تجمع لـمتابعة اجراءات المرشحين و المرشحات بـ رابغ

[Reflection]

المشاركة الأصلية كتبت بواسطة حافظة الود انا ترشحت معاكم اخي ريفليكشن في نفس الوقت وسويت الكشف الطبي زيكم الاسبوع الماضي. وعلى كلام د رحمة انه مادام فيه كشف طبي يعني فيه أرقام وظيفيةوواحد من الموظفين في الشؤون قال انه رح يتصلوا على محرم عشان تغيير المهنة!هل تغييرها بعد صدور الرقم ولا ايش؟ انا اقصد ب 9 شهور انتظار الأخت مشاعل احمد اللي تقول ان لها 9 شهور ما طلع لها رقم عشان الميزانية!! المحاضرات اللي معاي في رابغ قالوا اكثر شي 3 شهور وطلعت ارقامهم؟! غريبة كل هذي المدة يا اخت مشاعل هل انتي مرشحة في كلية من كليات رابغ ولا ايش؟

مممم اللي اعرفه مو شرط كشف طبي معناه في ارقام (ماخوفك بس هذا الواقع)،، اصلا النظام المعروف انه ما يتم الاعلان عن وظائف الا انه يكون هناك ارقام وظيفية شاغره .. يصير يترشح المتقدم و يخلص (كشفه + الاحوال) و يباشر دوام من ثاني يوم .. هذا نظام كل الجهات الحكومية .. بس غريب نظام جامعاتنا كلها في تعيين الااكاديميين .. انتظار ارقام و المتقدم قد اترشح او سوى كشفه الطبي وخلص .. ان شاء الله تجينا كلنا مع بعض وماحد تتعسر له الارقام و لا شي .. و من خلال كلام الدكتور الجحدلي و أ. عبدالغني في شؤون الموظفين انه ان شاء الله بسيطة الامور و متيسرة .. و على كلامهم بعد الاجازة او محرم بالكثير (و عبدالغني اعرفه لو في شي بيقول للان مو واضح لنا شي او انتظروا .. بس اعطانا موعد و احسه متأكد).. و ربي يقدم اللي فيه الخير لنا جميعا.

[Mashail Ahmad]

ربي يسهلها للجمييييع .. وفعلا المحاضرين تتأخر ارقامهم لكن من حسن حظكم ان ترشيحكم جاء على إقتراب ..الميزانيه ..

لاني ترشحت من شهر3 او 4 .. أتووقع قريب الفرج إن شاء الله

[الإستااذة]

الله يسهل الامور يارب ..
على فكرة قرات في لوائح الخدمة المدنيه مكتوب يعامل المعيد معامله موظف الدوله الدرجه الثامنه من حيث البدلات والمكافئات والمزايا .. والمحاضر معامله الدرجة التاسعه ..
ما ادري صار عندي فضول اعرف كم الراتب ؟؟ هههه

[Mashail Ahmad]

المحاضر .. مايقارب 14000



والمعيد ماعندي فكره أتوقع 12000 وشي

طبعا هذا الراتب الاساسي مع البدلات


خصوصا انكم حتاخذو بدل جامعة ناشئه . وبدل ندرة تخصص لان الجامعه مافيها تخصصاتكم .


وبدل ضرر أعتقد للكليات العلميه وبدل حاسب ألي

[الإستااذة]

ان شاء الله تكون زي ما قلت مشاعل ..
دا انا كل اهلي شغالين فيا طلبات من دحين :)

[optimistic lady]

واو ماشاءالله والله كويس المبلغ ماتوقعت.... مدري ليش عمري مافكرت اسال عن الراتب
بس دايم اسمع انه راتب المعيدة 6000 حتى اقل من راتب المعلمة شكله معلوماتي خاطئة
الاستاذة طنشي سوي نفسك ماتسمعي عشان لايكثروا طلبات اهلك

يالله ربي يبارك لنا ويكتب لنا الخير

[Reflection]

هذا اللي فادنا فيه متفائل من زمان

للمعيد . الاساسي : 6650 ريال . وللمحاضر 8700 بدل جامعة ناشئة : 25 % بدل حاسب : 20 % بدل ندرة : 25%. وهذا يكون اذا تخصصك نادر او اذا السعوديين اقل من نصف القسم بدل تعليم جامعي : 20%

البدل الاخير حسب علمي ما ينصرف الا اذا نزل جدول وتدرسي
يعني مجموع البدلات 70% من الراتب الاساسي = 4655

الراتب الاساسي (6650) + بدلات (4655) + بدل نقل ثاتب مع الراتب (700)=الراتب (12005)
راح يخصمو منه التقاعد9% (598.5) الصافي: 11406 ريال
ولا تنسي في شي اسمه بدل تعيين يصرف مره وحده عند التعيين و هو مقدار راتبك الاساسي 6650 .. بس مدري هل لازم احنا بنفسنا نرفعه للشؤون المالية في الجامعة او ينزل ع طول !

يعني اول شهر او التاني تاخذي لك 18056 .. بعد كدا راتبك العادي 11406
.
و إن شاء الله حسبتي صحيحة

[Mashail Ahmad]

أوصيكم وأوصي نفسي تحسبو حساب للفقراء والمحتاجين من رواتبكم .. من باب التواآصي بالخير وربي يباركلنا ولكم

[الإستااذة]

اكييييد هم كمان ربنا اعطنا لنعطيهم ،...
اسال الله ان يبارك لنا فيما اعطانا ..
رفلكشن .. اللي اعرفه انو لازم انت تقولهم نزلولي البدلات وتسالهم عنها لان البعض والعياذ بالله يشوفها فرصه ...
اوبتمستك ... هههه على مين والله مفصصين الموضوع كله .. الله يسلمك

[الإستااذة]

اوبتمستك .. ههه على مين والله مفصصين الموضوع كله .. الله يسلمك بابا استاذ انجليزي متقاعد وعارف شغل المدرسين واللي منه .. مافي فكه بالمررره .. هههه