هنا تجمع طلاب الترم الصيفي لعام 1433هـ

[الجوهره السوداء]

افضل ماده اختياريه ايش

ادارة المشروعات العامه

ولا اساليب وطرق العمل

[توفيق النفيعي .....]

المشاركة الأصلية كتبت بواسطة الجوهره السوداء افضل ماده اختياريه ايش ادارة المشروعات العامه ولا اساليب وطرق العمل

ادارة المشروعات العامه , حسب توصية الزملاء بالمنتدى وعن نفسي نزلتها صيفي ...

[وطن.!]

المشاركة الأصلية كتبت بواسطة الديكتاتوري يا ناس هالجامعه بتجنني الظاهر امس العصر كانت مادة المحاسبة الحكومية متاحة للتسجيل واللحين مغلقه وش السالفه يطقطقون علينا ولا ايش بالضبط وربي شي يفقع القلب ابو فيصل , وطن وش الدبره يا الاجواد تكفون ابي شوركم وربي انا كرهت الدراسه من هالجامعه شي مو طبيعي والله يكرهونك في الدراسه ببرودهم وحركاتهم

الله يعين تخبط واضح يشوفه حتى العمى صرنا ماعاد ندري المواد المتاحه والمغلقه بس المحاسبة الحكومية ، اتوقع راح يفتحوها

[saeed abdullah]

شباب هذي المواد بنزلها صيفي رايكم يهمني
بحوث وعمليات
ادارة مستشفيات
تقييم البرامج الحكوميه
وبالتوفيق للجميع

[الحوووووووووووت]

فيه مشكلة في النظام بأذن الله راح تنحل

[ميشو999]

ياشباب قسم بالله هالجامعه ونظامهم يبون يهبلون بي .. تعقيد هالنظام ذا ومخبط

إذا جيت أدخل على التسجيل وبعدين إختيار الفصل الدراسي وبعدين الحذف والإضافه يقولي تحقق من الرقم السري البديل

أبسجل بالصيفي وكأنهم يمنون علينا .. أنا الرقم السري صحيح عندي ودايم أحطه لكن مادري وش المشكله .. أفيدوني

[طموحي الامتياز]

المشاركة الأصلية كتبت بواسطة هاني المطيري ياليت بنزلها صيفي

باذن لله اذا نزلتها حط رد بدا الموضوع
بالتوفيق للجميع ....~

[abo.eilaf]

السلام عليكم ورحمة الله وبركاته
إخواني الكرام
أسأل الله أن يجزيكم خيرا على ما تبذلونه من جهود ..
وعندي إستشارة بسيطة وأتمنى أن أجد منكم النصح والمشورة ,,,
سيتبقى لي بإذن الله تعالى المواد التالية:

تقييم البرامج الحكومية
أجهزة التطوير الإداري
الإستشارات الإدارية
موازنة ومالية عامة
ثقافة المنظمة
التحليل التنظيمي

و أنوي أن أنزل المواد التالية:

موازنة ومالية عامة
ثقافة المنظمة
التحليل التنظيمي

هل هي مناسبة أم أستبدل أي منها بغيرها

ولكم مني جزيل الشكر
أخوكم
أبو إيلاف

[SHOOOT]

مساكم الله بالخير جميع ومشكورين كلن على جهده ومعرفته انا الصراحه قريت كل التعليقات وبقولكم عن المواد الي اخذتها
الاخوان الي يبغون ماده حره سهله عليهم بتاريخ المملكه الحديث سهله وتستفيد منها كمعلومات فيها تواريخ لكن ماتجيلها عشرين صفحه ملخصها جبتبها 86 hist343
بالنسبة لسياسه وصناعه القرار جبتبها 60 مع العلم اني متاكد انها 90 لانها نسخ لصق واللبيب بالاشاره يفهم
اشوف اغلب الاخوان في هالموضع والمواضيع الاخرى متعقدين من الاقتصاد الجزئي مع انها مهي مستحيلة صعبه لكن مو لهالدرجه صحيح جبت 65 لكن طلعت واثق من النجاح رغم صعوبتها المدرس الي شرحها لي كانت ست ابواب في سبع ساعات ست ايام ست ابواب وساعه مراجعه واطلب من المدرس يشرحها لك عن طرق الرسمات الي يكون فيها الثمن عمودي والكميه افقي وتعرف كل شي عن طريق تحديد نقاط التلاقي تسهل عليك الماده لدرجه انك تحبها لكن لاتستهين فيها لان الاسئلة ملتوية


الاخوان اصحاب الخبرة الي مانستغني عنهم فهد العنزان - وطن ومن لديه معلومه اكيدة ياليت يفيدوني عن استفساري
انا باقيلي 58 ساعه خلصت المستوى الخامس وبقسم الساعات كالتالي :_
الصيفي الحالي - 9 ساعات
المستوى السادس- 18 ساعة
المستوى السابع - 21 ساعه
الصيفي القادم- 10 ساعه خريج
هل يتم تخرجي بسبع مستويات وترمين صيفي في حال توفيق الله مع العلم ان معدلي 3 ولايهمني سوى التخرج بتقدير جيد

تقبلوا وافر احترامي وتقديري

[منصور الشمري]

يا شباب انحلت مشكلة التسديد وسددت الظهر دخلت النظام الان طلع لي كذا


This Student Has AR Hold
وش معناها اذا دخلت الجدول او الحذف والاضافة كلكم زيي ولا بعد رجعت المشششاكل ؟