نبذة عن قسم المختبرات الطبية

[عبوور]

أيوة أنت تحلل بس ف المعمل ماتشيل ولا تودي اي عينات لانه ده عمل البورتر مش كل العينات انت اللي تجمعها يعني سحب الدم للفنيين لكن بعض عمليات سحب الدم تكون صعبة يسحبها الاخصائي

[عبوور]

أنا موجودة هنا أي شيء تحتاجي مس شوكلت من عيوني إذا أقدر

[جلنـــار]

مشكووووره يالغلا

والله يوفقك يارب

[Dr.Madiny]

اختي الفاضلة انا حابب اسأل

ليش المواد اللي بتدرسوها احنا ما ندرسها في جامعة طيبة

يعني في مواد زي

الكيميا الحيوية والكيميا العضوية والنضافة والتعقيم


ولو تكرمتي ممكن الخطة الدراسية حقتكم من السنة الاولى لاخر سنة

[عبوور]

طبعا ما أعرف ليه ماتدرسوا موادنا غريبة لانه جامعة أم القرى زينا
http://mlt.kau.edu.sa/Pages-%D8%A7%D...%A7%D8%AA.aspx
هذا الخطة الدراسية لنا

[@@@SaRooONa@@@]

اختي يسعدك ربي على هالمجهود...

بس حبيت اسأل ...كيف الدراسه بالانجليزي؟؟؟...فيها صعوبه...وكيف بالنسبه لقسم التغذيه ...هل يحدث اختلاط...

لاني اتجنبه نوعا ما...وهل فيه فرع غير فرع الجامعه الكبيره؟؟؟....


ياليت تفيدينا ...مشكوره عزيزتي...

[NaSeM]

اختي عبووور تسلمي عالتوضيح

بس انا حابة اسأل هل يستطيع اي شخص منا انه يحافظ على معدله خلال الدراسة ( بمعنى انه الدراسة هل هي صعععععبة لدرجة انه يكون صعب للشاطر والحريص تجميع الدرجات ) ؟؟؟

وهل من الممكن جامعتنا تاخذ معيدين ؟؟؟

ولو أبغا اكمل دراسات عليا ايش الاقسام المتوفرة اللي ممكن اكمل فيها بعد ما اتخرج بكالريوس مختبرات في جامعة عزوز ؟؟

[خليك قدها]

جزاك الله خييير
صراحة كنت نفسي اتعرف على دا التخصص وكل مااقرا عنو اتمنى من جد ادخلوا
يااارب توفقنا لكل خير

[عبوور]

اختي يسعدك ربي على هالمجهود... بس حبيت اسأل ...كيف الدراسه بالانجليزي؟؟؟...فيها صعوبه...وكيف بالنسبه لقسم التغذيه ...هل يحدث اختلاط... لاني اتجنبه نوعا ما...وهل فيه فرع غير فرع الجامعه الكبيره؟؟؟.... ياليت تفيدينا ...مشكوره عزيزتي...

امين ياارب ويسعدك
ماهي صعبة أبدا صعوبتها في البداية أنك تأخذي المصطلحات اللي تهم تخصصك وبعد كده تصير الحياة حلوة بالنسبة لك مع الانجليزي ولما تفكري في صعوبة الانجليزي أتذكري انه خريجين هذا الكلية اغلبهم زيك أتخرجوا من المدارس الحكومية وبنفس كمية الانجليزي اللي عندك عندهم وبعدين السنة التحضيريه راح تفرق معاكم جدا لانه نفس الدكاترة اللي درسوكم أحياء وفيزياء وكيمياء هما اللي كانوا يدرسونا سنه أولى وبعضهم يدرسوا مواد تخصص
قسم التغذية أقل قسم فيه اختلاط أغلب دكاترته من النساء بس يدرسهم دكاترة رجال قليل
أيوة لها فروع خارج جده والان في فرع في شمال جدة قالوا انه السنة الجاية للاداب غير انه كل كليات التربية انضمت للجامعة وحاليا صار اسمها جامعة الملك عبدالعزيز
يااارب أكون أفدتك

اختي عبووور تسلمي عالتوضيح بس انا حابة اسأل هل يستطيع اي شخص منا انه يحافظ على معدله خلال الدراسة ( بمعنى انه الدراسة هل هي صعععععبة لدرجة انه يكون صعب للشاطر والحريص تجميع الدرجات ) ؟؟؟ وهل من الممكن جامعتنا تاخذ معيدين ؟؟؟ ولو أبغا اكمل دراسات عليا ايش الاقسام المتوفرة اللي ممكن اكمل فيها بعد ما اتخرج بكالريوس مختبرات في جامعة عزوز ؟؟

لا تقدري تحافظ على معدلك بس بصراحة في قسمين شوية الدكاترة شديدين بالنسبة للاختبارات انها ماتكون سهلة والكل يجيب فيها الدرجة الكاملة لكن الشاطر والحريص يقدر بتيسير ربنا انه يحافظ ع المعدل
في قسم المختبرات ما اخذت السنة اللي فاتت بس في باقي أقسام الكلية أخذت
مافهمت السؤال قصدك بعد ما تتخرجي بكالوريس من كليتنا المصون ايش تقدري تكملي دراسات عليا خارج الجامعة ولا ايش اقسام الدراسات عليا اللي في جامعة الملك عبدالعزيز للكليتنا؟

جزاك الله خييير صراحة كنت نفسي اتعرف على دا التخصص وكل مااقرا عنو اتمنى من جد ادخلوا يااارب توفقنا لكل خير

واياكي ربنا ييسرلك امرك ويختارلك اللي فيه الخير لك
اميييييييييييييييييييييييييييين

[NaSeM]

لا أنا أقصد ايش اقسام الدراسات العليا اللي في جامعة الملك عبدالعزيز ؟