لماذا الشاب السعودي يرى اللون الأخضر أحمر والعكس ؟؟؟!!!

[بيو كيميائية ^_^]

المشاركة الأصلية كتبت بواسطة xx вυѕтεδ xx عزيزتي :) تتعدد دوماً الحوادث والصنف الطائش واحد فلا تخلطي جموع الشباب في شخص متهور فهنالك (( سعوديين )) يتبعون الأنظمة أكثر من صانعيها دمتي بود~

أكيد أنا ماقلت شيء

بس المشكلة ماهو شخص واحد المتهور

آلاف الأشخاص المتهورة

اللي يتبعون الأنظمة قليل جداً

وبدليل نسبة الوفيات من الحوادث

والزحمة واللخبطة اللي عند الإشارات

كلامي هذا موجه إلى اللي يسوي هذا الشيء مو اللي مايسويه

مثل مافيه الزين أكيد فيه الشين

كم وكم بقى يصير لنا حادث وإحنا رايحين الجامعة وراجعين منها أو إذا رحنا أي مكان

نظرة الخوف اللي في أعيننا من المسؤول عنها

كم شخص غالي فقدناه بسبب السواقة المتهورة

أنا وحدة آخاف من السيارات والشاحنات والباصات خصوصاً الكبيرة

متى راح يصحون متى راح يحسون ؟؟؟

متى ؟؟؟

متى؟؟

[بيو كيميائية ^_^]

المشاركة الأصلية كتبت بواسطة الكريم ابن الكرام السبب ما أحب التعقيد والقيود يعني لو الطريق فاضي والإشارة حمراء أوقف ؟؟ عجبتني صراحتك بس الإلتزام بالأنظمة ماهو تعقيد نصبوا علي في عرضهم أبو شهر وحسبوا كل اللي علي فاتورة عمري ما قد استخدمتها عشان كذا أحب أبرد اللي في قلبي بصورة لائقة بهم

ماأنت مسكين وعلى نياتك وصدقتهم

أحد يصدق هذي الشركة

الحرة ماأحسها تبرد

الله يعينا

[بيو كيميائية ^_^]

المشاركة الأصلية كتبت بواسطة عباطة معاي دباب مسروق وما أوقف عند الاشارات

فوق ماأنت سارق الدباب

ماتوقف عند الإشارات

حالة مستعصية

ايش السبب اللي خلاك تسرق ولاتوقف عند الإشارة

صرت أخصائية نفسية

[عباطة]

المشاركة الأصلية كتبت بواسطة بيو كيميائية ^_^ فوق ماأنت سارق الدباب ماتوقف عند الإشارات حالة مستعصية ايش السبب اللي خلاك تسرق ولاتوقف عند الإشارة صرت أخصائية نفسية

يازهورة أحس السرقة شي كدا زي ماتقولي تمشي في دمي

وأحس بنشوة مو طبيعية لما ألطش حاجة مو ليا .....

بعدين خفة يد أيه ؟؟ مستوى عالي .. موهبة مو لعب

[xX вυѕтεδ Xx]

إذاً قارني بالزحمه في جدة و الخبر كمثال :)

وإن نجحتي بالمقارنه راح توصلي للإجابة الصحيحة:)

ودي ~

[الكاتب]

كلامك صحيح و حاصلة عندنا
تقريبا سببين والله اعلم :

أولا :الزحمة أمام الإشارة تعتبر لها دور
يعني إذا كنت إنت بالمؤخرة و الإشارة خضراء و على بال مالاخ اللي قدام الإشارة يصحى من غفلته وينزل الجلنط ويمشي إلا والإشارة حمراء لانه مانتبه الا لما ولعت خضراء هذا غير إذا كان شي ثاني ملهيه يعني جالس يتكلم بالجوال وتلاقي الشعب ماشية وراه بلا مبالاة والإشارة أصلا قلبت حمراء وماتوقف إلا لما تولع الإشارة الثانية خضراء لانها طق من الوقفة مع العلم إنه فيه فارق5 ثواني تقريبا على بال ماتولع الإشارة الثانية خضراء


ثانيا : التوقيت
على الإقل خل مدة الوقت لكل إشارة متساوية لا تلعب فيها او الإشارة اللي عليها ازدحام زدها بالوقت وهذا بعض رجال الامن الله يهديه يغير بالجهاز اللي يتحكم بمدة الوقت

اعتقد السببين تخلي الواحد يرى الاخضر احمرهههههههههههه

ودي


الكاتب

[مافهمت الناس]

