هنا تجمع احلى صيادلة دفعه 11 ,,الكل يدخل

[ميعاد]

المشاركة الأصلية كتبت بواسطة ابتسامة الزهر بالنسبة للأمورة ( مظلومة التحضيري ) >>>تراني زعلانة برضو من الاسم بس بقلك كم نقطة مو عشان شي بس لأنو صعب عليا أشوف ناس في نعمة ..وبيعانوا !!... وأسكت 1- جربي تتخيلي لو إنك في قسم مو بس ما تحبيه أو مو عاجبك ... لا كمان (( تكرهيييييييه وما تطيقيه )) ترى تحسي براحة يعني مثلا لو انتي حابة الكليات الطبية .. اتخيلي انك ما انقبلتي في ولا وحدة منهم 2- المجتمع اللي حوالينا يكون عائق لنا في كذا جانب >>>>طنش تعش تنتعش لو ما كان دراسة وما اتكلموا في دراستك وتخصصك راح يتكلموا في شي تاني زواج مثلا لو متزوجة برضو محا يعتقوكي حيهرجوا في الخلفة ...ولو خلفتي ...في أولادك.....وهكذا دواليك يعني على قولهم ماكو فككككة من كلام الناس ... عاد ايش تسوي إذا اللسان أسهل عضو في تحريكه ...!!تقدري تقولي .... (( ناس فاضية )) عموما ترا يعتبر تجربة تقويك وتصقل مواهبك ... (( الضربة اللي ما تقتلك .. تقويييك ))>>>دكتور خالد أبو الشامات 3- أمك وأبوكي وأهلك : يمكن يكون اقناعهم مو سهل .. أنا عن نفسي لو كنت في موقفك وأهلي معاارضين ويبوني أحول ... ( أقلهم عذرا بس أنا ما أبا أحول وأنا مقتنعة ) >>>طبعا هذا يكون لمن تكوني فعلا مقتنعة ... وبعد كدا لو ما اقتنعوا أنا راح أسكتتتت وما راح أتكلم راح أخلي نجاحي في الحياة هوا ( الرد ) ... 4- أقري عن الصيادلة المسلمين الأوائل وشوفي براعتهم في علم الأدوية ومداواة الناس تحسي بنشووووة *والله والله والله الصيدلة تجننن غير إنو مجالاتها أوسع من مجالات الطب ( الوظيفية ) وغير إنها مطلوبة أكثر ... تقدري تكوني إنثى وتعيشي حياة معتدلة ..جميلة ...تناسبك كأم وأخت وابنة في المجتمع دا غير إنه بعد 5 سنين تكوني دكتورة صيدلانية في حين انو الطب بعد 6 سنين هما عام يعني مو داك الشي لازم تكمل 4 أو 5 سنين بعدها ... عشان ترضي طموحها ... 12 أو 13 سنة كلو على بعضو *الطب شي رائع أنا ما أنكر بس فيه صعوبات أكثر بالنسبة لنا كأنثيات... 5- وهو أهمممم شي ... نصيحة من قلب صح ما يعرفك بس يحب لك الخير بثي كل شكواك ,, للي أرحم بيكي من كللل أحد .. أرحم بيكي من أمك .. في وقت السحر ... والله راح تشوفي العجب ... لا ترفعي من السجود وفي خاطرك شي ما قلتيه لله .. (( نصيحة الدكتور عبد المحسن الاحمد )) شفتي الكلام اللي قلتيه في المنتدى !! ... بصراحة حرك قلوبنا أحنا اللي ما نعرف شكلك حتى ...فمابلك بأرحم الراحمين !! (الجئيلوا وما راح يخيبك لأنه حيي كريم يستحي أن يرد يدي عبده صفرا خائبتين )ربنا يستحي يردك خايبة ... حاسة بالمعنى ؟!! في حكمة حلوة أحبها تقول : ( قد تلد المآسي عبقريا ) >>>بالمناسبة في كتاب مرة روعة انصح بيه صحباتي دايما .. اسمو ( كيف أصبحوا عظماء ) كتاب صغير والخط كبير ... إذا منتي من حقون القراءة واتذكري إنو الحياة ... (( كفاااااح )) أدري إني طولت آسفة على الإطالة بس من جد نفسي أساعدك

ماااشاءالله كلامك مررره حلو ..

ربي يسعدك ..

