هل أنت سعيد بكونك طالب في جامعة الملك عبدالعزيز ؟؟ ( نقاش + فضفضه ) أرجو المشاركة.

[غلاااي روحي]

نعم ,, نعم بكل فـــــــــــــــــخر ..

[RHF]

السسسسلامو عليكووم


أخوية محمد ،،

تصدق انا من زمااااااااااان استنا افضا لموضوع زي كدا ، واقعد اتفلسف و اقول كل يالي في نفسسسسي

،،

طبعن انا صوتت بـ ( نعم )

مممممم لان هادي فرصة من رب العالمين ، اني اتفوق في دراستي ، وألاقيلي ( مقعد ) في جامعة المؤسس ،، هادي فرصة مو الكل جاتو ،

مقعد + مكافأة

اااخخ بسسسسس < طلعت من قلبي

انا الصراحة كنت ابا ادرس في جامعة ام القرى ـ لكن خيرة الله اني ادرس هنا ( طبعن انا من جدة )

بس كنت ابغا اهججج من جدة بسبب كل ششششي ظروف امر بيها ،،

لمن سجلت في الجامعة كنت شششششايلة هم كيف اني لسا حاعيش في جدة ؟؟؟؟؟ وكيف حاستحمل الجامعة الي محد طايقها ؟؟؟؟؟؟؟ والي طول عمري اسمع انو فيها و فيها و فيها ،،

يوم التقديم // روحنا مبنى 29 ،،،،،،، كنت احسب الجامعة كلها زي كدا ههههه ،،

لكن لمن دخلناها لمن بدأت الدراسة جاتني صدمة ههههههه انفجعت من المباني و الكلاسات و الكفتريات

هههههههههههههههههههههههههههههههههههههههههههههه والله حزنت على نفسي و على تخيلاتي

استوعبت فكرة ليه كانو يقولو لازم كريم عشان الشششمسسس ههههههه

المهم ،،

بخصوص الدراسة و الدكاترة و المناهج و الاكل والبنات و (الحياة الجامعية) بصورة عامة

انا اعتبرت الجامعة ( مدرسة ) لكن كبيرة ، واسعة ،

///////////////

التحضيري مممممم ما كان لو داعي والله ،
يعني مثلا
وحدة تبا تتخصص ادارة ،
ايشلي وايشل ادرس كيمستري ؟؟؟
ولا فيزيكس ؟؟

خلاص ماث و ستات وانقلش و كوميونيكيشن سكيلز و حاسب ، للادارة !! يكفيني ؟؟

ليه انا ادرس مواد ، انا ( كسلانة فيها ) عشان اتخصص في شي مالو علاقة بيها ؟؟

طيب لنفرض ، اني انسانة مببببدعة في مجال الادارة ،، يجو يخصصوني كلية علوم ،، طيب ليه ؟؟

اانا اوكي كسلانة في المادة دي ، لكن انا حابدع في التخصص دا ،

ليه انا مو من حقي اختار التخصص الي انا ابغاه في المواد الي انا متفوقة بيها ؟؟؟؟؟؟؟؟؟؟؟؟

/////////////////////

في دكاترة زي العسل فوق ما تتخيلو ،، و في دكاترة ، شايفين نفسهم عشان وصلو بالعلم هادي المرحلة ، يحسو الناس كلهم اقل و اصغر منهم ،،
وفي دكاترة ما يششششششششرحو واللهي ، خلاص تقولك افتحي الكتاب شوفي بنفسك ،، طيب نسيت ان هي بتاخد راتب : حرام ،، بتصرفاتها دي ؟؟

وفي دكاترة مهتمييييييييييين بالامانة ، تشرحلك ادق التفاصيل ، وحتى ممكن تشرح شي ماهو معانا ، عشان فايدتنا احنا ،

دا حال الدونيا تلاقي فيها من كل شي

و الجامعة ( من اسمها ) جامعة ،، من كل النواحي

كمان لمن تكون عندنا مشاكل ، صعب يحلوها ، لأن الجامعة كبيييييييييرة ، تخيلو يحلو مشكلة مين ولا مين ؟ يسمعو لمين ولا مين ؟ يعني كمان العدد يا ناس ما يساعد انهم ينفذو كللللللللللل شي في زمن قياسي