^^^^^
نفس الكلام اللي كنت بقوله

يعني الواحد لما يستوعب ان الاشارة صارت خضراء يبدأ يستعد ويستنى اللي قدامه يمشي علشان كذا اكيد ما راح تشوفيهم على طول يتحركون
لكن العكس ما ادري
بس ممكن نفس الشي اللي قدام وقفوا بس اللي في الصفوف الاخيرة جالسين يقدمون في المكان اللي فضي
اتمنى اكون صح

تقبلي مروري

تحيتي لك ^_^

[بيو كيميائية ^_^]

المشاركة الأصلية كتبت بواسطة عباطة يازهورة أحس السرقة شي كدا زي ماتقولي تمشي في دمي وأحس بنشوة مو طبيعية لما ألطش حاجة مو ليا ..... بعدين خفة يد أيه ؟؟ مستوى عالي .. موهبة مو لعب

هههههه

أنت يبي لك جلسات علاج طويلة

[بيو كيميائية ^_^]

المشاركة الأصلية كتبت بواسطة xx вυѕтεδ xx إذاً قارني بالزحمه في جدة و الخبر كمثال :) وإن نجحتي بالمقارنه راح توصلي للإجابة الصحيحة:) ودي ~

المشكلة أنا مو من الخبر وماأروحها إلا نادراً

ممكن أقارن مع الدمام

الدمام مو دائماً زحمة ولا في كل الأوقات

تكون زحمة أوقات الويك اند والإجازات

إحنا بيتنا قريب إلى الدمام في الأوقات العادية ناخذ دقيقتين

في الزحمة 5 دقايق

بس أحسن مكان الناس تسوق فيها

الظهران (آرامكوا ) رأس تنورة (آرامكوا)

أي مكان فيه آرامكوا الناس يسوقون عدل ولا يسرعون يمشون على حسب السرعة المحددة

وينتظمون في الإشارات ويمشون عدل ومايعكسون في الألوان

مع العلم أن المرأة أيضاَ تسوق

السبب أن هناك مشددين فيه كاميرات وعلى طول مخالفة ومايتهاونون أبداً في أي شيء يتعلق بالنظام وسلامةالآخرين

دائماً شعارهم السلامة أولاً

عندنا شارع طويل من الظهران إلى الجبيل كان دوم تصير فيه حوادث شنيعة

مسكتة آرامكوا وحطت رادارات وأي واحد يتجاوزا السرعة المحددة مخالفة على طول

والحمدلله قلت الحوادث



أنا الحين عرفت السبب

بما أن مافيه كاميرات ولا فيه .......

فالناس تتهاون بالشيء ولاتتلتزم بالنظام

لكن لو الكل التزم بالنظام والسرعة المحددة

هل راح يضرهم شيء بالعكس

راح تقل نسبة الوفيات تقل الزحمة نحس بالأمان

[بيو كيميائية ^_^]

المشاركة الأصلية كتبت بواسطة الكاتب كلامك صحيح و حاصلة عندنا تقريبا سببين والله اعلم : أولا :الزحمة أمام الإشارة تعتبر لها دور يعني إذا كنت إنت بالمؤخرة و الإشارة خضراء و على بال مالاخ اللي قدام الإشارة يصحى من غفلته وينزل الجلنط ويمشي إلا والإشارة حمراء لانه مانتبه الا لما ولعت خضراء هذا غير إذا كان شي ثاني ملهيه يعني جالس يتكلم بالجوال وتلاقي الشعب ماشية وراه بلا مبالاة والإشارة أصلا قلبت حمراء وماتوقف إلا لما تولع الإشارة الثانية خضراء لانها طق من الوقفة مع العلم إنه فيه فارق5 ثواني تقريبا على بال ماتولع الإشارة الثانية خضراء كلامك صحيح ماهي المشكلة في اللي راز وجه قدام والشعب يطبق المثل مع القوم ياشقراء ثانيا : التوقيت على الإقل خل مدة الوقت لكل إشارة متساوية لا تلعب فيها او الإشارة اللي عليها ازدحام زدها بالوقت وهذا بعض رجال الامن الله يهديه يغير بالجهاز اللي يتحكم بمدة الوقت اعتقد السببين تخلي الواحد يرى الاخضر احمرهههههههههههه ودي الكاتب

هذي بجد ترفع الضغط

فوق ماهم يعكسون فوق مالإشارة ياتطول بزيادة ياقصيرة بالمرة

المفروض الجوال ممنوع التحدث فيه أثناء السياقة

الله يهدي الجميع