وظائف نسائية في الخطوط السعودية (بكالريوس - ماجستير) جدة

[nmroooda]

اختبرت اليوم .........!!!

مره صعب :-( ومافي وقت تفكري اصلا ..اتوقع اني ما ح اعدي الاختبار .. بس على الله ..

والي تعرف متى حينزلو النتايج ياريت تعلمنا وشكرا ..

[سارة الزهرة]

اختباري كان اليوم 10:30 ومثل ما قالوا كله قواعد. كان عندي استفسارات لكن مالقيت فرصة أسألهم.
كيف طبيعة العمل هل فيه اختلاط؟ اذا لا فين عنوان القسم النسائي؟ والمقابلة الشخصية هل تكون مع نساء فقط؟

[أنا المتفائله]

معليش على التاخير في الرد
تعبت ااصلا قبل لااروح الاختبار واصريت اني اروح وماقدرت اصلا اركز ادا عديت فهو من دعواتكم لي
اختباري كان من الصعب للسهل باسلوب مو حلو اول مره ادخل اختبار انجليزي زي كدا
المهم اول ماوصلت الفندق حاولت اتكلم معى اي احد حسيت الكل مو فاضي لي واصلا كنت مرررره تعبانه من الادويه اللي اخذتها
المهم انتظرت الى مابدا وقت الاختبار ودخلت
يابنات على فكره القاعه بارده خذوا احتياطكم وهذا زاد الطين بله خلاني مااركز وطولو ماوزعوا الورق بسرعه
المهم شرحوا لنا كيف طريقه حل الاسئله
ولمن بدات احل والله انه في سؤال كاتبينه ناقص اموت واعرف مين اللي اختار الاسئله هدي الغبيه
اكثرها مركزه على اpassive بس طريقه كتابة الاسئله مااعرف كيف
المهم تخيلوا كيف تبدا تحل اسئله معقده الى ماتوصل للاسئله السهلة
بعد ماخلصت بصراحه لاني مشيت تقريبا على ال50 السؤال الاولى بسرعه لاني ماني عارفه ايش هدي الانواع من القرمر
وخلصت كان باقي من الوقت 20 دقيقه طبعا لاني مشيت على الاولى بسرعه رجعت لها وافكر واقول بالله ايش هدي القاعدات
المهم سلمت الورقه لمن انتهى الوقت وسالت المشرفات
كم العدد اللي راح يختاروه ؟
الاجابة لانعرف
هل سيتم ارسال رساله للي عدوا واللي ماعدوا عشان الواحد يعرف ؟
الإجابه للي عدوا ايوه اللي ماعدوا مانعرف
متى سيتم ارسال الرسائل ؟
الاجابة في خلال اربعه الى خمسة ايام
قمت قلت خليني اسالهم عن تخصصي يمكن يعطوني عدد ؟
الاجابة بالنسبة لماجستير المحاسبة حوالي 35 موظفه يبغوا
قلت لها انا تعبانه وانتي شايفه وبالقوه جيت الاختبار
قالت لي اذا عندك اختبار الايلس ومو نتهي يقبلوه
قلت في نفسي يبغوا يختاروا مجموعه وكمان يختبروهم ودورات وشغلات الواحد طفش من الدراسه والجلسه على الاعصاب يستنى نتيجة كل اختبار لا واذا تعب زيي يوم الاختبار واصلا ماكانوا كاتبين في الشروط انهم بيسوا دورات وتدريب كل يوم لهم شي
قلت لها الخيره فيما اختاره الله
ورحت ادور لموظفين الخطوط الرجال عشان اسالهم مالقيتهم ودخلت للبوفيه حقت الرجال وسالت ومااحد ردي علي
بس حسيت اني بطيح من التعب نزلت بسرعه للسواق والله رجعت وولدي يكلمني ماني قادره اسمعه
عشان كدا مارديت لكم وقتها سامحوني على التاخير
والاسئله زي ماقالوا البنات بالزبط

[SUMA A]

يابنات مشكورين على المعلومات
بس مدري كل وحده تقووولــــ كلام مره سهل مره صعب الله اعلم .

[أنا المتفائله]

شوفي سهل او صعب يعتمد على ترتيببهم للأسئله هدا من وجهة نظري لان الواحد لمن يحل ويشوف انه صعب واللي بعده صعب تنسد نفسه مايوصل للسهل الا وهو فاقد الامل انه يحل
الله يوفق اللي بيختبروا الاربعاء وإن شاء الله تحلوووووووو واللي ربي كاتبلها هدي الوظيفه بتحصلها إن شاء الله ومااحد يفقد امل
واللي تجيهم رساله قبول لايبخلووووووو علينا عشان اللي ماتجيه خلاص يعرف انه ماانقبل
وقبل هدا كله انا مستخيره الله وادا ليا خيره فيها إن شاء الله تجي وادا مالي خيره فيها إن شاء الله احصل احسن منها
هم عقدوها بحكاية التدريب وانه لازم تجتازي الدورات والاختبارات عشان يوظفكي
طيب انا ممكن تجيني فرص عمل جيده واتركها عشان الخطوط وبعدين يقولوا لي معى السلامه
انا ماحبيت هدي النقطة في الموضوع

[ريم مبارك]

المتفائلة الله يعينك ياررب ويرزقك من حيث لاتحتسبي

ترى كلنا متوكلين على الله وراضين بالنصيب انا الصراحه مدري ايش سويت بالاختبار كان جدا غريب وفيه صعوبه

الحمد لله على اي شي يكتبه

والله يسعدك وقدامك العافيه ماتشوفي شر

ولو كان لكي خير يكتبها لك ولما فيها خير يعوضك باحسن منها

اتمنى ان تكوني دائما متفائله وواثقه بالله

[الريم اللعوب]

صباح الخيرات يابنات

الله يوفق الي اختبر ان شاء الله

وانا والله بكرة اختباري ان شاء الله احس اني خايفه من الاختبار وش رايكم اروح اختبر واجرب حظي ولا ابطل ؟؟

يعني هو ماني عارفه صعب لدرجة الواحد مايعرف يحل ولا كيف ؟؟

استنى ردكم

[اللولو]

الريم اللعوب ..إختبري يمكن ربي يسهلها عليك وتنقبلي

[ريم مبارك]

اهلا اخت الريم

انا رايي تختبري يعني ليش لا ليش الواحد يتسلم قبل حتى مايجرب انتي ماتعرفي الله وين يحط النصيب

بالنسبه للصعوبه

انا مستواي كويس بالانجليزي ولكن ماكنت واثقه من اجاباتي الاختبار عمري ماشفت زيه

بس في ناس تقول سهل

مدري الله العالم

[وريف27]

ادعولي يابنات اختباري ان شاالله 7:30 الله يوفقنا ويكتبلنا كل خير