وان شاءالله دوووم هذا التفااائل اللي فيييك

المشاركة الأصلية كتبت بواسطة ابتسامة الزهر يب صراحة ما كنت أبا صيدلة أخويا اللي سنة خامس دحين مدري سادس كرهني فيها هههههه ..بعدين اتعرفت على وحدة اسمها لما ... مو بس خلتني أحب الصيدلة إلا خلتني أعشششق شي اسمو صيدلة وأنام وأحلم فيها كمان .. تعرفي أنا كان نفسي أخترع عقاقير ... عشان كدا كنت أبا تغذية اكلينيكية ... بس أكتشت انهم بس متخصصيين يسوا دايت للمرضى .. فحولت على الصيدلة عشان أبا أخترع عقاقير .... متأثرة بكونان وهايبرا والمنظمة السوداء هههههههه

يااااااااااااااهووو ياااكونااان مرررره فلللللللللللله ..

تصدقيي كاان تفكيري في بداااية التحضيييري انو ادخل كيييمياااء.. مااعرف ليييه منجد حبيته من كونان طبعا ههههههههه

ماادري دحين افكر هههههههه اش سارلي ذااك الوقت ..

بس حلو تفكيييييييييييرك خلييكي بذا الحمااااس , وخليني اتحمس معااااكي

[ابتسامة الزهر]

المشاركة الأصلية كتبت بواسطة rarba اهليييين افنان << دوبي استوعب =.= اخجلتيني يا آدمية، بس لا يغرك، بعض الاحيان افصل من جد(انا شوية غريبة ...احب افلام الرعب...والعاب المضاربات وال ر بي جي ع البليستيشن والاكسبوكس...وخرابيط تانية يستحسن ما اقولها هههههه <<< تلاقيها the hill من جد دحين تقول هادي كيف دخلت صيدلة) ولا لا انا ما اشوف نفسي طبعا، مرة ما احب دا الطبع ويا رب يبعدنا كلنا عنه،اصلا مافي سبب :) انا احب الناس المثقفة كمان، حسيت انك حقت كتب ههههه من طريقة مسكك للكتاب/الملزمة 1- احنا كنا عادي نلبس سكرب او لبس عادي طول الدوام، واللاب كوت الزامي فقط وقت المعامل. (ما ادري اذا حيشددوا دي السنة) 2-ان شاء الله بنستقبلكم اول يوم، ما حتضيعي، انتي بس اهم شي تعرفي مكان الكلية (في خرايط ع المباني) 3- الجداول حتنزل مع بداية الدراسة في الموقع، بس همة اصلا حيوزعوا عليكم الجداول اول اسبوع، لا تشيلي هم ^.^ حلوة مرة حكاية العقاقير، وليه لأ، انتي قدها الله يديم حماسكم يا صيدلانيات ؛) [/color]

لا لا منتي غريبة
صح باين عليك فاهمة ومثقفة
بس كمان باين عليك وحدة مرجوجة وفلاوية ومالها في الدراسة


وعلى فكرة حكاية الاستقبال دي موترتني
خايفة ألاقي دفعة 10كلها تستقبلنا
وعلى حكاية السكرب والاب كوب
انا عاجبني أكثر اني ألبس الاب كوت أحس.....حماس

من جددد الله يديم الحماس دا مع اني عارفة انو راح يتسرب فترات مني

[ابتسامة الزهر]

المشاركة الأصلية كتبت بواسطة ميعاد ماااشاءالله كلامك مررره حلو .. ربي يسعدك .. وان شاءالله دوووم هذا التفااائل اللي فيييك الله يحلي أيامك يا سكرة ويسعدك إنتي كمان ياااارب آميييين يااااارب من جد نفسي اكون متقاءلة دايما ترى متحمسة أقابلك وجها لوجه من زماااااااان وأنا أشوف مشاركاتك يااااااااااااااهووو ياااكونااان مرررره فلللللللللللله .. تصدقيي كاان تفكيري في بداااية التحضيييري انو ادخل كيييمياااء.. مااعرف ليييه منجد حبيته من كونان طبعا هههههههههه ماادري دحين افكر هههههههه اش سارلي ذااك الوقت .. بس حلو تفكيييييييييييرك خلييكي بذا الحمااااس , وخليني اتحمس معااااكي

ههههههههههههههههههههههه تسلمي يا أمورة
بس سمعت إنو العقاقير أصعب تخصص وإنو محد يحبو ...
وحابة استفسر عن مركز الأبحاث
هل أقدر أتطفل وأدخله ؟؟؟ ولا فيه تشديد في الرقابة وما يخلو ألا ناس معينين إنهم يدخلوا ؟؟

[rarba]

المشاركة الأصلية كتبت بواسطة ابتسامة الزهر لا لا منتي غريبة صح باين عليك فاهمة ومثقفة بس كمان باين عليك وحدة مرجوجة وفلاوية ومالها في الدراسة وعلى فكرة حكاية الاستقبال دي موترتني خايفة ألاقي دفعة 10كلها تستقبلنا وعلى حكاية السكرب والاب كوب انا عاجبني أكثر اني ألبس الاب كوت أحس.....حماس من جددد الله يديم الحماس دا مع اني عارفة انو راح يتسرب فترات مني

