الذين اختبرواليوم الأنجليزي ارجو الدخول

[الدآفور]

الاختبار جدا سهل

بالنسبه لي خلصته في 45 دقيقه..

بس لما تجي تضلل ورقة الاجابه تآخذ وقت أكثر من الحل !!!!!!!!!!!!!!!!!!

وبالنسبه للأسئله سهله جدا جدا جدا.. بس ولو يبغى لها تحل بهداوه ولاتشيل هم الوقت وتضغط على نفسك..


موفقين حبآيبي..

[candy 1989]

الاختبار صراحه مره سهل الحمدالله مااتوقعتو كدا..بس عيبو الاسئله قليله..

القطعه انا برضو مو من الكتاب بس في نفس مواضيع الكتاب و بالعكس اسهل من اللي في الكتاب كلمات واضحه و سهله..

وكل الاسئله من القطعه كل شي من الكتاب مافي شي من بره غيره القطه بس الاسئله حقت القطعه من الكتاب..


غير كدا الاسئله مو بس نموذج واحد اكتر من نموذج ذاكرو ولاتخافو مره تنبسطو,,

[كِــنّـدا]

الأختبـار مره حلو لاتشيلون همه

إلي مذاكر من شرح أ-خالد بيحل تمام

وكل شئ من الكتاب مافيه شئ طلع من الكتاب

والي يقول طلع شئ معناته مب مذاكر كل شئ

وش سالفة التظليل حنا في الرياض مافيه تظليل وكل الأسئله أختاااااري

يعني مافيه شئ صعب

بتوفيق للجميع

[الدآفور]

وش سالفة التظليل حنا في الرياض مافيه تظليل وكل الأسئله أختاااااري

الأسئلة اختياري

وانا برضوا اختباري في قاعة الأفراح (في غرفة الطقاقات بالضبط) في الرياض..!!

بس فيه ورقه موزعينها نضلل رقم الإجابه عشان تتصحح عن طريق الحاسب..

[G.i]

طيب الاختبار جاء بـ 60 سؤال

السؤال بكم بدرجه أو درجتين

ودرجة النجاح من كم ؟

[عبودي هلالي]

بالنسبه لنا حنا يالشباب

الوقت كان كافي وبزياده

طبعا انا اتكلم عن اختبار الرياض

وتطمنو الاسئله مرررررررررررررررره سهله

وبالتوفيق لكم

[أبوطيف]

الاختبار حلو .... لكن اللي مو حلو طاولاتهم رفعت ظغطي وكسرت ظهري :) والوقت مشى بسررررررررعة مو معقولة ..


أتمنى التوفيق للجميع ..... وعقبال ما تحلون افضل بالمواد القادمة ؟؟


أبوطيف

[زهرة تشرين]

الحمدلله الاختبـــــــــــــــــــــار رائـــــــــــــع,,عقبال الباقي يارب

[princo]

والله الصراحة الاختبار سهل بس الوقت ضيق يعني مابديت الا الساعة ثمان.والاسئلة ستين سؤال على النحو التالي:

30 سؤال قرمر
20 سؤال ريدينق قطعتان كل قطعة عشرة اسئلة
10 كلمات

[الساحر]

القطعة وش كانت


وش كاااانت ؟ : (