كل ما يخص مسار مستجد أعمال عام المستوى الثالث

[khaled.91.11]

المشاركة الأصلية كتبت بواسطة roooody جزاك الله خير بس مو راضي يتحمل معايا يا ليت تحطها في الملفات المرفقة زي ما سويت في المهارة اللغوية و شكرا لك ما قصرت.

العفو
بالنسبة للروابط الروابط شغالة
اضغط على Download بعدين Sign up
اكتب ايميلك وكلمة السر للحساب
وكذا تقدر تحمل

وكتاب الانجليزي تغير وصار نفس كتاب الانجليزي حق المستوى الرابع

وهذا الكتاب بصيغة PDF

http://www.4shared.com/rar/HBml3eV9/...sb_-_answ.html

[وعد عبدالله]

ندرس أنقليزي بعد غير الي درسناه في التحضيري :/

[khaled.91.11]

ايوة 3 مستويات

[وعد عبدالله]

لاااا قهر و انا فرحانه انو خلصنا حق التحضيري هوا احد الاسباب الي نزلت معدلي
و هوا بعد تبع المعهد و لا كل أستاذة تسوي اسئلتها

[khaled.91.11]

لا ماله صلاح بالمعهد الاختبار بتسويه الكورديناتور حق المادة
وأبدا لا تخافي 3 مستويات جدا سهلين وبالذات انهم غيروا الكتاب الأسود اللي نحنا درسناه في المستوى الثالث وخلوه نفس كتاب المستوى الرابع

[صانع الهدف]

السلام عليكم ورحمة الله وبركاته ::.
انتهيت ولله الحمد من السنة التحضيرية من العام السابق من دفعة 2012
والان رغبت في كلية الادارة والاقتصاد ::
المهم:/
حبيت استشيركم في عدة مواضيع :
- هل هناك أخبار جديدة نعملها او نضيفها في الاودس الأيام دي ؟
- كيفية تظبيط الجداول مع توضيح موضوع المسارات ؟ مع العلم أني أرغب في تخصص المحاسبة ؟
وايش المواد اللي تنصحوني أخذها أول شيء ؟
- بالنسبة للاولاد : من هو الدكتور الممتاز مع ذكر المادة ولاداعي لذكر الدكتورة (أريد فقط للاولاد)
- كيف طبيعة المواد من السهولة والصعوبة ؟ وكيف نذاكرها ومن تجي اسئلة الاختبار خاصة المستوى الاول ؟
- كم أسعار كتب الكلية وايش الملخصات الممتازة في المستوى الاول ؟,,
- هل شرط في قبول الكلية اتمامي لجميع مقررات السنة التحضيرية ؟؟
- هل في المستوى الثالث نكون مخيرين بمواد معينة ولا الجامعة تفرض علينا ؟
وكيف نرتب جدولنا ومتى ؟؟
ماصار عندي شيء أبدا ,,,(اعطوني العلم ) وجزاكم الله خير
( )

[khaled.91.11]

طيب نبدأ من الأول
قبل ما تتسكن في الكلية لازم تخللص كل مواد التحضيري لأنها تعتبر متطلبات جامعية بعد كذا تتسكن في الكلية
خلال الأسبوع هذا ان شاء الله حينزلك جدول ويفتح الحذف والإضافة طبعا على أساس إنك مستجد أعمال عام
أما إذا ما نزلولك جدول وما عدلوا تخصصك تروح الشؤون التعليمية وتعبي ورقة وبعدين تسوي جدولك

نجي لمستجد أعمال عام
تقدر تعتبروا زي التحضيري بس للكلية
هو عبارة عن سنة ونص (3 سمسترات) تدرس فيها مواد عامة من كل التخصصات الستة إلي هيا (إدارة أعمال - إدارة موارد بشرية - تمويل - نظم معلومات إدارية - تسويق - محاسبة)

المواد
أنصحك تبقى ماشي على الخطة عشان ما تتعب في المتطلبات
أما مواد المستوى الثالث هيا
محاسبة ACCT 117
الدكاترة / محمد علي - بيتر
المادة لازم تحل فيها تمارين عشان تتعود وتكون فاهم عشان الجزء النظري ويجي اختيارات وتكون في حدود 10 أسئلة
سعر الكتاب تقريبا 180 وتستخدمه لترمين ACCT117 +213

