وظائف نسائية في الخطوط السعودية (بكالريوس - ماجستير) جدة

[lady lala]

سلام بنات
بصراحة الاختبار ما عجبني مع اني حليت بس احس اني ضايعه
وفي شي مخوفني بالاختبار حطيبت رقم جواز السفر زي ما قالوا بس انا مسجلة عندهم برقم السجل المدني تتوقعوا عادي؟
لانهم ما يعرفوا رقم الجواز فكيف بيسجلوا نتيجتي من الاسم يكفي ؟

[Accountant Sarah]

انا كنت بروح اختبر الساعه 10 ونص بس بما انكم تقولون انه تدريب سنه ونص بعدين توظيف بطلت اروح خليني اطلع بعثتي احسن لي بدال ضياع العمر هذا ومشكووووورين والله يوفقكم لما يحب ويرضى

[دلوعه غير]

المشاركة الأصلية كتبت بواسطة accountant sarah انا كنت بروح اختبر الساعه 10 ونص بس بما انكم تقولون انه تدريب سنه ونص بعدين توظيف بطلت اروح خليني اطلع بعثتي احسن لي بدال ضياع العمر هذا ومشكووووورين والله يوفقكم لما يحب ويرضى

الله يكتبلك الخير

أنا ماحبيت حكاية التدريب ايش التعقيد دا!! احس كفاية لو مره 3شهور تدريب

[دلوعه غير]

السلام عليكم

أنا اليوم كان امتحاني الساعه 7ونص والساعه 10-10الا ربع خلصنا
زي ماقالوا الاخوات
طبيعة العمل:
انو اللي تعدي الاختبارات لها سنة ونص تدريب منها ثلاثه شهور دورات خلالها في مكافئة 7000
وبعد كدا هما ينقوا بنات يوقعوا معاهم عقد التوظيف

طبيعة الأسئلة:
100 سؤال قرامر لمدة 75 دقيقة
كل الفقرات اختيار من متعدد، كل فقرة تحمل 5 اختيارات واحد منها صح...

الله يوفق كل المسلمين ويكتبلنا دايما كل خير
دعواتكم

[*nar*jes*]

اختبرت اليوم سلمونا اوراق الاختبار مره متاخر على الساعة 11 الاختبار سبب لي صدمه يعتبر من اليهل الممتنع ابدا الوقت ما يكفي انو تفكري يا دوب نص دقيقة تقرري فيها اي اختيار الله يكون في العون القرمر ياليت وقف بس على many much

[nmroooda]

اختبرت اليوم .........!!!

مره صعب :-( ومافي وقت تفكري اصلا ..اتوقع اني ما ح اعدي الاختبار .. بس على الله ..

والي تعرف متى حينزلو النتايج ياريت تعلمنا وشكرا ..

[سارة الزهرة]

اختباري كان اليوم 10:30 ومثل ما قالوا كله قواعد. كان عندي استفسارات لكن مالقيت فرصة أسألهم.
كيف طبيعة العمل هل فيه اختلاط؟ اذا لا فين عنوان القسم النسائي؟ والمقابلة الشخصية هل تكون مع نساء فقط؟

[أنا المتفائله]

معليش على التاخير في الرد
تعبت ااصلا قبل لااروح الاختبار واصريت اني اروح وماقدرت اصلا اركز ادا عديت فهو من دعواتكم لي
اختباري كان من الصعب للسهل باسلوب مو حلو اول مره ادخل اختبار انجليزي زي كدا
المهم اول ماوصلت الفندق حاولت اتكلم معى اي احد حسيت الكل مو فاضي لي واصلا كنت مرررره تعبانه من الادويه اللي اخذتها
المهم انتظرت الى مابدا وقت الاختبار ودخلت
يابنات على فكره القاعه بارده خذوا احتياطكم وهذا زاد الطين بله خلاني مااركز وطولو ماوزعوا الورق بسرعه
المهم شرحوا لنا كيف طريقه حل الاسئله
ولمن بدات احل والله انه في سؤال كاتبينه ناقص اموت واعرف مين اللي اختار الاسئله هدي الغبيه
اكثرها مركزه على اpassive بس طريقه كتابة الاسئله مااعرف كيف
المهم تخيلوا كيف تبدا تحل اسئله معقده الى ماتوصل للاسئله السهلة
بعد ماخلصت بصراحه لاني مشيت تقريبا على ال50 السؤال الاولى بسرعه لاني ماني عارفه ايش هدي الانواع من القرمر
وخلصت كان باقي من الوقت 20 دقيقه طبعا لاني مشيت على الاولى بسرعه رجعت لها وافكر واقول بالله ايش هدي القاعدات
المهم سلمت الورقه لمن انتهى الوقت وسالت المشرفات
كم العدد اللي راح يختاروه ؟
الاجابة لانعرف
هل سيتم ارسال رساله للي عدوا واللي ماعدوا عشان الواحد يعرف ؟
الإجابه للي عدوا ايوه اللي ماعدوا مانعرف
متى سيتم ارسال الرسائل ؟
الاجابة في خلال اربعه الى خمسة ايام
قمت قلت خليني اسالهم عن تخصصي يمكن يعطوني عدد ؟
الاجابة بالنسبة لماجستير المحاسبة حوالي 35 موظفه يبغوا
قلت لها انا تعبانه وانتي شايفه وبالقوه جيت الاختبار
قالت لي اذا عندك اختبار الايلس ومو نتهي يقبلوه
قلت في نفسي يبغوا يختاروا مجموعه وكمان يختبروهم ودورات وشغلات الواحد طفش من الدراسه والجلسه على الاعصاب يستنى نتيجة كل اختبار لا واذا تعب زيي يوم الاختبار واصلا ماكانوا كاتبين في الشروط انهم بيسوا دورات وتدريب كل يوم لهم شي
قلت لها الخيره فيما اختاره الله
ورحت ادور لموظفين الخطوط الرجال عشان اسالهم مالقيتهم ودخلت للبوفيه حقت الرجال وسالت ومااحد ردي علي
بس حسيت اني بطيح من التعب نزلت بسرعه للسواق والله رجعت وولدي يكلمني ماني قادره اسمعه
عشان كدا مارديت لكم وقتها سامحوني على التاخير
والاسئله زي ماقالوا البنات بالزبط

[SUMA A]

يابنات مشكورين على المعلومات
بس مدري كل وحده تقووولــــ كلام مره سهل مره صعب الله اعلم .

[ريم مبارك]

المتفائلة الله يعينك ياررب ويرزقك من حيث لاتحتسبي

ترى كلنا متوكلين على الله وراضين بالنصيب انا الصراحه مدري ايش سويت بالاختبار كان جدا غريب وفيه صعوبه

الحمد لله على اي شي يكتبه

والله يسعدك وقدامك العافيه ماتشوفي شر

ولو كان لكي خير يكتبها لك ولما فيها خير يعوضك باحسن منها

اتمنى ان تكوني دائما متفائله وواثقه بالله