هنا تجمع احلى صيادلة دفعه 11 ,,الكل يدخل

[rarba]

المشاركة الأصلية كتبت بواسطة amiwa [b]اولا مبروووووووووووووووووووووووووووووك من كل قلبي و اهداء لكل بنت انقبلت >>>> هلااااااا بش حي من عاكس اتجاه الكلية وجااااابش هلااااااااااا بش(معليش مو عنصرية بس ما تنفع غير للبنات) تاني شي معليش جاية لقافة بس انا من جد مرررررررررررررة احب الصيدلة وكنت محتارة مررررة بينها وبين اسنان واستخرت وربنا اختار لي اسنان^^ صراحة حبيت اعلق على حماسكم اللي من جد مرررررررررة يفتح النفس بالذات اللي لفتو انتباهي زمرد وذا هيل و قتيبة اهنيكم على اختياركم الموفق واتمنالكم من كل قلبي التوفيق قتيبة, انتا خايف من روايح الجثث حقتكم اللي كم مرة تنعد عالاصابع؟ امال احنا اللي نقعد نِشَمْشِمْ ....... طول عمرنا ايش نسوي؟خخخخخخخخخخخخخخ الله يخلي الكمامة حبيبتي وذا هيل تنورييييييييينا في منتداااانا الله يسعدك يارب انتي و ران والعسل زمرد كم مرة شفتللك تعليق ورد, من اول الناس اللي فتحت عيني عليهم ف المنتدى ربنا يسعدك ياريت نشوفكم دايما وجودكم ف الاسنان يشرفنا ويشرفنا وجود كل الاعضاء كمان^^ طيب.. نجي للكلام الجامد rarba اختي (الحقيقية من لحمي ودمي) اذا عندكم اييييييييي شي انا ازبطلكم هية يا دُفعَتي 2011 (لا امزح امزح هية من نفسها تسوي ما تقصر ماشاءالله عليها, اختي الكبيرة حبيبتـــــــي وقدوتي الله لا يحرمني منك ابدا) ودفعة pharma10 زي العسل من جد اتمنى يااااااارب يكون كلاسي وكلاسكم زيهم لانهم كلمة حق تنقال قمة في كل شي ولساني يعجز عن الوصف فــما اقول غير الله يخليكم لبعض ولينا ياااارب وعقبال ما نحضر تخرجكم ونفرح لفرحتكم بالتوفيييييييق لنا جميييييـــــــــــــــــــــعا وان شاءالله كلنا ننبسسسسط و نفلللها ونجتهد >> معليش سامحوني طووووولت عليكم تقبلو مروري والله يسعدكم دنيا واخرة من جد مرررة انبسطت (سوري جبت كلامي فــ دا الموضوع كمان عشان قالولي دا اللي شغّال)

اهلا اهلا باختي العزيزة اميرة, نورتينا
ايوة ايوة امدحيني, خخخخخخ
وعلى حكاية الرد الثاني حق حقوق الطبع محفوظة, انا كنت باحطلك صور الاسنان المسوسة على تسريحتك عشان اجهزك لتخصصك, امزح امزح بس كنت استهبل عليكي, بس كان شكلك يضححححك وانتي كل شوية تتقرفي وتخبي الصور في الدرج خخخخ, انتي المفروض تشكريني لاني انا اللي دعمتك عشان تخشي اسنان في بداية السنة<<<
ربنا يوفقك وان شاء الله يااااااااااا رب اشوفق طبيبة اسنان ناجحةومتفوقة

[rarba]

