شباب وبنات ال it كوم هييييييير

[MOHANNAD ALTURKI]

العفو ليكي يا IT dancing doll بس برضو انتي كمان ليكي شكر كبير على انك كتبتي الأسئلة بالتفصيل دا (ماشاء الله) حتى اليوم قبل الاختبار لقيتها منتشرة بين الأولاد كلهم, فشوفي قد ايش الشعب اللي استفاد منك

وهادا شي المفروض احنا قسم الأولاد وقسم البنات تعاونا عليه من البداية ,بس يالله الحمدلله أهم شي استفدنا من بعض في النهاية

فالشكر كله ليكي على فكرتك للموضوع ولكل من تعاون وتفاعل

بس احنا في النهاية انجردنا الأسئلة ما جات زيها يعني على خفيف في شي بسيط جا , وانتو اتبشبشتو (يعني انبسطّو واتزبطّو) جات الأسئلة زيها بس قلب الفكرة

اييييييييييييه يلا كل واحد ياخد نصيبه , أهم شي انكم حليتو كويس واحنا حلينا كويس

ونشوف بعض الترم الجاي ونستفيد من بعض ان شاء الله

وكل عام وانتم بخير

والسلام عليكم ورحمة الله وبركاته

[sweet 6]

الف مليووووووووون شكر للاخت IT dancing doll

على جهدها الرائع وافتتاحها الصفحة الاكثر من رائعه اتمنى لكم دوام التوفيق واي خدمة في ال os انا جاهز ..

[المحتاسة]

منجد بصراحة مررررررررررره شكرا دنوسة لانك جمعتينا كلنا في هذي الصفحة
و لاتزعلي عشان ما ثبتوها لك كل ترم نزلي موضوع جديد
يعني مثلا نزلي الترم الجاي شباب وبنات ال it كوم هييييييير2
واحنا معاك قلبا وقالبا ووراهم وراهم والزمن طويييييل>>احلفي بس

المهم حابة اشكر كل الشباب والبنات بدون استثناء على المساعدة في الاسئله
وحتى الي ما قدرو يتذكرو الاسئلة يكفي تشجيعهم ودعواتهم لنا
وان شاء الله ما يكون هذا اول ترم واخر ترم لنا مع بعض
ونتقابل ان شااااااااااااااااااااااااااااااااااااااء الله الترم الجاي

واللي باقيلهم اختبارات بالتوفيق ان شاء الله
واللي خلصو اقولهم انبسسسسسسسسسسسسطو في هذي الاجازة
لانو السنة الجاية شكلنا بندخل في الجد>>ترا لين دحين احس اننا ما دخلنا في الجد

وكل عام وانتو بالف خييييييييييييييييييييييييييييييييييييييييييير
^__^

[Mjjordo]

اخيرا خلصت اختبارات والحمدلله ان شاء الله كلها مرت على خير يارب وبالنسبه لاخر اختبار والله هوا كان متوسط الصعوبه
لانو يبالو تفكير كتير وشامل المنهج كلو
يعني الدكتور ماجد قال لازم الشباب يطلعو فاهمين تمام
وطلعت الاسئله جدا مغايره لحق البنات
رغم وجود كم فقره في الصح والخطأ والاختيارات بس الحمدلله تمام ..


بس اللي احبطني المشروع اللي حاولت والله افهم واكرف فيه بس للاسف ماطلع بالطريقه الصحيحه
وخايف ماناخد الدرجة الكامله
وارجو انهم يساعدونا بقدر الامكان واتمنى التوفيق لجميع الطلاب والطالبات ويارب نسمع الاخبار الحلوة منكم
.. ويعطيكم الف عافيه يارب..
وشكر خاص للاخت IT _ Dancing _Doll الصراحه لازم نديكي وسام تميز بجهودك الحلوة والمفيده ولازم نبدأ بالتنظيم للاستفاده من بعض بدل ماكلنا في صفحة وحدة افضل تنظيم الموضوعات والاراء لتسهيل عملية البحث والاستفاده


