تجمع طالبات ادارة الموارد البشريه بحث وتدربيب لعام 32

[ورد جـوري]

المشاركة الأصلية كتبت بواسطة فطوسه روحيلها من 11 الصباح بتكون موجوده ان شاء الله .. وبالنسبة للايميل على طول بترد عليكي انسخي ولصقيه زي ماهو دا ايميلها alyafiah@yahoo.com

اناا لقيت جدول الساعات المكتبيه ...
الاحد من 9 الى 1
والاثنين من 8 الى 9 .. و من 12 الى 2

همممم في مكتبها الثاني لأنها مش في نفس مكتب الدكتوره نعيمه بوقري
صح ؟؟؟

ودي اروح السبت والله واخلص . لكن اخاف زي قبل . اروح ولا الاقيها

ان شاالله راح ارسل لها ايميل اجررب

[أحلى دلووعه]

المشاركة الأصلية كتبت بواسطة أحلى دلووعه يابنات الين دحين مانزل اسم الاستاذة حق شعبهbn لمادة بحث وتدريب اللي تعرف احد في هذه الشعبة تقولى................................. رحت لهم في العصر تقولى مدري مو شغلي بالله ايش اسوي لهم ليا اسبوعين عى هذا الحال حسبي الله عليهم

احد يرد عليا اروح اتدرب اللين ينزل اسم ست الحسن والجمال

[loooma24]

احلى دلوووعه
من الافضل انك تنتظري لمن يطلع اسم الاستاذه علشان توقعي من عندها ويختمون الاوراق
لانو جهة التدريب ماتقبل انك تدربي الا بالخطاب
وبالنسبه لاسم الاستاذه شغلة كم يوم وينزل لانو صار لي نفس الموقف
وانشاءالله اكون افدتك

[dlooo3h]

مرحبا بنات ،،،
للي محتاجين ملزمة فن إعداد التقارير بتلاقونها في المرفقات ،،
وهي من مجهود اختنا عطر الغلا الله يسعدها ،،

الله يوفق الجميع

[ورد جـوري]

dlooo3h

يعطيك الف عافيه .. وعطر الغلا ما قصرررت برضه

هممم ابي اسألكم
وين ادارة الانتساب بالضبط .. ؟؟؟
الدكتوره وفااء قالتلي راح تكون موجوده هناك بكره ...

اذا في احد يعرف ياليت يقولي

[loooma24]

كلية الاداره والاقتصاد
وبكره الدكتوره وفاء موجوده من الساعه 12 الى الساعه 2 في مكتبها الدور الثاني

[kikah.81]

والحل مع الدكتورة هند دمنهوري ؟؟؟؟؟؟؟؟
ابغى طريقة اتواصل فيها معاها .. اتصل عليها في اوقات ساعاتها المكتبيه وماترد
وبرضو ارسلت لها اكثر من ايميل ولا ردت علي مع العلم انا من خارج جده
اذا فيه وحده تقدر تروح لها في اقات ساعاتها المكتبية تبلغني عشان توصل للدكتورة استفساراتي
وربي يجزاها كل خير ويوفقها

[يحفظك الله سيدي]

الله يسعدها اللي تساعدني
انا بحث وتدريب عند كاميليا
وارسلت لها كم مرة بس مالقيت رد
التدريب خلصته من بدري في المستشفى الجامعي
بس الامور الثانية ما ادري كيف اسويها
لني مو من جدة وماني لاقيه طريقه اتواصل معاها
الله يخليكم تريحوني
اسوي البحث واسلمها اياه من غير ما اراجعها وكمان التقرير
ولا كيف الله يسعد اللي ترد علي

[أحلى دلووعه]

بنات اخيرا نزل اسم الاستاذة انا مع وفاء اليافي
دحين مين اول اروح له لختم الاوراق مكان التدريب او استاذة وفاء

[Wedad Taimah]

يسعد ربي أوقإآتكم يآكويسات ..
بدي اسالكم .. بخصوص الدكتوره وفاء اليافي .. وبخصوص اللقاء اللي رح يكون بين الاستاذه الجوهره القحطاني وبين طالبات مادة البحث والتدريب .. انا سمعت انو حيكون بكره وبعده وبعده .. فانا سؤالي كيف حنروح التلوت والربوع وفيه اجازه ؟ وللا مافيه اجازه ؟ اللي عندها خلفيه تجاوبني في اسرع خلفيه .. تشكراتي .."