المشاركة الأصلية كتبت بواسطة ابتسامة الزهر بالنسبة للأمورة ( مظلومة التحضيري ) >>>تراني زعلانة برضو من الاسم بس بقلك كم نقطة مو عشان شي بس لأنو صعب عليا أشوف ناس في نعمة ..وبيعانوا !!... وأسكت 1- جربي تتخيلي لو إنك في قسم مو بس ما تحبيه أو مو عاجبك ... لا كمان (( تكرهيييييييه وما تطيقيه )) ترى تحسي براحة يعني مثلا لو انتي حابة الكليات الطبية .. اتخيلي انك ما انقبلتي في ولا وحدة منهم 2- المجتمع اللي حوالينا يكون عائق لنا في كذا جانب >>>>طنش تعش تنتعش لو ما كان دراسة وما اتكلموا في دراستك وتخصصك راح يتكلموا في شي تاني زواج مثلا لو متزوجة برضو محا يعتقوكي حيهرجوا في الخلفة ...ولو خلفتي ...في أولادك.....وهكذا دواليك يعني على قولهم ماكو فككككة من كلام الناس ... عاد ايش تسوي إذا اللسان أسهل عضو في تحريكه ...!!تقدري تقولي .... (( ناس فاضية )) عموما ترا يعتبر تجربة تقويك وتصقل مواهبك ... (( الضربة اللي ما تقتلك .. تقويييك ))>>>دكتور خالد أبو الشامات 3- أمك وأبوكي وأهلك : يمكن يكون اقناعهم مو سهل .. أنا عن نفسي لو كنت في موقفك وأهلي معاارضين ويبوني أحول ... ( أقلهم عذرا بس أنا ما أبا أحول وأنا مقتنعة ) >>>طبعا هذا يكون لمن تكوني فعلا مقتنعة ... وبعد كدا لو ما اقتنعوا أنا راح أسكتتتت وما راح أتكلم راح أخلي نجاحي في الحياة هوا ( الرد ) ... 4- أقري عن الصيادلة المسلمين الأوائل وشوفي براعتهم في علم الأدوية ومداواة الناس تحسي بنشووووة *والله والله والله الصيدلة تجننن غير إنو مجالاتها أوسع من مجالات الطب ( الوظيفية ) وغير إنها مطلوبة أكثر ... تقدري تكوني إنثى وتعيشي حياة معتدلة ..جميلة ...تناسبك كأم وأخت وابنة في المجتمع دا غير إنه بعد 5 سنين تكوني دكتورة صيدلانية في حين انو الطب بعد 6 سنين هما عام يعني مو داك الشي لازم تكمل 4 أو 5 سنين بعدها ... عشان ترضي طموحها ... 12 أو 13 سنة كلو على بعضو *الطب شي رائع أنا ما أنكر بس فيه صعوبات أكثر بالنسبة لنا كأنثيات... 5- وهو أهمممم شي ... نصيحة من قلب صح ما يعرفك بس يحب لك الخير بثي كل شكواك ,, للي أرحم بيكي من كللل أحد .. أرحم بيكي من أمك .. في وقت السحر ... والله راح تشوفي العجب ... لا ترفعي من السجود وفي خاطرك شي ما قلتيه لله .. (( نصيحة الدكتور عبد المحسن الاحمد )) شفتي الكلام اللي قلتيه في المنتدى !! ... بصراحة حرك قلوبنا أحنا اللي ما نعرف شكلك حتى ...فمابلك بأرحم الراحمين !! (الجئيلوا وما راح يخيبك لأنه حيي كريم يستحي أن يرد يدي عبده صفرا خائبتين )ربنا يستحي يردك خايبة ... حاسة بالمعنى ؟!! في حكمة حلوة أحبها تقول : ( قد تلد المآسي عبقريا ) >>>بالمناسبة في كتاب مرة روعة انصح بيه صحباتي دايما .. اسمو ( كيف أصبحوا عظماء ) كتاب صغير والخط كبير ... إذا منتي من حقون القراءة واتذكري إنو الحياة ... (( كفاااااح )) أدري إني طولت آسفة على الإطالة بس من جد نفسي أساعدك

ما شاء الله عليك, كلامك وسليم ومرة عجبني :)
حلو ان الواحد ينظر للاشياء من عدة جوانب
انا مرة احب القراءة,(حقون الكتاب الكبير والخط الصغيرهههههه) وكتاب (كيف اصبحوا عظماء) دوبوا جاني هدية, في كم بنت غيري يعشقوا القراء كمان ماشاء الله, اعرفك عليهم ان شاء الله

[ابتسامة الزهر]

أهلا بيكي يا سكرة ( أروى )
آميييييييييييييين ياااارب وإياكي ولكل البنات يارب

[ابتسامة الزهر]

أبراااار وأخيرا التقينا ... وجها لوجه وردا لرد
يناااس عليكي ... ترا مرة حبيتك
>>>ترا أحب الناس المثقفة ... من جد يبان من طريقة الكلام والشخصية ..
شكلك مرة عاقلة وفاهمة وشطورة ما شا الله >>>( شوفة النفس ممنوعة )
شكرا حبيبة على الرد

يلا أنا متحمسة انك تعرفيني عليهم .. بس يمكن ما آخد بسرعة عليهم انكسف شوية



بالمناسبة ...
عندي كم سؤال ...
1- في الكلية نلبس السكرب واللاب كوت طول الدوام ؟ ولا بس في المعامل ؟
2- كيف نعرف كلاسنا فين ؟ إنتوا قلتوا إنو من أول يوم الصباح راح نآخد ... طيب فين الكلاس وكيف يمديني أعرف مكانه ؟؟
3- هل حتنزل جداولنا في الأدوس زي التحضيري ؟؟
ومتى تنزل لو كان الجواب بالإيجاب ... ؟؟
وشكرا

[THE HILL]

اهلا فيك مرة ثانيه ^^ > ي بنت ما كنت اعرف انك تبي صيدله " اختيار موفق "!!! ... وعيوش قبل كم يوم قالتلي مريومه في احد معاك" تعرفيه " ف الكلاس يعني مو لحالك ^^>الله يسعدها طمنتني خخخ

1- في الكلية نلبس السكرب واللاب كوت طول الدوام ؟ ولا بس في المعامل ؟

السكرب يقولو يمكن ع دفعتنا يكون اجباري " وبصراحه مريح لامثالي " ممم طبعا السكرب حيكون طول الوقت والاب كوت ف المعامل

كيف نعرف كلاسنا فين ؟ إنتوا قلتوا إنو من أول يوم الصباح راح نآخد ... طيب فين الكلاس وكيف يمديني أعرف مكانه ؟؟

من جد ياليت احد يساعدنا ف اجابه هذا السؤال بس انا اعتقد اكيد فيه احد حيوجهنا هناك ..

