تجارب و خبرة الطالبات مع أعضاء هيئة التدريس (ضبطي جدولك معانا و ارتاحي )

[عـــهـــود]

ايوا اخدت معاها جزئي وكنت باخد معاها كلي لكن ربي ما كتب

لكن استاذه ذووق وتراعي جدا

وتاخذ راي البنات

بجد راائعه وحبيتها مره

والاحسن من كدا تاخد الدرجه الاحسن بالاختبارات الدوريه ان شافت البنات يستاهلو

وماعندها تكاليف

بس تدي واجبات وشرحها منظم
وغيابها كثير بس تعرف تنظم وقتها

لا تفوتيها بجد استاذه طيبه وحبووبه

ان شاء الله افدتك

...

[نجـــد]

خيتو نجد يقولو ورده مررة سيئة لا تاخذي عنهاا >> بس ترا انا ما اعرفهاا و اكرام ما اعرف عنها شئ ^^

نجد لاتأخذي مع ورده اكرام مااعرفها لكن اسمع انها كويسه الترم هذا بأخذ معاها قانون اداري

اللي تسال عن اكرام سمعت بنات يمدحووها

الف شكر لكم .. و الله يجزاكم الجنه

[احساس فنانه]

السلام عليكم

صباح الورد للجميع

حبيت اسأل عن الاستاذه نسرين خالد حمدي العتيبي

ارجو ان تفيدوني لو بمعلومه بسيطه عن هذا الانسانه

وشاكرها لكم جميعا

[توووbearooيتي]

يابنات الله يعطيكم العافية ع اللي تقدموه ..
بس أنا محاسبة مستوى تالت ونزل جدولي وهو كالتالي...
مبادئ ادارة _________ خديجة ضباب ( وعرفت منكم انها ممتازة والحمد لله )
مبادئ اقتصاد جزئي ________ ( مانزل لشعبتي أستاذة لسه )
اش تنصحوني اعمل ؟؟؟؟؟؟؟؟
مبادئ اقتصاد كلي ______ ايمان حسن
وحابه اسأل عن شرحها اللي سبق ودرستها تقولي كيف شرحها وأسألتها
محاسبة 101 _______ لسه ماأنفتحت وعرفت منكم الاستاذات الروعة
( نوال الجندي * صباح الغامدي * ريم صقر ) ويارب أكون عند وحده منهم...
وعندي مادة اختيارية الى الآن ماحددتها وما أعرف على أي أساس أختارها
المادة اللي لها متطلب سابق ماسبق ودرسته أكيد ما أختارها.......
يبقالي كذا حاجتين 1_ مادة لها متطلب سابق أدرسه في نفس السمستر.
2_ ومادة مالها أي متطلب سابق .\
اش أفضل اختار ؟؟؟؟؟؟؟؟؟؟؟ الله يسهل علينا وعليكم كل صعب..........
والمواد الأختيارية كالتالي ,
اللي لها متطلب سابق ومعايه حاليا 5 مواد.,,,,,,,,,,
مبادئ تسويق
ادارة العمليات
ادارة مشروعات صغيرة
مالية عامة
اقتصاد دولي
واللي مالها أي متطلب سابق هيه.......,(((((
مبادئ قانونب
بحوث عمليات
تقييم مشروعات
سلوك تنظيمي
النظام السياسي السعودي

[حأقعد عالكاشير]

توووbearooيتي

خديجه ضباب غنيه عن التعرف كويسه
الاقتصااد الجزئي ان شاء اله يكون حظك كويس وتكون استاذتك عدله
اقتصاد كلي استاذه ايمان طيبه وشرحها حلو واسألتها سهله وتدي نماذج اختبار قبل الاختبارات الدوريه والنهائيه وتسويلك مراجعه للمنهج اول باول بس دقيقه في الدرجات اهم شي عندها شاركي في الكلاس تديكي درجات وواجباتك قدميها بطريقه مرتبه وحلوه ترى يهمها الشكل مررره
استاذات المحاسبه هيا اسمها نهال الجندي^^ كويسه وكمان اللي قولتيهم زياده عليهم سماسم وساره بكر
ان شاء الله تكوني عند احد منهم

المواد الاختياريه شوفي اللي تعجبك
انا كثير نصحوني
تحليل احصائي 205
تقدري تاخذيها على مااعتقد اذا درستي تحليل احصائي المستوى الاول
وقالولي مادة بحوث وعمليات حلوه برضو مع امل تركستاني
واستثمار (ماادري اذا ليها متطلب ولا لا)
وكمان بعضهم نصحوني بادارة مشروعات صغيره


ان شاء الله افدتك ياعسل
ربي يوفقك



استاذات المحاسبه

[توووbearooيتي]

* حأقعد كاشير
ربي يسعدك ياعسل دنيا وآخره ويفرج همك وينولك اللي في بالك
والله فكيتيني من حيرة دوووووختني
الجدول حتى اهلي يقولوا ارحمي عيونك طلعت وأنتي تطالعي فيه
وان شاء الله أشوفك اكبر محاسبة في k s a

[حأقعد عالكاشير]

^
^

وه يابعد شبودي
لاشكر على واجب

وتسلمين عالدعوات
اسعدتيني بصراحه

ربي يسهلك

[ظل الياسمين]

والله إنهم يمدحونها
الله يوفقك بهالمادة معهااا إن شاء الله

[أم رنيم]

نظرا لتعدد صفحات الموضوع السابق للأخت عاشقة المستحيل

ونظرا لصعوبة قراءة الموضوع من أول الصفحة إالى آخرها والتي بلغ عدد صفحاته 285 صفحة

اقترحنا نحن مشرفي قسم الاقتصاد والإدارة بغلق الموضوع وفتح موضوع جديد يتبع للموضوع السابق ومدمج مع موضوع الأخت طالبة مو فاهمة

على هذا الرابط

تابع ( تجارب و خبرة الطالبات مع أعضاء هيئة التدريس)

بالتوفيق للجميع