لـآ تسَتْفِزُوا هيّبَتِيّ گيْ لـآ : أُبَعْثِرْ وُجودُكمْ .. =)!

[mesho.ksa]

اختي الكبيرة مصـره على قرآري


يشرفني وجودك بصحفتي وماننحرم هالطلة دايم ان شاء الله



وفقك ربي لكل خير

[mesho.ksa]

..

ايييه يالبلشة


كنت ابي انام وعجزت انام والوالد الله يطول بعمره ماقصر رماني بمشوآر للبلد
اخلص له كم شغلة ومع هالزحمة الوضع كآن تووووحفة جدآ


انا رجعت البيت سليم لكن بالنسبة للسيارة ابدا ماهي سليمة

واحد الله يهديه ويسامحه عند الاشارة طير الباب حقي ومشي ولآ كانه سوآ حاجة
الحقه من يمين ويسآر وياهوو وقف ولآ كانه هنا وشآءت الاقدار انه يفلت من يدي <~ والله كانت نيتي اول مايوقف افقع وجهو واحلى تلطيش


لكن الحمدلله على كل حآل والله يعوض خير



حآليآ رآسي فيه من الصدآع كميآت كبيرة جدآ

وافكر اقوم اخذ دش محترم واتمغط على فرآشي اطقطق بالبلآك بيري وبعدها نومة آليييمة




تصبحون على خير ونرآكم غدآ بآذن الله



ميشششوو


تسسسجيل خروج

[mesho.ksa]

..




مسسسسـآءكم رحمة من رب العآلمين





جمعة طيبة مبآركة علينآ وعليكم ان شاء الله


لآتنسو سورة الكهف

وهذي هدية بصوت الشيخ مآهر المعيقلي

[mesho.ksa]

آخوي وصديقي العزيز / آمير آلقلوب


آخوآتي / المشتاقة لخالقها , صوت الفجر

زميلي وصديقي / خآلد 9921






شرفتم متصفحي بحضوركم


لآتحرموني وجودكم مرة ثآنية

[mesho.ksa]

هههههههههههههههههههههههههههه


من شوي نزلت الحلقة 14 من برنامج يطبعون


انصحكم بالمشاهدة لآيفوتكم هع هع

[mesho.ksa]

من جد يبغالهم كذآ

طفشونا بالعنصرية حقتهم

[mesho.ksa]

صحح لسآنك


دايم تعجبني قصائده

[mesho.ksa]

..

غيبتك لو هي دقيقه تعتبر صدّه=الوقت دونك سجن وغيابك اسياجه
لا تعتذر لي ترى ماعاد في شدّه=اعيد حكي ٍ يكود الصدر مخراجه
دامه يوصف بجود ابيك وبجدّه=وشلون تبخل على المجروح بعلاجه؟
ووشلون قاوااك قلبك رده وصدّه=مع انه بيـّن عليه الضعف والحاجه
ياقو قلبك برد ايمينك وردّه=بخلت بمصافحه وارهيت بحراجه
لو ماسقى غيم عينه جرهدي خدّه=تراه يبكي وقلبه يلحق اخلاجه
ولو شفته يمازحك تراه من جدّه=الضحك عن درب ضيق الصدر ماعاجه
غير الغلا والوله عليك وش حدّه؟=يادرب ليله ويامسراه وسراجه
كنـّه يعرفك قبل يلقاك من مدّه=مع ان مابينك وما بينه امواجه
هواك بدو ٍ نووا للقلب بالشدّه=ورياض قلبي لشوف البدو محتاجه
والوصل..بحر ٍ متى انت بتسمح ابمدّه=السيف صبري وبحرك شح بامواجه
قصيدي اللي قريته واللي اعدّه=قديم لا يزعلك معناه واخراجه
وفراغ قلبي غلاك ارهى على سدّه=ليتك تشوف الغلا وابراجه وعاجه
اقوى رياح العذل ما تقدر تهدّه=والا الجفا لو تنفس هدم ابراجه
تغانم الوصل لن البعد لابدّه=ياتيك في يوم ثم ياخذك بادراجه
اللي لي انك تلين وتترك الشدّه=واللي لك اني ما سولف بك لهراجه
ولاني بزعلان واللي نرتجي مدّه=يا باب قلبي ويا قفله ومزلاجه
زعلة تغلي ومن تزعله من قدّه=ما دام كل ٍ يبي دربك ومنهاجه
غالي وتبخل علي وتطـّول الصدّه=الله يسامح غلاك ويلعن الحاجه

[mesho.ksa]

الله يهديني ويتوب علي

[mesho.ksa]

..





صبحكم الله بالخير



احلى شي بالحيآة هو التطنيش والبرود



واخوكم الطيب الي قدامكم هذآ آبرد انسان بالحيآة وصبور لآبعد الحدود

لكن من يتعدى على طرفي او يحتك ويحاول يتكلم بحرف عن اهلي انقلب 360 درجة

والادمي من بعد كلمته يكره حياته من الي اسويه فيه

ومواقف كثيرة صآرت اقربها من اسبوع تقريبآ والآدمي دوبه متعرف علي ومايدري عن اطباعي زين
ومس الوالدة بكلآم مزح ولكن انقلب ضده والادمي كرهني على الي سويته

وبعدين فهم السالفة وطاح الحطب



على كثر ما انا طيب وصبور الا اني لو قفلت انقلب ابليس
ولو جاني الشخص واعتذر خلآص يطيح كل شي وماكان صار حاجة لكن طبعآ مكانه عندي اختلف عن السابق




هذي نبذة صغيرة بسيطة عني



وسلآمتكم