إحصاء أعمال STAT 271
الدكتور/ عماد حجازي
المادة تقريبا زي التحضيري اللهم إنك ما تحل بيدك ولا تحفظ قوانين لأنك تستخدم الإكسل في الحل
أختباراتها اختياري ويوزعوا أسئلة مشابهة لفكرة الاختبار طبعا ما تحتاج فيها لكتاب السلايدات تكفي

إقتصاد جزئي ECON 107
الدكاترة/ خالد الديب - خالد إبراهيم
المادة جداً سهلة بس لازم تكون فاهم أنا أخذته عند الديب الدكتور يكتب ملخص على السبورة طبعا تكتبه معاه
وفي الأختبار تذاكره مع التست بانك وإذا كنت فاهم أنا اضملك ال a+ فيها
الكتاب ما أعرف كم سعره لأني صورته وما استخدمته كثير

عربي ARAB 101
الدكاترة / يقولوا في واحد لقبة الحريري كويس
وعموما ما يفرقوا كثير لأن المادة عبارة عن القواعد حق المدرسة وبدون أي تعقيد واختباراتها اختياري وصح وخطأ ومباشرة جداً وإذا تحب دور على أسئلة قديمة وشوف طريقتها
الكتاب / سعره 30 ريال

إنجليزي ELIB 201
المادة جداً سهلة أهم شي تحضر عشان الدكتور يعرفك ويدفك في الدرجات
وطريقة مذاكرتها إنك تذاكر القرامر والفوكاب والرايتنج
الاختبار مكون من قطعة وعليها أسئلة فوكاب قرامر ورايتنج
الكتاب سعره تقريبا 160

عموما المواد مو مرة صعبة وطبعا كل ما تتقدم تزيد صعوبتها
وعشان السلايدز والتست بانك راجع بداية الموضوع والانجليزي راجع موضوع المستوى الرابع لأنه نفس الكتاب
أتمنى أكون أفدتك وأي سؤال ثاني أنا حاضر

موفق

[معااذ]

سلام عليكم

الحمدلله انا انقبلت في هذه الكلية انتظام علمي وهذه الكلية كانت رغبتي بعد الهندسة والحاسبات

عندي كم سؤال بس

معدلي 3 اقدر ارفعه ل4.50 في خلال سنة ونص ؟ لاني قريت في بعثات بعد ما اكمل المواد العامة

كم المعدل المطلوب لدخول تخصصات المحاسبة ونظم المعلومات الادارية ؟ ((يعني حقت السنة هذه كم اقل معدل قبلوه))

ايش هي كل المواد اللي راح ندرسها خلال الثلاثة اترام الجاية؟((لانه حسب الرد اللي فوقي انه المواد هذه بس للترم الاول))

هل ممكن اخذها ترمين وترم صيفي واخلص منها في سنة واتخصص ؟

بالنسبة للانجليزي حسب ما قريت انها 3 مستويات ,, طيب المستوى الواحد نخلصه في شهر واسبوعين زي التحضيري ولا نقعد فيه ترم كامل ؟

ومحاضرة الانجليزي مدتها 50 دقيقة زي باقي المواد ولا 3 ساعات زي التحضيري((الله لا يعيدها))

وشكرا......

[tweeta]

^

بالنسبة للانجلش
حيكون يوميا ساعتين و الكتاب ترم كامل

ذا اللي اقدر افيدك فيه =)

.....

يعني ذحين هذا اللي نحتاجه لمواد ذا السمستر من ملخصات و سلايدات ووو ..؟!
ولا فيه اشياء جديده طلعت و تغيرت انظمة الاختبارات ..؟
و البنات زي البنين من كل النواحي [ في الكتب و المذاكره والاختبارات وو الخ ..؟!

[khaled.91.11]

تقريبا نفس الكلام والاختبارات في الغالب حتكون موحدة زي الترم اللي فات
بس انتبهوا ان كتاب الانجليزي غيروه وصار نفس كتاب المستوى الرابع