تجمع لـمتابعة اجراءات المرشحين و المرشحات بـ رابغ

[الإستااذة]

انا اللي لاحظته انو من ضمن الاوراق ورقه الله اعلم اول ورقه مكتوب عليها شيء زي نوع الابتعاث او نوع الدراسات العليا حاجه زي كدا كان مكتوب تلاته خيارات اول شيء مبتعث على برنامج الملك تاني شي مكتوب مبتعث لدراسات عليا داخل المملكه اخر شيء ماني فاكرره ...
بعدين انا ايام الاختبار والمقابله سالت الدكتوره رحمه بنفسي عن البعثه وقلت لها راح اسجل فيها ...
قالتلي بالحرف الواحد افضل .. وحتى لو جاك الترشيح وسافرت ترجعي تدرسي مده وترجعي تكملي بعثتك ..

[Reflection]

ورقة الابتعاث هي وحده (التعهد) .. و هي اللي رحنا علشانها رابغ علشان تتوقع و تتختم
بدايتها فيها 3 خيارات زي ما ذكرتي استاااذه

1هل انت مبتعث ع برنامج خادم الحرمين
2او تدرس هنا ماستر او دكتوراه في الوقت الحالي
3ولا شي من اللي فوق

< كذا تقريبا كانت الخيارات

وبعدين البيانات العاديه و اتعهد انا (فلان بن فلان) ..(رقم الهوية) .. لاكمال (الماستر والدكتوراه)

اسم توقيع ... .اسم توقيع ختم
.

بخصوص البعثه .. صحيح راح تكون عن طريق الجامعة .. و يتم التعامل معانا زينا زي المبتعثين
فـ الملحقية في امريكا مثلا هي اللي تشرف ع الطالب لو احتاج شي .. اما في امور زي مثلا تغير جامعة
او تغير مسار تخصص الدراسة و غيره لازم نرجع للجامعة و يوافق عليه القسم(رابغ) .. اما المبتعثين العاديين مرجعهم الوزارة

+ المبتعث عن طريق الجامعة يصرف له نص راتبه الاساسي (بدون بدلات) + مكافآة الطلبة المبتعثين 1848 دولار وتحسب سنين دراسته من ضمن الخدمة ... اما المبتعث برا يصرف له مكافآة المبتعث فقط اللي هي 1848

[حافظة الود]

الأخت الأستاذة طبعا د.رحمة تقول ل كذا لانه افضل للجامعة انك تكوني مبتعثة على حساب الدولة لان إجراءاتك تكون مخلصة وعلى طول تروحي تكملي.لكن لو ما كنتي من طمون بعثات الملك زيي رح يبتعثوك على حساب الجامعة نفسها في التخصص الدقيق اللي يحتاجوه في القسم. التعهد كان مكتوب فيه انه اتعهد انا فلان وبعدين الخيارات الثلاثة منهم انه غير ملتحق ببرنامج دراسات عليا في الجامعة او برنامج الملك عبدالله للابتعاث بعدين أتعهد بإكمال وتكتبي انتي ماجستير او دكتوراه وبعدين مكتوب بحسب التخصص اللي تحتاجه الكلية ولها الحق في منعي من إكمال الدراسات العليا في حين رأت غير ذلك.هذا هو التعهد ويوقع من د رحمة .

[optimistic lady]

الاستاذة في نقطة ابغى انبهك عليها!!انتي قلتي انه الاستاذ عبد الغني قلك وقعي الورقة لمن تجوا تاخذوا ورقة الاحوال
على حسب علمي انه الورقة دي ورقة التعهد مهمة تندرج مع باقي الاوراق عشان يرفعوها ويصدر الرقم الوظيفي هذا كلام د.رحمة انه التوقيع والختم امر ضروري لصدور الرقم
يعني اذا ماسلمتيها وسلمتي باقي الاوراق فلازم تراجعهيم بعد الاجازة وتسلمي الورقة بعد ماتوقعي التعهد.......
والله ييسر الامور ويوفقنا ياااارب

[الإستااذة]

مشكور رفلكشن على التوضيح .. بس متاكد من معلومات الفرق بين مبتعث الجامعه ومبتعث البرنامج ؟؟
حافظه الود .. تسلمي على الشرح .. راح احط النقطه هادي في بالي .. يمكن الغي البعثه حقت البرنامج اذا طلع الكلام صح ..
اوبتمستك .. حبيبتي ابشرك انا كلمت الدكتورة رحمه يوم الاربعاء وشرحتلها الموضوع قالتلي مو مشكله بعد الاجازه تعالي واوقعها لك مافي مشكله .. الصراحه ريحتني ..

[Reflection]

يب يب متأكد منه زي ماني متأكد من عدد اصابيع يدي p:

[الإستااذة]

مشكوووور رفلكشن ما قصرت ...

[حافظة الود]

مساء الخير زملائي الأعزاء كيفكم وكيف اجتهادكم في هذه الأيام العظيمة. اسأل الله أن لا يحرمنا أجرها..
عندي سؤال ساذج بس والله أنا ما اعرف إجابته برغم كذا.. الان بعد صدور الرقم الوظيفي المحاضر على اي مرتبة يتعين والمرتبة هذي فين مكانها في سلم الرواتب لأني لمن أفتحه الاقي كلمة محاضر: 1 2 3 4 5 ..... الخ وتحتها رواتب طيب أنا رح أخذ الراتب اللي تحت الرقم 1 او 2 او 3 او أيش؟ وبناء على أيش؟
وفيه سؤال اخر: في وحدة من الاوراق كان فيه خانة تحط فيها عدد سنوات الدراسة صح؟
طيب أنا عدد سنوات دراسة الماستر الفعلية 4 سنوات في جامعة عبدالعزيز. بس أنا خلصتها في 5 سنوات يعني احتجت سنة إضافية في الرسالة. طيب أيش المفروض اكتب السنوات الفعلية او السنوات اللي استغرقتها في الدراسة؟
وهل لها تأثير في تحديد المرتبة آو الراتب؟
أسفة جداً عالاطالة بس خذوني على قدي... ههههه ... وشكرا لكم مقدما

[Mashail Ahmad]

هلا حافظة الود .. اللي أعرفه ان المحاضر يتعين على المرتبه 1 اذا كان قضى 4 سنوات بالدراسه
وكل سنه يدخل ع المرتبه اللي تليها


أما اللي قضى 5 سنوات يتعين على المرتبه 2.

يعني انتي أتوقع تدخلي ع طول ع المرتبه الثانيه
بس إن شاء الله يجي الرقم اللي طاآاآل انتظاره أنا مرشحه منذ مايقارب 9 شهوور .. بس ماباشرت وكل المجموعه اللي معي كذلك بسبب هالرقم قالو نستنى للميزانيه ...

[الإستااذة]

والله كان عندي نفس السؤال تبع سلم الدرجات بس للمعيديين ، قرات افكاري :) ياليت اللي يعرف يجاوب
بالنسبة لسنوات الدراسه كان كتبتي بالتفصيل يعني 4 سنوات + سنه رساله ..
والله اعتقد لها تاثير .. بس كيف ما ادري ...
موفقه حبيبتي