|[ طلآب وطـآلبات الانتسآب ينآشدون ملك الإنسآنية ]|

[صدى الصوت]

وانا معـــــــــــــاكم بكل كلمـــــــه قلتــــــــوها
ويارب نلقى حـــــــل لهالمشاكل

[ksa88]

اولا نقول حمدا لله على سلامتك يابومتعب وان شاء الله اجر وعافيه ياملكنا ياغالي..

ثاني شي صدقون دام نتكلم ونكتب ومايوصل صوتنا للمسؤول اللي يخاف الله ماراح يوصل للملكنا والجميع يعرف لو درى باللي يصير فينا والله ماراح يسكت ولا راح يخلي المهزله هذه تصير فينا..

الكثير الله عالم كيف يدبر الـ 3000 الالف ريال بالترم و6000 الالف ريال بالسنه
واللي ماقدر يدبر يسوي تأجيل حتى تنتهي عدد مرات التأجيل المتاحه .. مثل ماسويت وبالاخر ادبرها وين ومن وين
حتى استلف وبعت كل الذهب اللي عندي ودين وسلف مني ومني والله عالم بالحال ..
وانا اقسم بالله انه حالتنا يدرون فيها الجامعه و وزارة التربيه لكن وشلون يخسرون البنك المصرفي الخفي ..
لكن نقول حسبي الله على اللي حط حكاية الرسوم ..

وغير كذا نسهر ونجتهد ونجيب معدل اعلى من اللي يجبونه الانتظام وعاد شوفوبعض المواد ووضع الدرجات العشوائيه

وكأن نشحد درجات منهم ياليت بس يكون ضمير عند بعض الاستاذات والاسا اتذه ويحطون الدرجه المستحقه

وبعد هذا كله شهادة غير معترف فيها طيب ليش هذا كله دام شهادة مو معترف فيها ليش تاخذون الرسوم..
لو حنا ابناء اغنياء كان درسنا بالخارج على حساب اهالينا ..

كل اللي اطلبه انه تلغى الرسوم وتعتمد شهادة الانتساب .... واذا مره مو قادرين يحطون ربنا قدامهم يخفضون الرسوم للنصف مثل ماقالوا البعض واللي يأسوووا من الغاء الرسوم .. اللي حسبوها يتخرجون وهم دافعين تقريبا 30,000ثلاثين الف ريال .. والله حرام..

اتمنى موضوعنا يوصل باسرع وقت لان الان وقته وبكل الطرق وصلوه ... حتى لو يوصل لبرنامج ياهلا والله اخونا علي العليان ماراح يقصر بس مين يوصله معانات الانتساب ..
وغير كذا عندي اقتراح انه الرابط هذا للموضوع ينحط بالمنتديات اللي تهتم بالتعليم ومشاكل الطلاب ..بكذا يمكن يوصل ..

والله يوقفنا ويسمع دعائنا .. واخيرا اشكرك اختي لاحياااء هذه القضيه مرة اخرى..

[Mr.ahmed]

إلغاء الرسوم بالكامل لجميع الطلاب هو المطلب الأساسي
الذي يجب أن يُخاطب به الملك عبدالله حفظه الله ..

الجامعات تحصل على أكبر ميزانية سنوياً من الدوله ومع ذلك
تأخذ رسوم عالية تثقل كاهل الطلاب
وتحرم عدد كبير من المتخرجين من مواصلة دراستهم !!!

أضف إلى ذلك أن الدولة تتحمل مصاريف المبتعثين بالكامل
ومصاريف أسرهم ، عجبي !! ألسنا أبناء الوطن مثلهم
وطلاب علم ومثلهم !!

[سديم الشوق]

موِ مصدقه آن شهآدتنآ غير مصدقه؟! آجل نتعب ونتغرِب ونتبهذل وآخرتهآ غير معرِف بهآ :(

[Charismatic]

المشاركة الأصلية كتبت بواسطة سديم الشوق موِ مصدقه آن شهآدتنآ غير مصدقه؟! آجل نتعب ونتغرِب ونتبهذل وآخرتهآ غير معرِف بهآ :(

كلام موصحيح

الشهادة معترف فيها والدليل انك تقدر تكمل فيها دراسات عليا فقط احصل على معدل 3.75 وفوق واجتاز اختبار التوفل والقياس وتستطيع تكمل زيك زي طلاب الانتظام وهذا فية نوع ما عدل.

وكمان الطلاب المتخرجين من قسم اللغة الانجليزية يتم تعيينهم مدرسين في كل سنة ولكن الاولوية للانتظام.
وايضا التخصصات اللي محتاجها سوق العمل يتوظفوا اصحابها.

لكن المشكلة في وضع المتخصصات الحالية اللتي لايحتاجها سوق العمل ولكن المسؤلين في الجامعة
مصرين على ان تكون هي الخيار لاكثر الطلاب

بالتوفيق للجميع

[(روز)]

اولا حابة اقول حمد لله على سلامتك ملكنا الغالي وان شاء الله اجر وعافية

وثانيا جزى الله كاتب الموضوع خير الجزاء وصاحب الفكرة ومن سيتابعه ومن سيوافق عليه ومن رد ايضا
اميــــــــــــــــــــــــــــــن

[ζـامـξـي]

الغاء او تخفيض الرسوم

+

اعتماد شهادة المتخرج

+

السماح باختبارات المناطق

=

طلب كل طالب وطالبه

[كنز المعرفة]

المشاركة الأصلية كتبت بواسطة ζـامـξـي الغاء او تخفيض الرسوم + اعتماد شهادة المتخرج + السماح باختبارات المناطق +زيادة عدد التخصصات للانتساب وليس تقليصها = طلب كل طالب وطالبه

[@العسيري07@]

من جدكم مو معترف بشهاده الانتساب تتكلمون من جد والا مزحه بايخة اجل ليه هذا التعب كله ندفع ونذاكر ونسافر وكل هذا مو معترف بشهادة الانتساب اي قانون هذا يبنون الجامعه والا رواتب الموظفين وا ايش السالفة لا ما اظن اتوقع الشهاده مو معترف كلام خطأ مو معقوله يا ناس

[مالدينا]

المشاركة الأصلية كتبت بواسطة @العسيري07@ من جدكم مو معترف بشهاده الانتساب تتكلمون من جد والا مزحه بايخة اجل ليه هذا التعب كله ندفع ونذاكر ونسافر وكل هذا مو معترف بشهادة الانتساب اي قانون هذا يبنون الجامعه والا رواتب الموظفين وا ايش السالفة لا ما اظن اتوقع الشهاده مو معترف كلام خطأ مو معقوله يا ناس

وانا كمان وربي مو مصدقه

اذا مو معتعرف بها خلاص بحول على سعود او جازان

اما غير معترف ..؟؟