3 >> تابع %%% البنات الطموحات %%%

[rubi]

اهنن اهنن

مااااشا الله اش الخبر الحلو دا<< مجموعة فالجامعة يدعمو المشاريع الصغيرة مدة 3 سنين

طيب يابنات اللي تعرف ناس جربوهم او كيف تعاملهم ,,,,, تقولنا

ومازال طرح افكار لمشروع صغير قائم ونستنى الطموحات اللي شاركو فالموضوع اللي فات ولسا ماشفناهم هنا

ــــــ

غلا روحي
فكرة صنع بيدي حلوة ,,, بس مو كلنا نعرف نعمل اكسسوارات او اشياء تتعرض في بازار

ازا اتفقنا كلنا نروح صنع بيدي باذن الله نروووح ونسال ايش عندهم ,,, لاني كل معلوماتي عنهم ,,, انو اللي تعرف تخيط او تسوي اشياء بيدها تروحلهم ,,, اللي تعرف معلومات اكتر ياريت تفيدنا

ايش رايكم قيرلز,,,؟

[ǁ غــلأآإ ، رٍوٍحــي ǁ]

^^^
المجموعه اللي تدعم المشروعات همآ :
1/ بنك الأهلي
2/ عبداللطيف جميل أو التنميه البشريه أو .. الخ < اسامي كثير قآلوا لنآ
3/ إداره الجآمعة
ومدري مين كمآن معاهم :( بس رآح اسأل وارد لك ياعسسلز ..

::

ويسموهم حآضنآت الإعمال ، بحيث إنهم يحتفظوآ بمشروعك ويسوه لكي على أكمل وجه ..
والتقديم عليهم إلكترونيآ .. نقدم فيها مشروعنآ ، وعدد القآيمين بشرط يكون من طالبات الجآمعه
< كنت ابي اقدم بس مآكآن عندي عدد من المشآركين والمسآهمين :(

::
بعض الأفكآر حول إقآمه المششآريع :
وعندي فكره ، إننآ نعمل محل لإستئجآر ملآبس الغمر والملكه وهيك ..
مو كل يقدر يشتري فستان بمبلغ وقدره وحق ليله وحده .. فنخليه بسعر رمزي وتلبسه يوم غمرتها او ملكتهآ

::


أو مشروع : كفتريآت بالجآمعه < تنفع مع الوقت الرآهن
مدري قبل يومين فكرت مع كم بنت اعرفهآ .. اننآ مثلآ نطلب بفتح كفتريآت ، بحيث إننآ نتعامل مع عده شركآت معروفه من برآ الجآمعه مثل ( بارنيز - الفآست فود " اذا يسوآ فطور منآسب للطالبات ... الخ ماتحظري اسامي شركآت للأكل حاليا )
بحيث إننآ نجمعهم في الكفتريآ .. < مجرد فكره رآودتني ..

^^

لي عوده ، بعد الصلآإهـ ..

[rubi]

غلا روحي استنا رد ان شا الله عن الحاجات اللي تدعم المشاريع الصغيرة


سؤال يراودني<<<اين القيرلز الطموحات ,,,؟



بررب واجي ان شاء الله اعلق على بقية ردك ياقمر عشان عندي كلام كتير هههه عن فكرة نقل اكل من بارنيز مثلا لطالبات الجامعة<<<احسها تررربح <<عارفة البنات حبو ياكلو خخخ ماشاء الله تبارك الله

[.. Lily ..]

روبي

لا قصدي احنا نبيع في بزار

عندي افكار اقولك هيا ان شاء الله بس لو ع المسن يكون احسن ارسليلي ايميلك لانو ما اقدر ارسل عشان عدد مشاركاتي قليل

وغلا روحي ممكن كبداية نستثمر فكرة الاكل دي انو نبيع في بزار عشان نجمع مبلغ نبدا منو

ترى اعرف ناس ماشاء الله ربحوا مرة كتير من حكاية البزارات دي

الله يوفقنا يا رب و يسهلها علينا

[rubi]

hi lily

ان شا الله ياقمر نتفق على شي وننفذ والتوفيق من الله



انا صراحة مرررررة اتحمست لفكرة الاكل فالجامعة وكدا

شي بسيط ونقدر عليه ان شا الله


بس ايش راي البنات الاخريات الطموحات

[rubi]

ليلي ياقمر ارسلتلك ايميلي بس ماشفت الاضافة


,,,,,,

[طالبة انتساب))]

هاااااااااااااي روبي جيتك ,,

انا كمان مشاركه معاكي من دون عزومه طبعا ,,



كمان قريت خبر في الجريده كان مره حلو عن وحده في جمعيه البر دعموها تخيليو 1000 ريال بس والله وفتحت لها مشغل وكان الوحيد اللي بالحي وجاها زباين مره ماشالله كتيييييييير

وصارت تحتاج ايادي عامله واختارت ايادي عامله سعوديات والحين دعموها مره ثانيه 5000 والحين ماشالله الحرومه فتحت لها مشغل قد الدنيا وسمعتها في السوق احسن مايكون بعد ماكانت حالتها ماساويه كل دا يرجع انو (الارزاق بيد الله ولكن نحن نسعى وربي ماراح يضيع تعب احد ان شالله )

لي باااااااااااااااااااااااك ,,
موفقهــ’’

[rubi]

اهلااا بالجميلة

نورتي الموضوع ياقمر

نستنى الباك حقك اكيد وراها اشياء وااو

يجي منك ماشا الله عليكي

الله يوفقنا كلنا يارب

[Ash0o0sh]

فكررة المقهى حلووه بس مكلفه وبما انها مكلفه فا علشان كده حلو الشراكه

وبما انو في شراكه لازم يكون الشركاء متفقين ع اشياء كتير وفاهمين بعض

وغير كده اول شي لازم تفكروا في اختيار الموقع ...........

خطرت ع بالي فكره <<لاياشيخه

نادي صحي للاطفال بس المشكله التكلفه وراس المال

بس انا قولت حتى لو كان نادي صغير باذن الله يكبر بكره

او

محل هندسة الاكترونيات ويكون خاص بالسيدات

يعني زي محلات الجوالات والاب يعني البنات

ساروا بدهم ينزلوا برامج ياخدوا ويعطوا في الكلام

يفهموا يفهموا ايش هرجة جهازهم

او

محل ديكوور يعني زي ديكورات الكووش تصاميم التفاريح اللي في المناسبات


وبالتوووفيق ياررررررررررررررررررررررررب للجميع

ليا بااااااااااااااااااااااااك بفكره ^_^

[rubi]

اهليييين اشوووش منورة

المقهى طببببعا مكلف طبعا كمان الديكور لازم يكون شي واو بالتالي لازم فلوس مرررة كتيرة وان شا الله باب رزق دعمهم لينا حيساعدنا

وعششششان كدا حنبدا باذن الله في مشروع بسيط وصغير فالبداية غير فكرة المقهى



ليا باك للتعليق على باقي ردك عشان الجزء الاخير في ردك فيلو اشياء قميلة قدا ماشاء الله هع