(تجمع طالبـــــــات المستوى{5-6}--لنقل اخبار الدورة التاهيلية )

[ام حمدان]

----------------------

الدمعه الحائره

والله وقتي ضيق بس بحاول اشرح لك باختصار فكرة الالومورف

اول شي هو مختلف عن المورفيم
في المورفيم حتى تعرفي كم مورفيم في الكلمه تقومي تقمسيها وتشوف الاصل فيها وبعدها ايش الي انضاف لها مثل

reopening

فيها 3 مورفيمز
re
open
ing

لكن في الالومورف هو عباره عن اشكال مختلفه للفونيم
يعني تحصل اختلافات بسيطه في نفس اصل الكلمه
وممكن تكون اختلاف في السبيلينق ---وهالنوع اسمهwritten allomorph
او اختلاف في النطق لحروف معينه ---هالنوع اسمه spoken allomorph
او ممكن يحصل الاثنين مع بعض في نفس الكلمه

يعني تشوفي الاختلاف الي حصل للبيس نفسه بعد مااضيف اجزاء ثانيه ومانهتم هنا بايش الاجزاء الي اضيفت او ايش نوعها يهمنا البيس نفسه وايش حصل فيه من تغيير

مثال عالريتن الومورف
stopped
هنا البيس الاصلي stop
والتغير الي حصل فقط انه زدنا حرف ---مالك دخل في الed هنا لانه شي ثاني احنا نتكلم عن البيس نفسه
فيصير stopp هو الومورف لكلمه stop ولازم تحطي شرطه على جهة اليمين من الالومورف عشان تبيني انه فيه بقيه للكمه لاصقه فيها الي هي ed
مو راضيه تنكتب الشرطه فالرد

وهنا قلنا انه نوعه writtenلانه تغير شي بسيط في السبيلنق وهو انه اضفنا p ثانيه

مثال اخر من الي شرحتهم لنا الاستاذه عالريتن الومورف واظن كمان انه يعتبر سبوكن بما انه حصل تغير فالنطق
كلمة
length اول شي نرجعها لاصلها long وهو البيس
نشوف الفرق والاختلاف الي صار
اذنlength مع شرطه عاليمين هي الومورف لlong





مثال على السبوكن الومورف
كلمة children
البيس تبعها هو child

فالالورموف لها تقومي تكتبتي child بدون ren وتحطي شرطه عاليمين
وهنا ماتغير شي في الكتابه للبيس التغير حصل في النطق
لمن نقول child
الفاول يكون كذا /i/
لكن في كلمه تشلدرن نطقنا الفاول بشكل مختلف صار كذا /I/

وطالما انه الاختلاف حصل في النطق لو حتى صوت واحد نسميه سبوكن الومورف


ومثال على الي تكون فيها الاثنين سبوكن وريتن
كلمة width
اصلها wide
الالومورف هو wid مه شرطه عاليمين
والاختلاف في البيس انه راحت الe
عشان كذا هو ريتن
وسبوكن لانه اختلف نطق الفاول في الكلمه الاصليه wide كان /aj/
وصار في الولومرف wid كذا /4/


--
كمان عندنا الومورفز للجمع والماضي وهذي فيها نركز على مورفيم الجمع s ومورفيم الماضي ed وكيف نطقناهم في كل كلمه

في للماضي وهنا هي تحدد لك في السؤال وتقولك طلعي الومورف لمورفيم الماضي الed في الكلمات التاليه وترص لكم كلمات كلها تنتهي بed
وانتوا عليكم تبينوا في كل وحده كيف نطقنا الed
يعني تعملوا ترانسكريبشن لنفس الed كيف نطقناها في كل كلمه لانه يعتبر سبوكن مو ريتن
زي مثلا

stopped
نطقنا الed كانها ت فتكتبوا انه هنا كذا نطقناها /t/
loved نطقناها كذا /d/

started
نطقناها كذا /Əd/

-------------

و ممكن تقولكم في سؤال طلعوا اللومورفز تبع مورفيم الجمع plural يعني تبغى اشكال الs تبع الجمع ترص كلمات كلها جمع وانتوا تشوفوا كيف نطقنا اس الجمع في كله وحده وهم ثلاث حالات
هذي امثله عليها

cats

نطقنا ال s هنا /s/
cars
نطقناها هنا /z/
boxes
نطقناها هنا /Iz/

فهذي كلها اشكال s الجمع



ولا تخافوا هي في السؤال تحدد لكم ايش تبغى بالضبط لو اعطتكم كلمات مختلفه وقالت بس طلعوا الومورف تبعها
هنا تشوفوا التغير الي حصل في البيس وهل هو ريتن ولا سبوكن

ولو تبغى تطلعوا الومورف الجمع برضو بتحدد في السؤال
وكمان نفس الشي بالنسبه للماضي
فانتوا جابوا حسب السؤال ايش طالب منكم


----
هذي اسئله قالت عليها انها يمكن تسئلنا اياها في الامتحان

what are the allomorph of the muscules plural in Arabic?

