وأخيرا شرفت حلقة التقوى بالسلامة ( تجمع فتيات حلقة التقوى)

[بنت ناس واللقب الماس]

المشاركة الأصلية كتبت بواسطة roo7ee وه ياتعجيزي فديتك لوووول ايش رايك يابنت الناس دامك تعجيزي زيي وكمان خطه أ نحدد وقت ونسمع لبعض في الجامعه ... يعني نسحب على مشرفتنا >>>بتنضرب وكل وحده تسجل لتانيه الدرجه ... بعد اذنك يااحاقعد عالكاشير>>الاسم طويل عادي اناديكي بدلعك ^^ انتظر الرد

اوك ماعندي مانع بس لازم اذن مشرفتي >> تسوي فيها مؤدبة

[Account Lady]

انا عنييييييييي أفضل يكون التسميع بالماسنجر
يكفي بالمايك وانتي ترسلي التصحيح على الايميل
وبرضو صعب نتقابل بالجامعه ونلتزم لأنو ورانا ارتباطات مع مسؤولين


وعندي اقتراح بس أخاف تنصدمو
ايش رأيكم الحفظ يكون فترة الدراسه وبس
لأنو بالاجازات الاغلب يسافر وينشغل وانا عني لو الشي كان متواصل وطووووووول ممكن نكسل ونبطل الفكره بس احسن نجدد الحماس كل سنه اذا ربنا أحيااااااانا
وشوكرياااااااااااااااااااا

[حأقعد عالكاشير]

بناتي << خليتوني ام من بدري :)

اسمعوا حبايبي والله امس طووول الليل افكر اش حنسوي فموضوعنا..

آخر ماتوصلت إليه

التسميع حيكون يومين في الأسبوع اثنين واربعاء من10 لـ10 ونص في الجامعه

أوممكن عالماسن من 6 لـ 7 المغرب <<بس سؤال لازم يكون انا عندي مايك عشان في بالي اسمعلكم صوتي واصححلكم كتابي فكيف ينفع تراني مييييح في المسن

بالنسبة للمؤدبتين اللي يبغوا يسحبوا عليا ترى أبدا ماعندي مانع تسمعوا لبعض وبرضو ماعندي مانع تناوني سونا<<مو أقولكم طيبة القلب :)

اما بالنسبة للاجازات ترى برضو فكرت فيها
وزي ماقلتي ياسيدة المحاسبة <<ياأم مسؤلين ^^
في الاجازات حنوقف التسميع وأفضل يكون مراجعة لما سبق حفظه عشان يثبت

لكن مع فترات الاختبارات لا اشوف وحده تقولي نبغى نوقف التسميع
ترى يابناتي القران هوا اللي حيساعدكم عالمذاكرة وينشط خلايا مخكم فعشان كذا نبغى نخلي في أول جدول اولوياتنا لكن ممكن مثلا نخفض الايام نسوي اي شي بس التسميع مايتلغي أوكي



وبالنسبة لعددكم الكبير عسولتي خوخه من اول مامانعت على مساعدتي في الاشراف اذا كان كتابي
لكن صوتي ماتقدر فأي وحدة تشوف انها تقدر تشرف معايا على الحلقة
تقولي عشان حنقسم البنات بيني وبينها بالنص ويسير يسمعوا لها

فأتمنى تردولي أوكي

[الكبير كبير]

بالنسبة لبرنآمج السكآيبي ..

زوروه على الرآبط


www.Skypecom

والموقع عربي

وسهل في الاستخدام ..

وما يحتاج ما يك ..

س لازم على الآقل السماعات .. لانك لو ما ركبتيها .. كل اللي معك في الغرفة ممكن يسمعون صوت زميلتك وهي تكلمك او تسمع لك ^_^

استخدامه اسهل من المآسنجر اللي متعودين عليه ..

وفكرة تسميع كل يومين برضو حلوة ..

بس صدقوني .. في يوم واحد .. أحس احسن .. لان أحس بتوتر لمن آرتبط بموعد وسط الاسبوع ..

غير اني مآ احب افتح النت وسط الاسبوع .. أحس يلهيني .. والدنيآ الحين عندنا احنا تمريض اختبارات ..

بس برضوا .. اذا الاغلبية تبآ تسميع يومين مو مشكلة ^^

انا ما عندي أي مانع اني أجلس وأسمع للبنآت ...


