تجمع طالبات ادارة الموارد البشريه بحث وتدربيب لعام 32

[أحلى دلووعه]

المشاركة الأصلية كتبت بواسطة أحلى دلووعه يابنات الين دحين مانزل اسم الاستاذة حق شعبهbn لمادة بحث وتدريب اللي تعرف احد في هذه الشعبة تقولى................................. رحت لهم في العصر تقولى مدري مو شغلي بالله ايش اسوي لهم ليا اسبوعين عى هذا الحال حسبي الله عليهم

احد يرد عليا اروح اتدرب اللين ينزل اسم ست الحسن والجمال

[جوزائيه]

يابنات انا اخترت الموضوع ووافقت عليه الاستاذه بس ماني عااارفه كييييف ابداء بكتاابة التقرير
مررره محتاااره وماااني عااااارفه راسي من رجوووولي ,,
الله يسعدكم ميين تتبرع وتفهمني الموووضووووووع ):

[الحلا كله]

بنات الله يسعدكم انا فتحت جدولي لقيت الماده محذوفه وانا مااعندي الا هي
ومع دكتوره وفاء اليافي كلمتها وبديت تدريب واوضاعي تمام والحين الاقي الماده محذوفه
وكاتبين طالب غير مسدد مادري ليش كاتبين كذا انا شعبه bh
تكفوووووووووووون ساعدونى شسوي

[loooma24]

احلى دلوووعه
من الافضل انك تنتظري لمن يطلع اسم الاستاذه علشان توقعي من عندها ويختمون الاوراق
لانو جهة التدريب ماتقبل انك تدربي الا بالخطاب
وبالنسبه لاسم الاستاذه شغلة كم يوم وينزل لانو صار لي نفس الموقف
وانشاءالله اكون افدتك

[ورد جـوري]

dlooo3h

يعطيك الف عافيه .. وعطر الغلا ما قصرررت برضه

هممم ابي اسألكم
وين ادارة الانتساب بالضبط .. ؟؟؟
الدكتوره وفااء قالتلي راح تكون موجوده هناك بكره ...

اذا في احد يعرف ياليت يقولي

[loooma24]

كلية الاداره والاقتصاد
وبكره الدكتوره وفاء موجوده من الساعه 12 الى الساعه 2 في مكتبها الدور الثاني

[kikah.81]

والحل مع الدكتورة هند دمنهوري ؟؟؟؟؟؟؟؟
ابغى طريقة اتواصل فيها معاها .. اتصل عليها في اوقات ساعاتها المكتبيه وماترد
وبرضو ارسلت لها اكثر من ايميل ولا ردت علي مع العلم انا من خارج جده
اذا فيه وحده تقدر تروح لها في اقات ساعاتها المكتبية تبلغني عشان توصل للدكتورة استفساراتي
وربي يجزاها كل خير ويوفقها

[يحفظك الله سيدي]

الله يسعدها اللي تساعدني
انا بحث وتدريب عند كاميليا
وارسلت لها كم مرة بس مالقيت رد
التدريب خلصته من بدري في المستشفى الجامعي
بس الامور الثانية ما ادري كيف اسويها
لني مو من جدة وماني لاقيه طريقه اتواصل معاها
الله يخليكم تريحوني
اسوي البحث واسلمها اياه من غير ما اراجعها وكمان التقرير
ولا كيف الله يسعد اللي ترد علي

[المعتزه]

المشاركة الأصلية كتبت بواسطة يحفظك الله سيدي الله يسعدها اللي تساعدني انا بحث وتدريب عند كاميليا وارسلت لها كم مرة بس مالقيت رد التدريب خلصته من بدري في المستشفى الجامعي بس الامور الثانية ما ادري كيف اسويها لني مو من جدة وماني لاقيه طريقه اتواصل معاها الله يخليكم تريحوني اسوي البحث واسلمها اياه من غير ما اراجعها وكمان التقرير ولا كيف الله يسعد اللي ترد علي

السلام عليكم ورحمة الله وبركاته

اختي الفاضلة انا معاك في نفس الماده ونفس الاستاذه

وهذا ايميل الاستاذه للتواصل بس لازم يكون الايميل باسمك مو بنك نيم

عشان ترد عليك
k.ganainy@yahoo.com

الطلوب
تقديم بحث نظري وراح ينتهي موعد استلامه قبل العيد يعني يا دوب تخلصينه

يعني تاخذي مراجع وتكتبي عن الموضوع بس لازم تقولي لها وش الموضوع وهي توافق عليه

الشي الثاني التدريب راح تطلبه منك بعد العيد

يعني تقديمك للتدريب الحين ما راح تقبله على حسب كلامها

وسؤال الاهم هل انتي اخذتي منها النماذج ووقعتيها ولا لسه ؟؟


لان لازم هي توافق على مكان التدريب مو تتدربي من نفسك

وبعد ما تخلصي تكتبي التقرير الخاص بالتدريب وتربطيه بالنظري بشكل متكامل واذا انتي من خارج جده تقدميه قبل الاختبار بالنت عن طريق الايميل

وتجيبينه لها بشكل مجلد

اتمنى اكون افدتك

[أحلى دلووعه]

بنات اخيرا نزل اسم الاستاذة انا مع وفاء اليافي
دحين مين اول اروح له لختم الاوراق مكان التدريب او استاذة وفاء