على الأعـضـاء وضــع اسـتـفـسـاراتـهـم هــنـا !

[Saud alamri]

المشاركة الأصلية كتبت بواسطة saud alshmre السلام عليكم ورحمة الله وبركاته .. صباحكم جميل .. وجمعه مباركه علينا وعلى جميع المسلمين .. بصراحه عندي عدة اسئله و اتمنى اللي يعرف جوابها يجاوبني .. لأنو اول سنه رح ادرسها بالجامعه هذي السنه فـ طبيعي يكون عندي شوية استفسارات ل اهل الخبره .. سؤالي الاول يتعلق بالبطاقه الجامعيه .. لما اروح استلم البطاقه .. ايش الاشياء اللي اخذها معي للجامعه ؟ وبالنسبه ل اختبار تحديد المستوى لمادة الانجليزي .. اختبرته بتاريخ 9\9 وسئلت المراقب علينا قلت له متى النتائج قال بعد الاختبار ب اسبوعين وكل يوم اشيك وانتظر ولا نزلت النتائج ولا شي .. ؟ فـ اللي يعرف متى رح تطلع يخبرني ياريت .. وبالنسبه للجدول متى ينزل وتتحدد الايام بالساعات .. ؟ واخر استفسار وسامحوني طولتها .. عادي اداوم بالجامعه بتيشيرت وجينز ؟ ولا بعض الدكاتره ممكن مايسمحون .. وبسس .. ^_^ يعطيكم العافيه شكرا ..

- لأستلام البطاقة الجامعية ( أذهب لــ عمادة شؤون الطلاب ) وخذ معك ( بطاقة الأحوال )
- بالنسبة للأنجليزي راح تنزل المواد على طول في الجدول ( على حسب أختبارك ) بينزل لك المستوى كم الثاني , الثالث , الرابع
- وبالنسبة للجدول ( أدخل على موقع الجامعة - خدمات الكترونية - الأودس طلاب ) وثم أدخل على الجدول وستجد ما تريده
- وبالنسبة للبس ( أغلب الشباب يأتون بلباس غريب وشعر غريب " كدش - قصات غريبة " نادر ما تلقى شخص يأتي بجـنز محترم ,, والأفضل تلبس ثوب وترتب شعرك وترتاح

[e7sas999]

السلام عليكم الله يجزاك خير اخويه

عندي اكثر من استفسار يا ليت الي يعرف يفيدني اول شي انا تخرجت من الثانوي ادبي و معدلي الموزون 85.5 سجلت تحضيري ادبي انتظام و انقبلت بفرع السليمانيه لكن انا ميولي علمي ابغى احول تحضيري علمي يمديني ولا لا ؟؟ نفسي اتخصص تمريض و اذا حولوني علمي باي فرع راح يحطوني ؟ طيب كيف احول يعني لازم اراجع الجامعة ؟

و عندي استفسار بخصوص اودس بلس الى الان مو راضي يفتح معايا يجيني ان في غلط في البيانات مع اني متاكدة من ادخال الارقام بالشكل الصحيح اييش السالفه
و كمان فاتني اختبار تحديد المستوى في اختبار ثاني ولا لا ؟
يوم الاحد بروح الجامعة ايش اخذ معايا غير الشهادة و بطاقة الاحوال ؟
و مشكورين مقدما

[محمداليزيدي]

السلام عليكم
لوسمحتووا ابي اعىف متى تطلع نتائج التحويل الى الكليات الطبية

[Sm Sm]

السلام عليكم ورحمة الله وبركاته..

عندي استفسار مهم وأتمنى مساعدتي مشكروين
آللي هو أنا انهيت التحضيري بنسبة 79.741 وانقبلت في كلية المجتمع
ولم اُقبل في كلية العلوم والتي نسبتها 79.852 , الفارق بسيط جدا !!!

سؤالي اذا سويت اعادة تسكين واخترت كلية اقتصاد منزلي
[ لسبب ان كلية المجتمع خارج الجامعه كما علمت ]
ومن ثم التحويل الى كلية العلوم ,
هل بإمكاني التحويل مرتين
المرة الأولى : من كلية المجتمع الى الاقتصاد المنزلي [ عن طريق الاودس المتاح حاليا ]
المرة آلثآنية : من كلية الاقتصاد المنزلي الى كلية العلوم [ عن طريق العمادة من الجامعه نفسها]

[المسافر2011]

ولدي انهاء المستوى الرابع تخصص انجليزي في فرع الجامعة بخليص معدلة تحت 2,5 ودي ارسله ياخذ دورة انجليزي في ماليزيا كيف اقدر اخليه يحذف ترم؟ واعطوني مقترحاتكم لرفع معدله؟؟

[محمداليزيدي]

لوووسمحتوو ردو علي متى تطلع نتائج التحويل الى الكليات الطبية

[محمداليزيدي]

السلام عليكم
لووسمحتووا متى تطلع نتائج التحويل الى الكليات الطيبة
ودمتم بخير

[عسافْ]

السلام عليكم .. مشكور على البادره الطيبه منك
حاب اسئل عن موعد بداية سداد رسوم الجامعه الغير جدد للفصل الاول 1435 ولغاية متى


ومشكور

[نحو احلامي]

السلام عليكم ..
انا انهيت التحضيري وقدمت طلب تحويل من انتساب لانتظام ..وتم ترشيحي في فرع الفيصليه ..
في حال اني ابغا احول من كليه الاداب الى كليه الاقتصاد المنزلي .. كم عدد الساعات اللي عليا اجتازها وكم المعدل المطلوب للتحويل
وهل علي دراسه ترم ام ترمين قبل التقدم بطلب التحويل ..
وشكرا

[amal21]

السلام عليكم ورحمة الله ...

جزاه الله كل الخير صاحب الموضوع وكل المتفاعلين...

استفسآري ..هل يمكن لطالبة انتساب(غير سعودية) معدلها لايقل عن 4 وهي قسم موارد بشرية

أن تحول لإنتظآم ...أم انه مستحيل ؟