بنات أسئلتكم عن مواد , أستاذات , أماكن تدريب ... إلخ

[حلم عمري]

^

خلاص إن شاء الله أنا أرسلك رقمي

بس بنات مين تعرف متى تبدأ دورتنا ولو بالتقريب

وتونيا سؤال بالنسبه للتدريب إنتي كنتي حاطه المكان في بالك من بدري ومجهزه نفسك وأخذتي الموافقه منهم

ولا بعد ماعرفتي أستاذتك وكلمتكم عن الموضوع دورتي

لأن أخاف ياخذ وقت مني لمن ادور على مكان أتدرب فيه

[تونيا]

طبعاً بعد الاستاذه ما تعرف وتوافق كمان , وبعدها تروحي تدوري على المكان

وأنا مافي مكان مارحته عشان آخذ خلفيه عن التدريب

رحت السفارات

رحت الغرفه التجاريه

رحت شركات عالميه

وآخرتها اتدربت في الراجحي الي لا دولي ولا هم يحزنون


وكتبت عن تترا باك الي ما فكرت فيها في البدايه


عارفه متى فكرت ؟

لما مهندس فيها(زوج جارتنا )أسعف أبويه للمستشفى

ساعتها فكرت اختار تترا باك ,( فعلاً تولد المنح من أحلك المحن)


وصار الي صار

أنا باتضار رسالتك

مع خالص حبي للجميع

[تونيا]

Life is full of stones…we shouldn't stumble by
them… we should gather to claim on top

[حلم عمري]

تونيا ماشاء الله عليك

إن شاء الله الله يوفقنا وتتسهل أمورنا

بس بنات مين تعرف متى تبدأ دورتنا ولو بالتقريب

طيب مين تعرف متى يبدأ السداد ولو بالتقريب معقوله مااحد عنده معارف في الجامعه يقولنا

إش تنصحوني أخذ ماده إختياريه أخذت سلوك مستهلك وقياده وإبتكار باقي وحده
وكمان مواد حره أخذت حكومه الكترونيه وخدمات صحيه اش كمان ؟؟

[تونيا]

حلم عمري


أنا راح أسأل لك لما أروح الجامعه



عن موعد السداد والدوره




وبالنسبه للمواد


علوم سياسيه


نظام الحكم السياسي



بحوث تسويق



وكمان راح أسأل الي أعرفهم إذا في مواد تانيه حلوه

[حلم عمري]

^
مشكوره ماتقصري

هما هناك اتوقع مايقولو قد جربت معاهم يقولو لمن ينزل التقويم

بس ياريت تسألي عن الدورات اللي يسووها للبنات التخرج أو إذا تعرفي أي وحده إنتظام تخرج

لأن إحنا وهما مع بعض بس إذا كان في إمكانيه

كان في حق الترم الي فات موضوع مثبت من بنات الإنتظام واول باول ينزلو مواعيد الدورات سواء حق التخرج او غيرها إن شاء الله نشوف واحد تاني لهذا الترم

[حلم عمري]

بالنسبه للمواد أفكر في علاقات عامه ماادري اذا متاحه و إدارة مشروعات عامه وإداره محليه

وممكن بحوث تسويق لأن ماعندي خلفيه عنها أما الإختياري ماادري

دحين كحد أقصى بالنسبه للي تخرج أقدر أخذ 21 ساعه ولا 24 ؟

[تونيا]

لا تخافي حلم عمري أنا لي مصادري الخاصه عشان أعرف جواب كل أسئلتك


وبالنسبه للمواد


اختيارك صحيح


ادارة علاقات عامه ماده حلوه

اثنين أعرفهم امتحنوها هذا الترم وقالوا رائعه (خصوصاً إذا مع الاستاذه سناء باناجه )

[(" الغلا ")]

بنات مواد إختياريه غير النظام السعودي
و مادة حره غير المشروعات العامة

بس يكونو سهلات و حلوات :$

[تونيا]

يابنات أنا أخذت هذي المواد (حره واختياريه )


علوم سياسيه


محاسبه حكوميه


نظام الحكم السياسي


ادارة خدمات صحيه

مبادئ اداره عامه



وكلها ولله الحمد + a


ومادري غيري ايش رأيه