الجواب اظن هو
uun
in

what are the allomoroph of indifinite articles of english

هما
a and an


what are the allomorph of the dual in arabic

an

ayn



--
بالنسبه لf تصير v هذي قاعده في الانقلش اي اسم انتهى بf ينقلب لv في الجمع

ablut ---كل تعريف في الكتاب لازم تمري عليه وتعرفيه هي قالت ماتسيب شي ولا تحفظي التمارين مجرد تدريب لكي وهي قالت انالله اجيب كلمات شائعه وسهله ماتحب تعقدنا

وربك يسهل
إن شاء الله فهمتي مني واعذروني عالقصور بجد مافي وقت :(


موفقين جميعا يارب

[ام حمدان]

بنات تاكدت لكم من كذا بنت لاني كنت شاكه اني ماسمعت كويس

في مناهج البحث تقدروا تعتمدوا عالسلايدات في شابتر 5و6

هي قالت كذا في اخر محاضره بس ماحبيت اقولكم غير لمن اتاكد وتكادت من كذا وحده وحبيت ابلغكم
بس انتبهوا ترى في خطا بسيط في شابتر 5 هي حاطه في بعض الامثله تاريخ الدخول للمواقع بعد الurl وهو المفروض قبله
شوفوا تصحيحها في الكتاب لو حابين تتاكدوا

موفقين

[رضوه]

أم حمدان الله يعطيكي العافية انا معتمدة اصلا على شابتر 5 و6 على السلايدات,وممكن طلب لو سمحتيي ماتقدري تفييدني ةتنزلو التمارين حقت منى البلوي موفولجي اوراقي ضاعت على لاقل الحق اذاكرها الله يسعدك لو يكون بالاسكنر افضل او بأي طريقة واضحة بلييز ماياخذ وقت انشاءالله و الله يسعدها ويوفقها وينجحها بأعلى معدل اللي تساعدني انا عارفة انو الوقت متأخر بس ماتوقعتها ضااعت انهررت.

[ام حمدان]

والله لو عندي سكانر مابخلت عليكم بس ماعندي :(

بس شوفي وايت روز نزلتها لكم من قبل بس الظاهر كانت مصورتها بالجوال

شوفي لو بتطلع واضحه عندك هذي هي في المرفقات عموما هي بس تعرفي منها صيغه اسئله الداتا انلايزز

الله يسهل علينا الاختبار بكرى ويلهمنا فيه بالاجابات الصحيحه يارب

[رضوه]

ايه شفتها حقت وايت روز من قبل مرة مهي وااضحة ياربي الله يعطيكي العافية ماتقصري, اي والله امين الله يسمع منك وننجح بأعلى الدرجات يارب. ماعندي حل غير اجي بكرة قبل الاختبار بساعة والحق اراجعها من البنات الله يستر.

[ترنيم]

بنات السوال الثاني الي بعد التعريفات الي جابت سيقمنت وجنب كل كلمة فراغات كتير دي كيف يكون حلها؟؟؟

[ترنيم]

بنات بليز ردو عليا سوالي عن اختبار المورفولوجي لان مو عارفه السوال دا كيف كان الحل وابغى اتاكد

[ام حمدان]

كانت تبغى من السؤال تطلعي كم مورفيم في الكلمه يعني تقسمي الكلمه --بصراحه انا خبصت حبتين في السؤال هذا رغم انه تافه جدا والمفروض كلنا نحله صح انا عارفه كل الكلمات كم مورفيم فيها بس الي شاكه فيه هل نرجع الكلمه الاساسيه لاصلها ولا نكتبها زي ماهي

[cute*soso]

ام حمودي
وايت روز
سوماا
كل البنات اللي عندهم ريسيرش طمنوني ع اختباركم

[white rose]

هلا سوسو
الاختبار ماشي حالو بدعت شويتين في الحل بالذات في السؤالين الاخيره الفراغات والسايتيشن والاغلبيه بدعوا فيهم لانو اشياء غريبه ما شفتها قبل بس خلاص بعد المورف صار عندنا حصانه الله يعدي الاختبارات على خير