////////////////////

انا انبسطت فيها ،، لكن فكرة التحضيري هي الي ماهي داخلة مزاجي ،،

يعني خلاص اخد تحضيري في التخصص الي انا ابغاه ، مو تحضيري عام زي كدا

،،،،

وعلى قولهم الجامعة من جد كل يوم تغير في الانظمة

يوم ياخدو الجوالات ، يوم يتركوها ، يوم التنورة قصيرة ( وهي طويلة )
ويوم تلاقي بنت بتنورة ركبتها باينة و ماشية عادي

يوم تقولك الخروج الساعة 9 ،
يوم يخرجو من 8 ولا كأنو في نظام

يوم الشؤون تقولك بنطلون ممنوع ، يوم يقولولك مسموح لكن بلوزة طويلة ، يوم تقولك لا و ألف لا

يوم الشؤون يغنو و يرقصو ، ويوم يصررررخو عالفوضا

ما عرفنالهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا عارفة انو كلامي كتير بس خلاص ابا اقول الي في نفسي

،،،،،،،،،،،،،،،،،،،،،،،،،،،،

بعد دا كلو ،،

انا مني ندمانة اني بادرس في الجامعة دي ، بالعكس ، ولا افكر يوم احول منها ، ومرتاحة فيها ،
وقابلة بحركاتهم الضعيفة دي
،،

اووه كمان نسيت في شي باقولو

الترم الماضي نقصونا درجتين في البايولوجي ،،
انا مقهورة ليه ؟ لانو المفروض اجيب a+ لكن لمن نقصت درجتين سرت a
ولمن روحت اكلم الدكتورة ، تقولي في مشكلة في نفس السيستيم

الله ياخدو السيستيم تبعهم دا ، يعني لو يبغو يضيفو الدرجتين دي ، كانو عرفو يضيفوها بطريقتهم لا يقعدو يتحججولي بالسيستم الابله حقهم دا < خلاس عسبت اقوا شي خخخخخخخخ

عمومن

اسفة عالاطالة اخوية محمد ،،

اخر شي ، الله يوفقنا جميعا ونعدي السنة دي < خايفة من النتايج

اتقبل مروري الطويييييييييييييييييييييييييييييييييييييييييييييي يل ،

وترا لو خطر شي تاني ع بالي حاجي اكتبو ^^

بيس

[محمد بن عيضه]

أشكر الجميع على المشاركة والرد والتفاعل وآسف إني ماراح أذكر أسمائكم لانه كثير ماشاء الله

وأخص بالشكر الأخت rhf لأني من أول ودي أسمع وجهات نظر شامله من جميع النواحي عشان نعرف نتناقش ونستفيد من بعض ونتفلسف

وعلى فكرة أنا آسف على إني سرقة فكرتك (( سرقة غير مقصودة ))

وودي أعلق شوي على ردك يا أختي بالنسبة لمسألة السنة التحضيرية أنا أخالفك فيها بشكل عام لكن اتفق معك في نقطة يعني أخالفك في أنو مالها داعي لأنها بصراحة تبين مستوى الواحد والكلية اللي يستحقها وأنا أشوف انو اللي شد حيله وماقدر يدخل الكلية اللي يبغاها المفروض يحمد الله ومايزعل ويعرف انه فعلا الكلي ما تناسبه لكن اللي ما شد حيله وبعدين يجي يلوم غيره ذي المشكله و
أوافقك في أنه ماله داعي اللي يبغى ادارة يدرس كيمياء ولا فيزياء ولا أحياء

[سمران]

قطوة الندى كلامك صحيح

[طالبة منحوسة]

