||[ يوميآتك حول مآحدث اثنآآء المٌـرآجعه ]||

rdoo sn · 08-07-2012, 12:25 PM

المشاركة الأصلية كتبت بواسطة hu~

الحمدلله باركلولي انقبلت مسار علمييييي و أخيراً ..
يومي كان جداً بسيط بنات لا تخافوا الموضوع مرة عادي !
أول شي كان موعدي من الساعة 9-10
أنا صحيت من سبعة و لين مالبست و كدا و خرجنا صارت 7 و نص
قلت خلينا نروح بدري أحسن وصلت تقريباً على الساعة 8 ونص
و أول مادخلت وريت السيكيورتي ورقة الاستمارة
و دخلونا على قاعة كبيرة فيها بروجكتر و فيها كم بنت
ماكان زحمة مرة أستغربت و في كم مشرفة تدقق المعلومات
أول شي دققت بطاقة الهوية و الشهادة و الاستمارة و لازم تكتبوا على وحدة من الصور وراها اسمكم و رقم السجل المدني و توقيعكم و يابنات المقررات رجاءاً انتبهوا لازم تجيبوا الشهادتين
وحدة حقة الدرجات و الثانية نسيت ايش هيّ
(اللي تكون في ملفكم شيء زي كدا)
عشان في كثير نسوها و ماخلوهم يعدّوا مرحلة التدقيق
إلا إذا جابوها !
المهم بعد مادققوا على أوراقي رحنا قاعة ثانية انتظرنا
فيها كم دقيقة و رحت على القبول الذاتي عند الجهاز الأخضر و المشرفة دخلتلي رقم السجل المدني و شهادتي في الجهاز
و اخترت المسار اللي أبغاه "مسار علمي-السلمانية" و طلعت بطاقتي الجامعيةالحمدللله ! و بعدين مرّينا على مكان نكتب فيه انطباعنا و كدا و أعطونا بروشورات و الخ .. و رحنا قاعة كتبنا فيها اسمنا و رقمنا الجامعي و رقم الأم و الأب، و بكرة إن شاء الله موعد اختبار تحديد المستوى للإنجليزي الساعة 8 و بس .. ربي يوفقكم كلكم الحمدلله دوبي أحس بطعم الإجازة بعد البهدلة و الروحة و الجية و التفكير الحمدلله نقرتين لعرض الصورة في صفحة مستقلة

!!!!! و على فكرة ترا مرة هناك التعامل حلو و المشرفات كل وحدة تقولك مبروك بإبتسامة منشكحة ! لا تشيوا هم أبداً ~

ايش هيا الشهادتين ؟؟؟ مافهمت

ريمونز · 08-07-2012, 12:26 PM

بنات اي اختبار اللي تحكوا عنو التسجيل في الجامعه دي بهدلني كل شويا طالع لي حاجه ><"

HU~ · 08-07-2012, 12:26 PM

المشاركة الأصلية كتبت بواسطة H.13

^

انا كمان علمي خطه أ

ابغى انزل جدولي في موضوع الجداول بس مو راضي مدري ليه!

حماس إن شاء الله نكون مع بعض !
ممكن رابط الموضوع ؟ فين ألاقيه ؟
تقدري تنزلي الجدول سويله print screen SysRq
و ألصقيه في الرسّام و أحفظي الصورة و بث !

HU~ · 08-07-2012, 12:29 PM

المشاركة الأصلية كتبت بواسطة rdoo sn

ايش هيا الشهادتين ؟؟؟ مافهمت

إذا انتي نظام مقررات ضروري تجيبي معاكِ شهادتين المشكلة ماعندي فكرة والله عن النظام و كذا بس أعتقد إنّ المدرسة لمّا أعطتكم ملفاتكم فيها شهادتين وحدة فيها درجات و الثانية أعتقد فيها إقرار إنّك درستي مقررات شي زي كذا ! إذا مافهمتِي ممكن تكتبلي أسامي الأوراق اللي عندك و أنا أقولك عشان ماني مفتكرة والله !

المشاركة الأصلية كتبت بواسطة ريمونز

بنات اي اختبار اللي تحكوا عنو التسجيل في الجامعه دي بهدلني كل شويا طالع لي حاجه ><"

اختبار لتحديد مستواكِ في الإنجليزي يكون بعد موعدك بيوم بعد ماتستلمي بطاقتك الجامعية تطلعلك ورقة مكتوب فيها كل التفاصيل و بناءاً على الإختبار يحددّولك المستوى اللي تستحقيه و أي استفسار أنا حاضرة !