|| med13 .. حياكم الله هنا للإجابة عن كلما يراودكم ..~

[أهـ منك يازمن]

معليش سويت الحساب فى حالة طفش وخوف من القبول فى الكلية xD ف أستحملوه شويا

بالنسبة للدورة غالبا قبل الدراسة بأسبوع حسب كلام واحد من شباب الجنوب ماعليك تلحقها انبسط

اخويا انا فى شمال جدة مدري ليش كل الناس حاسة اننا فرع ماله دخل فى الطب !

كلهم مايبغوه تقدر تحول عادي من عمادة القبول بس مستعد تخسر المكافئة ؟؟ براحتك شي راجع لك

المقابلة فى اول يومين ماعليك راح تعرف لمن تدخل الكلية بالنسبة للشمال مقابلتهم فى نفس الوقت وتراها سهالة لا تشيل همها بس تضيع وقت

الجداول العمادة تنزلها وموحدة للدفعة غالبها تاخدها اول يومين

اول يوم لازم تجي بما انك جديد علشان تعرف الوضع وترا فى محاضرات من اول اسبوع فلا تسحبوا

بالنسبة للسكرب مو شرط والابكوت حاول قد ماتقدر مايخلص اول اسبوع الا وهوا معاك لان المعامل ماتدخلها الا بية

[عاشقة التحدي]

الدورة حتكون بإذن الله قبل الدراسة بأسبوع

[MrMohammed]

يا شباب انا الحمدلله انقبلت في فرع شمال جدة , بس المقابلة راح تكون في الشمال ولا في الفرع الرئيسي ومتى موعدها بالضبط ؟

وبالنسبة لدورة Teach Me Medicine متى بالتحديد موعدها بالضبط لانه ورانا سفرات كثيرة ؟

اخر سوال معليش كثرت الاسئلة ههههههههههههه , كيف المباني في فرع الشمال هل يوجد معامل طبية ومشارح زي الفرع الرئيسي ؟


وشكرا لكم وبالتوفيق للجميع .

[أهـ منك يازمن]

مقابلتك فى الفرع المقبول فية يعني فى الشمال

الدورة قبل الدراسة باسبوع طلاب الجنوب مسؤولين عنها

وبالنسبة لطلاب الشمال راح نقعد معاكم نفهمك الوضع فى كليتنا لانه يختلف شويا عن الجنوب

بس مايمنع تحضر دورة الجنوب لانها مفيدة

في معامل وهادي السنة خلص مبني كامل للمشرحة ان شاء الله تستخدموه

المباني فى الشمال مبني دراسة ومبني معامل ومبني المشرحة ومبني للكلية ( للدكاترة وزي كدا )

وعادي خذ راحتك اسئل :)

[mo7md99]

السلام عليكم ورحمة الله و بركاته ، ممكن تكتوبولنا اسماء المواد بالإنجليزية و مترجمة بالعربية اللي حندرسها في ثاني طب بإذن الله ؟ و كمان هل حيكون لينا زيارات لمستشفى الجامعي في اول سنة لنا في الكلية و بالاخس الترم الأول ؟ و إذا كان الجواب نعم فمتى عادةً تكون ؟
و شكرا على اهتمامكم و مبروك على اللي انقبلوا معايا في الكلية ، مستني ردكم :)

[د.هوازن]

المشاركة الأصلية كتبت بواسطة mo7md99 السلام عليكم ورحمة الله و بركاته ، ممكن تكتوبولنا اسماء المواد بالإنجليزية و مترجمة بالعربية اللي حندرسها في ثاني طب بإذن الله ؟:)

وعليكم السلام ورحمه الله وبركاته
http://www.skaau.com/vb/showthread.php?t=455210
جواب مفصل

[mo7md99]

المشاركة الأصلية كتبت بواسطة د.هوازن وعليكم السلام ورحمه الله وبركاته http://www.skaau.com/vb/showthread.php?t=455210 جواب مفصل

تسلمي د.هوازن .

الحين حيكون لينا دفعة 13 زيارات للمستشفى الجامعي في ثانية طب و بلاخس الترم الاول ولا لا ؟

[وعودة]

المشاركة الأصلية كتبت بواسطة mo7md99 تسلمي د.هوازن . الحين حيكون لينا دفعة 13 زيارات للمستشفى الجامعي في ثانية طب و بلاخس الترم الاول ولا لا ؟

حيكون في زيارات بس مو كثير واغلبها في الترم الثاني :)

[m.sh]

الحمدلله وحده ،، شكرًا لكم دفعة 12 على المساعدة والأخذ بيدنا إلى المسار الصحيح
جاري تحضير الأسئلة ، استعدوا . . .

[Roza18]

صباح الخير ❤
شكرا لدعمكم لدفعتنا وان شاء الله يكون هالتخصص خير علينا كلنا
حابه اسأل سؤالين
الطب الموازي نفس الطب العادي حتى بالشهادة ؟!
انا لغتي في الانجليش مو مرا اقدر استمر في الطب ويتقوى خلال هالسنوات او راح يكون عائق ليا ؟!
و إذا جاء ببالي سؤال راح احطه هنا ان شاء الله 🙈❤