لكل المحتآرين ايش يتخصصو يجو هنا ونحتار سوا

[لمسسة حب]

ايش رأيكم بالعلوم الإدارية؟؟
اشوف محد تكلم عنه مع انه مررة حلووو وجدييد
وغير كذا مجالاته كثيرة وواسعة

[مجننه شلتها]

بنات ابي اسئل انتو سكنتو ولا لسى اخاف يقفل علينا انا كل ماسكن يطلع صفحاء بيضاء وفيها كلام بالانجلش ولمن اقفل وافتح ثاني مالاقي رغباتي موجودة معن الكل يقولو لمن تفتحي تلاقي رغباتك مرتبه ومرررة خايفه انو ليه انا غير :(

[سوسآ]

بنـآت :$
بلييز وحدا تفهمني كول تخصص كيف مرا ماني فاهمه
و لآحد يديني رابط مجلة قسم الاعتمآد و كدا لاني قريتو و برضو ما فهمت
ابا احد يفهمني كدآ ب العامي يمكن استوعب
و كمآن اللي كونت عارفتو انو نتخصص بعد 3 سمسترات غيروو النظام ؟

[بنت ناس وقلبي ألماس]

‏^‏^
تخصص النظم هو يجمع بين الحاسب والإداره يعني تتعلمي كيف تعملي أفضل البرامج بلغة البرمجة (الفيجوال بيسك) وكيف تديرين المستودعات وغيرها بأفضل طريقة ..
المحاسبة تتكلم عن مبيعات ومدين ودائن ومشتريات وبضائع وغيرها يعني كل شي يتعلق بالبيع والشراء يعني تتعاملي مع أرقام..

التسويق تتعلمي كيف تعرفين احتياجات الزبائن وكيف تروجين لهم السلع وكيف تأثرين في قرارات شرائهم وكيف تغرينهم بشراء سلعة معينة وغيرها..

التمويل يتكلم عن الميزانية وكيف تستعملينها في عمل مشاريع ..

[الحمد الله على كل حال]

فهمت بس التمويل دا لسى مافهمتوا يعني بشركة إيش أسوي

[khaled.91.11]

تحللي البيانات الي يعطيكي هي المحاسب وعلى أساسها تاخذي قرارات تمويل الشركة
بمعنى هل في كاش في الشركة أو الشركة مفروض انها تطرح أسهم أو تاخذ قرض من البنك
وتحللي مخاطر كل طريقة يعني الفوائد اللي لازم تندفع وحقوق المساهمين

[بنت ناس وقلبي ألماس]

‏^‏^
بالضبط مثل ماقال الأخ خالد الله يعطيه العافية..

[maram *]

انا محتاره بين نظم معلومات ادرايه ومحاسبه .... احد يقدر يفيدني بشيء =|
نفسي في تخصص اقدر ابدع فيه .. فيه مخالطه للناس
مضمون وظيفيا "نفسي امسك فرع بنك "

وكيف طبيعة الشغل في كلا التخصصين يعني ابغى بالمشرمح العامي يعني

وفيه سؤال يدور من اول في دماغي ليش نظم معلومات اداريه ماله قسم هنا -__-"

وتقبلوني اخت صغيره هنا ان شاء الله راح اسنتر عندكم واصير عضو فعال في قسم كليتنا
دعواتكم ليا ...

[الحمد الله على كل حال]

حتى التمويل ليه أنا على فكرة تفكيري اتحاس العلمي صار مجال للأبي التمويل أفهم ومو راضي أفهموا ومألو منتدى ياعالم ليه كذا

[_OCTOBER]

رد سابق على احد الاخوات بخصوص تخصص المحاسبة

المحاسبة كتعريف بسيط تعتبر هيا اللغة الام للاعمال والاموال . كدراسة التخصص يجمع مابين التمويل والاقتصاد ويدخل شوي في العمق في لغة الحسابات . -التمويل والاقتصاد والمحاسبة يكملو بعض . والبعض يعتبر التمويل فرع من المحاسبة اصلا - المحاسبة تعتبر من العلوم التطبيقية في الادارة ( يعني اللي يكون فييها مشاكل مسائل من الحياه الواقعية وتتطلب معالجة ) . . في سوق العمل . وكما قلنا سابقا , المحاسب يقدر يبحث عن وظائف ادارية , مالية , ومحاسبية في نفس الوقت . اي شركة اجباري لازم يكون فيها محاسبيين سواءا كانت قطاع صناعي , تجاري, حكومي , تعليمي , صحي ....الخ . حامل البكالوريس , يقدر يبدأ محاسب بسيط بالبداية وبعد سنة او سنتين يبدأ يشطح وطبعن يتدرج على حسب خبرة الشخص وشهادته . ومن اللي اعرفه بالنسبة لوظائف البنات المحاسبية انه اغلب مدراء الفروع في البنوك النسائية متخرجين محاسبة . هذا حسب كلام خالتي - وايضا المحاسب يقدر يلتحق باحدى مكاتب الامريكية الاربعة الشهيرة في جدة . المتخصصة في المحاسبة والاستشارة والمراجعة . بالاضافة انه مع الخبره العملية يقدر يفتح مكتبه الخاص في الاستشاره ويبدا عمله الحر . --------- في الدراسات المتقدمة.... المجال واسع جدا 1- الاختيار مابين ماستر محاسبة اكاديمي او ماستر تنفيذي (مهني). بالاضافة المتخرج من المحاسبة مهيئ وعنده اساس يقدر بيه يكمل ماستر في تخصصات الادارة الاخرى ( المالية - ادارة الاعمال -الاقتصاد... ) والعكس غير صحيح وصعب جدا . 2- mba in accounting ( ماجستير إدارة الاعمال قيادي في تخصص المحاسبة ) . 3- زمالة الهيئة السعودية للمحاسبين القانونيين واللي تتكون من شهادات مهنية معتمدة في المحاسبة مثل شهادة المحلل مالي , محاسب قانوني , محاسبة الاداري , مدقق نظم المعلومات ....الخ وتعطي حاملها مهنية عالية واحترافية كافية انها تدبل الراتب اضعاف مضاعفه وهي تقصر فقط على طلبة المحاسبة . .... التخصص يبغاله اجتهاد بالتاكيد وفيه تحدي وبالمقابل المردود مقنع جدا لو كملتو الطريق فيه وتميزتو . من عيوب التخصص كثرة الطلاب اللي فيه . ثلاث او اربعة معاهد وجامعات في جدة تدرس التخصص + طلبة الدبلوم تخيلو عدد الطلاب !!!