تجمع للمتقدمات لوظيفة معيدة مهارات اتصال المجتازات للستيب أو التوفل

[GiNgEr]

المشاركة الأصلية كتبت بواسطة أنا وبس كيف الاختبار ؟؟ فينكم يا بنات ان شاء الله مقبووووووولين يا رب

جابو حاجات غريبة ما توقعتها ..
ما المقصود من آيه : نور على نور ؟
والسارق والسارقة ايش دلالتها في الشريعة مدري العقيده مدري ايش ؟
ما معنى كلمة الشريعة ؟
والي يحلف بغير الله نوعه شرك ايش
الملائكة لو كفرت بيها ايش يكون حكمه
واللي يعمل المعصية الكبيرة ايش موقعه من الاعراب
عملة الجزائر ؟
مين بنى قصر المربع ؟
الزاني غير المحصن كم جلدة ؟
غزوات النبي في السنة الثامنة من الهجرة ؟
في اي مجال اشتهر احمد زويل ؟
منظمة اليونسكو ؟
عمر الاب 49 وعمر ولده مدري بنته 11 السؤال بعد كم سنه ؟؟ يصير عمر البنت ثلث عمر الاب ؟؟
وكان فيه 50 شخص خلصوا خزان موية في 12 يوم لو زادو 10 اشخاص بعد كم يوم يخلص خزان الموية
وطابور طارق ومدري مين اللي معاه اضن صالح وقروشة معاهم المهم السؤال كم مجموع الطلاب اللي في الطابور .. اي دخل اهلي انا => والله لك وحشه يا هالايقونة
وسؤال عن القبلة وين تكون لو كنتي في منطقة في الجنوب الشرقي
ايوا ومدائن صالح كمان في اي منطقة تقع
ولا كلو كوم وسؤال اللي جالس قدامي ويضرب برجلينه الارض ويهز للامام ايش نقول عن حالته متوتر والا متردد والا معصب انا عمري ما شفت واحد (يضرب) برجلينه الارض وهو جالس ويهز للامام هذا على شهار على طول
ايش كمان ايوا معنى كلمة جُعُل احم اضن الكلمة كذا مدري عنها
ومين اول من اطلق القمر الصناعي اللي يدور حولين الارض
وكم سؤال عن معاني الكلمات برضو
وكم سؤال في القدرات اللي في كتاب القدرات الجزء الاول حق الكلمات والفراغات
وكم سؤال في مهارات الاتصال وكمان صح وخطا

المهم كانت 100 فقرة ما خلو في قلبهم شي

[أنا وبس]

ههههههههههههههههه
كل شي متوقع من جامعاتنا الموقرة

[GiNgEr]

المشاركة الأصلية كتبت بواسطة أنا وبس ههههههههههههههههه كل شي متوقع من جامعاتنا الموقرة

من جدددد تحب تفاجئنا وتسعد قلوبنا

بس في سؤال مدري كيف جاي

يقلك الصيادون يصطادون الوحوش بـ ( 1- البندقية , 2- الرمح , 3- المصيدة , 4- السهم )

ايت فيهم الصح

انا سراحتن جلست اتأمل لوهله وعلى طول تخيلته الكيوبي اللي في ناروتو

وحسيت انه ما ينفع معاه الا المصيده

ايش رايكم ايش الجواب من جد ؟؟