الأسئلة والاستفسارات عن كلية طب الأسنان ..

[Dr~NanoOok]

وعليكم السلام ورحمة الله

اهلا بك اختي

على حد علمي مافي تحويل خارجي لكليتنا
حتى التحويل الداخلي من احدى الكليات الطبية هنا بعبدالعزيز الى طب الاسنان يُعتبر صعب

و قبل سنتين كان في تحويل من ابن سينا والبترجي لجامعتنا في قسم الطب البشري
بس وقفوا التحويل خلاص اعتقد

بالتوفيق

[Dactora-FTooM]

مشكووووووووووووورة ياعسل يعطيك العافية على الرد
ايوا انا من ابن سيناء
وربي يكتب اللي فية الخير

[لولو الشهري]

اعتقد التحويل صعب جدا

[الســــاامر]

مساء / صباح الخير عليكم جميعا

سؤالي : هل بعد ما أنتهي من السبع سنوات المطلوبة في تخصص طب الاسنان أتوظف أو أقدر أحصل وظيفة ؟؟

أو أنه لازم اخلص سبع سنوات وبعدها ادخل تخصص ثلاث والا خمس سنوات وبعدها أتوظف .

هذا وموفقين ان شاء الله

[Dr~NanoOok]

المشاركة الأصلية كتبت بواسطة الســــاامر مساء / صباح الخير عليكم جميعا سؤالي : هل بعد ما أنتهي من السبع سنوات المطلوبة في تخصص طب الاسنان أتوظف أو أقدر أحصل وظيفة ؟؟ أو أنه لازم اخلص سبع سنوات وبعدها ادخل تخصص ثلاث والا خمس سنوات وبعدها أتوظف . هذا وموفقين ان شاء الله

لما تخلص السبع سنين تُعتبر طبيب أسنان عام
وتقدر تشتغل بيها دون اختيار تخصص معين

لكن غالبا ما حتلاقي وظيفة كويسة في القطاع الحكومي .. بالعيادات الخاصة ممكن

والأفضل انك تتخصص أكيد.. حترفع من شهادتك ومركزك وبالتالي في وظيفتك


وبالتوفيق

[مَـزٍآج ..}..]

المشاركة الأصلية كتبت بواسطة الســــاامر مساء / صباح الخير عليكم جميعا سؤالي : هل بعد ما أنتهي من السبع سنوات المطلوبة في تخصص طب الاسنان أتوظف أو أقدر أحصل وظيفة ؟؟ أو أنه لازم اخلص سبع سنوات وبعدها ادخل تخصص ثلاث والا خمس سنوات وبعدها أتوظف . هذا وموفقين ان شاء الله

صباح الخيرات . .

اذآ داخل طب وفي نيتك مآ تكمل بعد السبعه سنوإأت . .

نصيحه لا تدخل من الآسآس . . طبعا الكلآم ينطبق على الأسنان والبشري كمآن

[a7la-banota]

اناا تخصص طب الاسنان داخل مزاجي مرة وماتتخيل كيف انبسط لما ارووح عند دكتور الاسنان <<مجنونة
ولما اشوف صوور عن الاسنان وعن فرش الاسننان برضوو اتهبل خخخخ
الحمدلله اهلي شجعوني عليه الموهم بس لو قبلوني مرررة خايفة من ضغط الدراسة كمواد وعدد السااعات هل حقدر اتحملها ولالا؟؟ وهل حنجح بالعملي يعني كتطبيق وع ناس حققيين بعدين وخايفة من سنة ثالث قصدي مرعووبة
دحين انا حطيت التخصص اول واحد وشويا احطوو تاني واحد وارجع احطو اوول شي هادا كولو من القلق والتوتر مع اني مررة حابة التخصص ددا
مععليش حوولتكم معايا بس بالله بايش تنصحووني

[Dr~NanoOok]

a7la-banota

اهلا بيكِ أختي
ماشالله حبيت حماسك وحبك لطب الأسنان واهتمامك بيه !
وهذه من أهم الأشياء اللي نحتاجها عشان نبدع في أي شي ندخله

الصعوبات والضغوطات ما نقدر نتغلب عليها غير بالحب للتخصص ولأجل حلمنا وهدفنا
ومن غيره محد يقدر يكمل أكيد !

اللي داخل المجال عشان سمعة ولا عشان أهله مدخلينه غصب ولا لأي سبب تاني غير رغبة الشخص نفسه
صدقيني ما حيقدر يكمّل و يعطي زي التاني

وباذن الله تقدري على كل شي.. وهي مسألة وقت وتعوّد
أكيد كل شي بالبداية يكون صعب.. لأننا بنعمله لأول مره
لكن بعدها حيسهل ويصير شي عادي

بسنة أولى كنت استصعب دوامنا الطويل من 8 الى 4 العصر
لكن دحين صار مره عادي أخرج من الجامعة بعد الساعة 5 !

أستثقل الشغل بالمعامل والعيادات أول لما بدأنا فيها
لكن صارت مره عادي.. وعالجت مرضى كثير وساعدتهم
وما حنسى شعور أول مره مسكت مريضة تحت يدي وشعور الارتباك
لكن كان شعور وقتي.. وقدرت اتدارك نفسي وعملت شغل مره حلوو

استخيري ربنا وأقري أكثر وأكثر عن المجال.. وأسألي اللي تعرفيهم عنه
وإن شاء الله ربي يختارلك الخير

أقرأي مواضيع القسم هنا عن التخصص.. وحتفيدك كثير إن شاء الله

وهنا موضوع كاتبة فيه تجاربي مع القسم.. حتفيدك كمان إن شاء الله ^_^

http://www.skaau.com/vb/showthread.php?t=225358

[ommany]

بسم الله الرحمن الرحيم
وصلى اللهم على نبينا محمد وعلى اله وصحبه اجمعين
ام بعد :
انا لن أطيل عليكم يا إخوتي , أنا بإختصار طالب في السنه التحضيرية المستوى الثاني وباقي على تخرجي بس شهر واحد وطبعا يتضمنه الأختبارات النهائيه.
وانا إن شاء الله ناوي ادخل حلمي من صغري طب الأسنان "ولكن" هناك شيء يمنعني من ذلك وهو اني تعبت مررره في اختبارات الفاينل المستوى الأول وباليالله كنت اروح للأمتحانات وطبعا انتهت الأمتحانات وطلعت بمعدل يفشل وهو 2.39 , وبالتأكيد هذا المعدل ما يأهلني بأني انافس مع اخواني طلاب السنه التحضيرية. فالمساعده اللي ابغاها منكم ققط قولو لي وش التخصص اللي تنصحوني فيه ويكون يتضمن بعض مواد طب الأسنان عشان ادخله وبعدين احول لطب الأسنان.
شاكراً جزيل الشكر.

[Dr~NanoOok]

خيره باذن الله لك وربي يعوضك خير

من وجهة نظري اشوفك انك تعيد السنة التحضيرية وتشد حيلك فيها
وباذن الله تجيب المعدل اللي يدخلك الكلية
وكثير هنا بالمنتدى عملوا كده.. ودخلوا الكليات الطبية اللي يبغوها

كده اسهل من مسألة التحويل.. لان التحويل للكليات الطبية معروف انه صعب
واخاف معدلك الحالي ما حيأهلك لدخول كلية علمية عالية تقدر تحول منها للطب

ففي التحويل هناك افضلية للكليات الاخرى في للتحويل
اعلاها اعتقد كلية العلوم وهكذا


استخير الله واستشير قد ماتقدر
وربي يوفقك ويسهلك امرك