ذراعك اليمين .. حأقعد على الكآشير ^^

مممممممممممممممم


جربوا الـ سكآيبي بنآت .. صدقوني بيعجكم آن شاآ الله ..


مممممم


اش كمآن ..؟!


في وقت الاجازات مراجعة فقط .

برضوا فكرة حلوة ..

عشآن اللي انحفظ ما يتنسي ..

وووووو ..


شكرا لك حأقعد على الكآشير ..
ما تقصرين والله =)

[روح حواء]

معليش عالتأخير بس عرفت من مشرفتي الغالية ان التجمع اليوم

وبالنسبة للحفظ انا حفظت ولله الحمد وماشيه معاكم اوكيه

وحلو ان التسميع يومين _ واللي يناسبني لتسميع الآيات هو جوال أو ماسنجر ( صوتي)

[M!ss 5o05a]

أول بنتين يسمعوا الجزء التـــــــــاني :


سمعنا لبعض في الجامعه والنتيجهـ

v
v

بنت ناس واللقب الماس : وسمعت صفحتين ماشاالله عليها بدون أغلاط

وحفظها تمام والتجويد كمان تمام ..

خوخــهـ : كمان ماشاالله عليها عسل وشاطره وسمعت صفحه >>لازم تمدح نفسها

للأمانه عكيت في بداية الصفحه وبعدين عدتها بدون اغلاط..

^_^

[حأقعد عالكاشير]

ياحركة ياشطار

فرحتوني مرررره كويس انكم سمعتو لبعض
ربي يفتح لكم فتوحات العارفين ان شاء الله وابغى الهمه العالية هذي دااايما:)


بالنسبة للكبير كبير خلاص ان شاء الله حأعتمدك مشرفة للحلقة معايا

الحين احنا كلنا 16
خوخة وبنت الناس حيسمعوا لبعض داايما وانا نهاية كل جزء حأسويلهم اختبار

يبقوا كذا 14
7 حيكونوا عندي و7 عندك ياعسل

مجموعتي حتكون:
مني يغار الورد ..Account Lady.. هنوفة .. وانتي .. الرفه.. روح حواء..صمت الوقار

والباقيين عليكي ان شاء الله اتفقي معاهم عاللي يناسبكم

طبعا ياعسل انتي حتكوني اسبشل وبما انك تمريض خلاص حأسمعلك يوم واحد في الاسبوع
حددي اليوم اللي يناسبك والوقت وان شاء الله اسمعلك فيه
وحيكون التواصل بيني وبينك عن مستوى البنات وتسميعهم عشان نشوف في الاخير افضل ثلاثة فكل شهر
اوكي

على كذا اللي حيسمعوا اليوم من مجموعتي والباقيين
الرفه ومني يغار الورد وسمو الروح وصمت الوقار وهنوفه

على موعدنا الساعة 6 ان شاء الله عالمسن :)
حأرسلكم ايميلي عالخاص واللي تخش اول تسمع اول
وطبعا اللي يناسبها نتقابل في الجامعه من مجموعتي من 10 لـ10 ونص
حنبدأ من الاربعاء
بس برضو اليوم لازم نسمع عالمسن ان شاء الله


وتذكروا(وفي ذلك فليتنافس المتنافسون)
وربي يوفقكم جميعا

[نونو كاتي]

السلام عليكم

كيفك يأبلتنا ؟ :)

أنا وسمو الروح سمعنا لبعض بالتجويد والحركات

فما أدري لو تحسبي لنا اننا سمعنا لبعض أولأ؟

معلومه احنا سبق وحفظنا أول جزء من سورة البقره في تحفيظ

فالآن مراجعه

فهل تسمحي لنا نسير نسمع لبعض وندخل ونقول لك يومياً أو اسبوعياً

وان شاء الله حنكون منضبطين

وشكراً

[حأقعد عالكاشير]

نونو كاتي شي جميل انكم سمعتوا

وخلاص حأعتمد تسمعيكم لبعض

ويسير حتكتبو كل اثنين واربعاء كيف تسميعكم من حيث عدد الصفحات
وعدد الاغلاط سواء في الحركات او في الحفظ


افتخر بيكم وربي يحفظكم ويوفقكم :)

[Account Lady]

انا بجد فخووووره بكم وبحماااااسكم
وفخووووووووره بأمكم الليى للأسف مو قادره أوصلهاااااااااااااااااا
هين ياسوناااااا أراويك

شكلي ااخر وحده حتسمع