دارسياً الحمدلله كطالبه بالمسار الاداري مرتاحه بالمناهج لكن نظامياً ابد مو مرتاحه لاني احس في ظلم لنا كطالبات للمسار الاداري منها/
اول شي انهم قفلو اقسام كثيره كانت متاحه لنا من قسم الاداره والاقتصاد ومن قسم الاعلام كطالبات مادري عن الطلاب اقفلوه عشان يبغونا نروح ندرسها برابغ يبغوو يعبو الجامعه الي في رابغ يحسبون ان كل الناس عندهم سواقين وان كل الناس ماعندهم مشكل انهم يخلو بناتهم يسكنو لحالهم .
ثاني شي المعدلات الخياليه الي يطلبوها انا شخصياً بيوم التسكين حضرتو وقالو لنا كم الاقسام تبغا وقالولنا عن اقسام رابغ اقسام نبيها تكون هنا بجده خلوها لنا برابغ وبمعدلات اقل من المعدلات المطلوبه هنا بجده احنا طلابكم ابنائكم ليه تسون فينا كذا احنا تعبنا لين مادخلنا الجامعه مادخلناها مثل غيرنا بواسطات والله تعبنا

[جوآآآنآآآ]

سعيدة مو عشان هيا حلوة
عشان سبب واحد الي هوا
انطباق مثل :(شر لابد منه )

[ماكنتوشه]

السلام عليكمم ورحمةة الله وبركاته

صحيح كل شيء يعجبني بالجامعه
لكن في ظلمهم للتخصصات المتاحه لنا احنا الانتساب وتعبنا بالثانوي علمي واخرها يهملونا وكأننا افشل ناس
انا مارضاها وراح اصوت لا وبقوة :(

[zooza]

وربي مبسووووطين فيها ومهما شوفنا ومهما صار فيها
رااح نظل طلبه جامعه الموسس

وما اعتقد في احد بيقدر يفارقها

[الحــــربيهـ]

نعم سعيده لاني ادرس بالجامعه وانتظام والحمد الله بغض النظر عن جامعة ايش ...

[الخلوق]

أنا الحمد لله سعيد في جامعة المؤسس

ومن ناحية الدراسة فيها وموادها صحيح أصعب من الجامعات الأخرى لكن أنا ما أشوف فيها تعجيز وأشوف إنها حلوه وممتازه طبعا للي جاي يبي يتعلم ويذاكر أول بأول لكن اللي يذاكر قبل الاختبار بأسبوع أتوقع بشوفها صعبه ومعقده


لكن زي ما قال أخي صاحب الموضوع لماذا يقولون:(الطالب أولا) ......... وإذا جيت ووقفت على أرض الواقع وجدت (الطالب آخرا) ............ لماذا هذه المثالية في الكلام ...... مثلا: إدخل عمادة القبول والتسجيل تقول كأنك داخل محكمة تعقيد للطلاب ما بعده تعقيد ............وإذا جينا وشفنا كلام مدير الجامعه أو عميد القبول أو أو... تجدهم يقولون:(والجامعة تفتح أبوابها للطلاب وتساعدهم و.....إلخ) مثالية ما بعدها مثالية ما لقينا من هذا الكلام شي، أنا لي موضوع له شهور وإلى اليوم ما إنتهى رحت للمدير والوكيل والعميد ولا شفت منهم مساعده ولا شي بل يصرّفونك ....................... لكن لو جيت سألتهم ما الهدف من السنة التحضيرية يقولون:توجه الطالب للتخصص اللي يناسبه ، لكن بإمكانكم تشوفون حوار عميد القبول والتسجيل في -جريدة عكاظ- في سؤالهم له عن السنة التحضيرية انظروا ماذا قال ، وأنا أنقلها لكم من نفس الجريدة:-
• للسنة الثالثة على التوالي ومازالت جامعة المؤسس تعتمد نظام السنة التحضيرية للراغبين في الالتحاق بأحد برامجها، رغم الانتقادات التي واجهتموها من شرائح المجتمع المختلفة، هل مازالتم مستمرين في تطبيق نظام التحضيرية وما هو تقييمكم لها خلال السنوات الماضية؟ــ
حقق نظام السنة التحضيرية نجاحات كبيرة، أن الجهود والاهتمام المتواصل من قيادات الجامعة، ساهمت في إنجاحه بشكل كبير، وكان الهدف منه تقليل الهدر الأكاديمي في الجامعة،

؟؟؟؟؟