- هل حتنزل جداولنا في الأدوس زي التحضيري ؟؟

لالا ما راح تنزل ع الاودس راح تنزل ف موقع الكليه نفسها يمكن قبل الدوام باسبوع او يوم ولو مانزل فاول يوم حيستقبلنا الجدول هنااك،،







العفو ^^ ,,,

[ابتسامة الزهر]

يب صراحة ما كنت أبا صيدلة أخويا اللي سنة خامس دحين مدري سادس كرهني فيها هههههه ..بعدين اتعرفت على وحدة اسمها لما ... مو بس خلتني أحب الصيدلة إلا خلتني أعشششق شي اسمو صيدلة وأنام وأحلم فيها كمان ..
تعرفي أنا كان نفسي أخترع عقاقير ... عشان كدا كنت أبا تغذية اكلينيكية ... بس أكتشت انهم بس متخصصيين يسوا دايت للمرضى ..
فحولت على الصيدلة
عشان أبا أخترع عقاقير .... متأثرة بكونان وهايبرا والمنظمة السوداء هههههههه

[THE HILL]

المشاركة الأصلية كتبت بواسطة ابتسامة الزهر يب صراحة ما كنت أبا صيدلة أخويا اللي سنة خامس دحين مدري سادس كرهني فيها هههههه ..بعدين اتعرفت على وحدة اسمها لما ... مو بس خلتني أحب الصيدلة إلا خلتني أعشششق شي اسمو صيدلة وأنام وأحلم فيها كمان .. تعرفي أنا كان نفسي أخترع عقاقير ... عشان كدا كنت أبا تغذية اكلينيكية ... بس أكتشت انهم بس متخصصيين يسوا دايت للمرضى .. فحولت على الصيدلة عشان أبا أخترع عقاقير .... متأثرة بكونان وهايبرا والمنظمة السوداء هههههههه

هههههههههههههههههههههههه وربي ضحكتيني خخخخ يب يب انا اللي كنت اعرفه " التغذيه "


لاا لالا بعدي عن اخوكي الله يخليك > دعوة للتفكك الاسري



يا لطيف عقاقير مرا وحده ^^ هوا اللي اعرفو انو نتخرج بالمعلومات ع الادويه والعقاقير لا باس بها والباقي عليك " مجهود شخصي بعد توفيق الله "



الله يديم الحمااس دا لاخر يوم تخرج>> عني انا ابغى الدراسه اليوم

[rarba]

اهليييين افنان << دوبي استوعب =.=
اخجلتيني يا آدمية، بس لا يغرك، بعض الاحيان افصل من جد(انا شوية غريبة ...احب افلام الرعب...والعاب المضاربات وال ر بي جي ع البليستيشن والاكسبوكس...وخرابيط تانية يستحسن ما اقولها هههههه <<< تلاقيها the hill من جد دحين تقول هادي كيف دخلت صيدلة)
ولا لا انا ما اشوف نفسي طبعا، مرة ما احب دا الطبع ويا رب يبعدنا كلنا عنه،اصلا مافي سبب :)
انا احب الناس المثقفة كمان، حسيت انك حقت كتب ههههه من طريقة مسكك للكتاب/الملزمة

1- احنا كنا عادي نلبس سكرب او لبس عادي طول الدوام، واللاب كوت الزامي فقط وقت المعامل. (ما ادري اذا حيشددوا دي السنة)
2-ان شاء الله بنستقبلكم اول يوم، ما حتضيعي، انتي بس اهم شي تعرفي مكان الكلية (في خرايط ع المباني)
3- الجداول حتنزل مع بداية الدراسة في الموقع، بس همة اصلا حيوزعوا عليكم الجداول اول اسبوع، لا تشيلي هم
^.^

حلوة مرة حكاية العقاقير، وليه لأ، انتي قدها
الله يديم حماسكم يا صيدلانيات ؛)
[/COLOR]

[Qotaiba HBK]

((لاولاد دفعتنا, ايش رايكم تسووا نفس الشي وتعزموا الدفعة الجديدة في الgeneral activity حق اول اسبوع ؟؟)

ما فهمت يعني إحنا جايين ندرس ولا ناكل هههـ

طيب حصة النشاط هذي كم دقيقة .. ؟

[THE HILL]

المشاركة الأصلية كتبت بواسطة rarba اهليييين افنان << دوبي استوعب =.= اخجلتيني يا آدمية، بس لا يغرك، بعض الاحيان افصل من جد(انا شوية غريبة ...احب افلام الرعب...والعاب المضاربات وال ر بي جي ع البليستيشن والاكسبوكس...وخرابيط تانية يستحسن ما اقولها هههههه <<< تلاقيها the hill من جد دحين تقول هادي كيف دخلت صيدلة)

هههههههههههههههههههههههههههههه من جد والله احد اسبابي اللي خلاني اختار صيدله انو مافيها حركات التقطيع والاكشن والجثث





بس برضو الصيدله من غيركم ما تسوى ..