ودا مجرد اقتراح ومشكورين والله ماقصرتو .. الله يوفقكم يارب اخوكم Mjjordo

[IT for ever]

^
^

والله اقتراحك حلو مجود وانا معاك <<يدي بيدك

[الدوامة]

هههههههههههههههههههههههههههههه
جميل تعليق الأخت IT dancing doll
بصرااااااااحه حبيت أصحح معلومه لكرااااااااع وأنتي صححتني ((أن أصبت من الله وأن أخطات من الشيطان))
الأسئلة كانت متووسطة الصعووووووووبه الوقت مااااكفانا أشكرك كل من شااااارك بالصفحه
وأتمنى تفكروا بموضوع المنتدى للIT
وياأخت IT dancing doll
لازم يكون لكل صفحه ونااسه وانبسااط مو كلها كرف في كررف لاننسى قول ((قول علي بن أبي طالب-رضي الله عنه:روحوا القلوب ساعة بعد ساعة فأن القلب اذا أكره عمي))

وأتمنى نتوااصل بالصيفيه >>>أبشرر كل طلاب الIT كولكم نجحتوا بOS ولا أحد بالIT حمل الماادة
وهذاااا من فضل ربي
والسلام عليكم ورحمة الله وبركااته

[K.O.R.T.I]

والله الاختبار كان بين البينين


اهم شيء خلصناااااا الاختبارات على خير :)

والله شكر لكل اللي شاركو في الصفحه دي

ويديك انتي يا صاحبة الفكره الف عاااااااافيه و ان شاء الله نتقابل على خيـــــــــر الــــــــسيميستر الجاي

و موفقين ان شاء الله في الــo.s و ان شاء الله لو احاول انزل اسئله قريبه من اللي جاتنا في الإكزام


تشااو

[اميرررة الورود]

IT dancing doll

لا تفهمي موضوع الورقه غلط

وبعدين مين قال انو ما نبغاك تنزلي الاسئلة بهذي الدقة >> بالعكس مرره يفرحنا يا doll ولو يدل على شي يدل على طيبة قلبك يا حياتـــــــــــــــــــــــــي و زي ما قلتي نحن مره عانينا لاننا اول دفعه وما نبغى الي بعدنا يعانو زينا *_^

THANK U My Dear Friend
وبعدين نستنى ابداعاتكم بنات و شباب ان شاء الله

نشوفكم وانتو بالف صحة وعافيه

[ريال الفسحه]

مساء الخير
جزاكم الله كل خير للأخوات والأخوان
والله يسهل لنا اللي بقي ويطمنا عاللي راح
ويفرحنا بالمنتخب يااارب

--------------------------------------
لاإله إلا انت سبحانك اني كنت من الظالمين,,

[no0gh]

دنووووووووووووووووووووووووووووووووووووووووووووسة ...

يعطيك الف الف عااااافيه ..وربي انك عملتي حاجه مرره حلووه بس لو يكون في منتدى مفصول وربي
فلــــــــــــــــــــــه .. يكون كل شي مرتب في اقسام مو كذا حوووسه .. ومافي دقة صدور زيادة عن اللزوم.^_*.

شبـــــــــــــــــــــــــــــااب ..
مرره مره شكرا لكم على اللي عملتوووه .. من جد استفدنا منكم في اشياء حلوه ..
واحلى حااجه اننا عرفنا انه دفعتنا فيها ناس من جد متعاونه "طبعا مو كلكم خخخخخخخخ" ..وان شاااء الله دووم ...اهنيكم على هالشي ..وربي يوفقكم كلكم وييسيرلكم اموركم ...

اجااااااازة سعيدة وطمنوننا على نتايجكم ....كل سنة وانتم طيبين ...

بنـــــــــات ..

بسم الله ماشااء الله عليكم ..ان شاء الله تظلو دايما كذا متعاونين .." اصلا عودتونا على كذا "
وبالتوفيق في كل اختباراتكم ...



^_^ no0gh ^_^