدن مو زي شريفة وبالنسبالي افضل من سحر عكس البنات وادا تبغيها تعيدلك تعيد بس تفجع لو عملتي شي ماعجبها ومزاجية فحاولي تنتبهي ماتغلطي معاها

*اقتصاد جزئي
عاد انا اخدتها مع استادة مصرية اتوقع اسمها هدى شرحها يدحل من ادن ويخرج من التانية اصلن المادة مرررة سهلة بس الشباتر الاخيرة لا وعن استادة كويسة لدي المادة معرف ("^_^)

الانقلش اممم انا جربت اتنين استادة اميرة اسحاق و رجاء فدعق
مختلفين وعكس بعض مررة انا افضل استادة اميرة لانها تفهم وتشرح من قلب وتخلينا نعبر كل اسبوع تقريبا مرة او مرتين او تقريبا يوميا واسئلتها متوسطة بس الا وتجيب سؤالين صعبين
اما استادة رجاء طيييبة مرة وماعجبني الانقلش معاها اصلن كونت احضر عشان اتنح بالجدر كانت محاضرة تتنيح فقط
اسئلتها سهلة ججدن اتوقع ×_×

[Hannah smith]

و عليكم السلام و رحمة الله و بركاته
بالنسبة لمواد المستوى الثالث
محاسبة 117 آخذتها مع د. إقبال
مرا كويسة و تشرح تمام و تفهم اهم شيء تركزي معاها
و ما تغيبي عن اي محاضرة لانها تشرح
و لا تستفزيها لانها عصبية و مزاجية
يعني خليك مركزة معاها و بس
و في د. سحر يقولو كويسة بس انا ما ارتحت معاها
احصاء اعمال آخذتها مع أ. هبة باشيخ
جدا رائعة و ممتازة و شرحها حلو بس ركزي بالشرح
و اسأليها بعد المحاضرة و لو ما فهمتي روحيلها المكتب تشرحلك
و كمان ما تغيبي عن أي محاضرة
اقتصاد جزئي لسا ما آخذت المادة و كل دكتورة لها سلبياتها
بس بالاخير كلهم كويسين
انجليزي لو تاخذي مع أ. عيشة يكون احسن
بس طبعا ما رح تعرفي مين اللي تدرسك بالانجليزي
لحد ما تشوفيها لانو ما تنزل اسماءهم بالاودس
عربي ما يفرق اي استاذة تمشي الحال
بس انتبهي انو الشعبة اللي مسجلة فيها للمتخصصين الانتظام
لانو في شعب للتحضيري الاداري
و الله يوفقك يا رب

[r.r.r.r.r]

مساء الخير
لو سمحتو كيف رنا بالاداره الاستراتجيه والاسئله موحده بالماده ولاحسب الدكتوره ؟

[اوراق ملونة]

السلام عليكم ورحمة الله وبركاته

بس عندي كم استفسار بسيط بخصوص بعض المواد

اللي اخذت تمويل ممكن اعرف من افضل الدكاترة غير دكتورة خديجة

في دكتورة سحر مهران كيف شرحها واسلوبها ؟ ودكتورة نسمة عبد المجيد

وسلوك تنظيمي

دكتورة مسرات محمد ودكتورة نايله من الافضل

وتحليل كمي ايش رايكم بدكتورة امل دمنهوري

وربي يعطيكم العافيه ..

[لوريت]

نائله ابعدي عنها أخذت معها وخسفتنا ومسرات ما اعرفو وامل دمنهوري اول مره تدرس تحليل كمي

[RHF]

خديجة استغفر الله بس - ما عجبتني ابدا لا في شرح ولا في اخلاق ولا في درجات

مسررات كويسة - مع اني ما اخدت معاها بس هي احسن من التانية
ازا كان في ديبا حيكون افضل من مسرات

-
تحليل كمي ما اخدتو فما اعرف دكاترهم

بالتوفيق

[koooka]

المشاركة الأصلية كتبت بواسطة اوراق ملونة السلام عليكم ورحمة الله وبركاته بس عندي كم استفسار بسيط بخصوص بعض المواد اللي اخذت تمويل ممكن اعرف من افضل الدكاترة غير دكتورة خديجة في دكتورة سحر مهران كيف شرحها واسلوبها ؟ ودكتورة نسمة عبد المجيد وسلوك تنظيمي دكتورة مسرات محمد ودكتورة نايله من الافضل وتحليل كمي ايش رايكم بدكتورة امل دمنهوري وربي يعطيكم العافيه ..

أنا اشوف أحسن دكتورة في التمويل د.خديجة حريري
دكتورة نسمة عبدالمجيد كمان تفهم شرحها واضح
سلوك تنظيمي زي ماقالت لوريت ابعدي عن نائلة مرا تطير الدرجات إذا نازل السلوك مع ديبا خذي معاها تعطيكي حقك
البقية ما اعرفهم إن شاء الله غيري يفيدك
بالتوفيق

[FNO*]

السلام عليكم
انا طالبة مستجدة
الحين خلصت تحضيري ,وابي اتخصص يانظم معلومات ياتمويل يامحاسبة يعني ماراح اتخصص الحين صح ؟
طيب لو مشيت ع الخطة الدراسية اللي هم حاطينها
بتخصص بعد ثلاث اترام ؟ ولا كيف ؟

وبعد حابة اعرف بالنسبة للمحاسبة 117 مين أفضل ؟ إقبال خاطر ولا خالد باشنيني ولا لاريسافون ؟

واحصاء271 مين ؟ هبة ولا عبير ولا تهاني ولا مريم ؟

وشكراً مقدماً