انا مالي في الدراسة؟؟ احم احم.... هع هع.... ربما تسرعتي قليلا يا اختاه، الفرق بس اني ما احب اقتل نفسي في المذاكرة عشان الدرجات <<< يلا كفاية عني

لا مو لدي الدرجة انو كل الدفعة تكون في وجهكم ههههه، امكن 10 بنات تقريبا، ما ادري

وعلى حكاية الحماس، مستحيل انو الواحد يجلس 24 ساعة متحمس، في مقولة مشهورة:
يقول الناس أن التحفيز لا يستمر تأثيره طويلا، حسنا، وكذلك الاستحمام، ولهذا ننصح به بشكل يومي

[THE HILL]

المشاركة الأصلية كتبت بواسطة rarba في مقولة مشهورة: يقول الناس أن التحفيز لا يستمر تأثيره طويلا، حسنا، وكذلك الاستحمام، ولهذا ننصح به بشكل يومي

نو كومنت

[Qotaiba HBK]

الو

سؤال : المذاكرة انتوا تقولوا من الملخصات حقت الدكاترة .. طيب بالنسبة للي يحب يذاكر من كتب يمشي الوضع ولا يروح فيها أقصد لو حب يشوف معلومة زايدة ؟

طيب حق التشريح تدرسوه من كتاب وفي 10 كتب قد شفتها، وبرضو شفت كتاب بجرير مرة مختصر ههههـ كيف ينفع والا لا ؟

[rarba]

المشاركة الأصلية كتبت بواسطة Qotaiba HBK الو سؤال : المذاكرة انتوا تقولوا من الملخصات حقت الدكاترة .. طيب بالنسبة للي يحب يذاكر من كتب يمشي الوضع ولا يروح فيها أقصد لو حب يشوف معلومة زايدة ؟ طيب حق التشريح تدرسوه من كتاب وفي 10 كتب قد شفتها، وبرضو شفت كتاب بجرير مرة مختصر ههههـ كيف ينفع والا لا ؟

ما شاء الله عليك، تفكيرك كويس.(بس لا يحسدوك) شوف، الملخصات حتكفيك لانها كثيرة(اسمها شيتات)، لكن الدكاترة حيقولولك على الكتب الreference اذا تبوا ترجعولها. انا عن نفسي بعض الاحيان افتح الكتاب لو في شي ما فهمتو اوشي عجبني ابا اقرأ عنه كمان. وعادة انا افتح النت كمان. الكتب ما يتذاكر منها باختصار،،،وللاسف.
الاناتومي كتاب واحد لا غير. دي المادة ما يحتاج لها تعمق.

[ابتسامة الزهر]

طيب في اليوم التعريفي
حيقولولنا كيف نذاكر المواد وكيف نرتب وقتنا ؟؟
ياليت يسووها لأننا فعلا بحاجة لشي زي كدا
لانو في الدورة اللي حضرتها حقت الكليات الصحية
كانو بيعلموا البنات حقون الطب كيف يقسموا وقتهم وكيف يزاكروا واتكلموا عن النوم والأكل وكل شي تقريبا
ما شا الله عليهم

[BeKo]

المشاركة الأصلية كتبت بواسطة ابتسامة الزهر طيب في اليوم التعريفي حيقولولنا كيف نذاكر المواد وكيف نرتب وقتنا ؟؟ ياليت يسووها لأننا فعلا بحاجة لشي زي كدا لانو في الدورة اللي حضرتها حقت الكليات الصحية كانو بيعلموا البنات حقون الطب كيف يقسموا وقتهم وكيف يزاكروا واتكلموا عن النوم والأكل وكل شي تقريبا ما شا الله عليهم

ممكن توضيح لليوم التعريفي ..

انا اللي فهمته اول منكم انو من اول يوم دوام

انا متأكد ان الاجابة بتكون عند ابتسامة الزهر

ما شاء الله عليها اخر ردين مصممة عاليوم التعريفي

في انتظاركم ..

[rarba]

ما ابغى اخرب عليكي المفاجآت يا افنان بس ايوة، هادا من ضمن اللي حنسويه ان شاءالله.....
بالنسبة للاولاد، انا حاعطيكم نسخة من العرض الي حاسويه باذن الله، لكن يا بيكو انتو لازم تطلبوا من الاولاد انهم يحكوكم عن تجاربهم، وان شاءالله ما حيقصروا...اتمنى ذلك