أي أستفسار أتفضلو

[Dr.AlJuhani]

الأولاد ترا غير البنات
الاولاد بيج
والبنات رويل بلو
هذا اللي أعرفه وهذا اللي دفعتي من الاولاد بتلبسه
واتمنى اللي عنده أضافه من الاولاد يفيدنا

[R2010]

السلام عليكم سؤالي غير اسئلتكم بس اتمنى تفيدوني هل في بنات من غير السعوديات مسجلين في الطب حتى لو بمنحة ارجوكم

[Dr.AlJuhani]

يب فيه
اللي أعرفها وحده بنت بحرينيه عندها منحه سعوديه

[D.Roody]

طيب انا عندي سؤال عن كليه ابن سينا
تعرفو عنها شي وكيف الدراسه فيها ..؟

[dr.CILIA]

في محل كمان للسكربز في شارع صاري مقابل صاري مول جنب ركن جحا اسمه الاقمشه الخالده يبيع سكربات كنديه اقمشتها والوانها مره ممتازه

[Dr.AlJuhani]

بالنسبه لكلية أبن سينا والله مااعرف عنها شي لكن في كثير بنات معانا حولو من أبن سينا بعد سنه أولى بس هذا على النظام القديم قبل مايكون فيه تحضيري أما الحين مااعرف

[esraa b]

السلام عليكم,
اختي انا عندي كم سؤال اتمنى تجاوبيني عليها
1 انا ولله الحمد انقبلت في الطب بس جايني خوف مو طبيعي ومتخيلة اني ما ح اقدر اكمل ف ابغى اسال كيف دراسة الطب وهل هي مخيفة زي ما الكل بيوصفها وانه مافي وقت الواحد يمشط شعره ام دا بس كلام وتهويل للامور؟
2 هل انت متاكده انه الزي صار سكربات؟ وهل مسموح انه ما التزم بيه؟ وهل هم متشددين في هذا الموضوع او لا؟ وفين ممكن الاقي اماكن لاب كوتات كويسه وخاماتها جيده؟
3 اي احد عنده فكره عن كيف استلم بطاقتي الجامعية الجديده اتمنى يفيدني ويقولي فين نداوم بداية هذه السنة وايش في اجراءات نعملها؟
واسفه على الاطاله واتمنى تفيدوني وشكرا.

[Dr.AlJuhani]

المشاركة الأصلية كتبت بواسطة esraa b السلام عليكم, اختي انا عندي كم سؤال اتمنى تجاوبيني عليها 1 انا ولله الحمد انقبلت في الطب بس جايني خوف مو طبيعي ومتخيلة اني ما ح اقدر اكمل ف ابغى اسال كيف دراسة الطب وهل هي مخيفة زي ما الكل بيوصفها وانه مافي وقت الواحد يمشط شعره ام دا بس كلام وتهويل للامور؟ 2 هل انت متاكده انه الزي صار سكربات؟ وهل مسموح انه ما التزم بيه؟ وهل هم متشددين في هذا الموضوع او لا؟ وفين ممكن الاقي اماكن لاب كوتات كويسه وخاماتها جيده؟ 3 اي احد عنده فكره عن كيف استلم بطاقتي الجامعية الجديده اتمنى يفيدني ويقولي فين نداوم بداية هذه السنة وايش في اجراءات نعملها؟ واسفه على الاطاله واتمنى تفيدوني وشكرا.

وعليكم السلام ورحمة الله وبركاته
...
بالنسبه لسؤالك الاول...الطب إذا تحبيه ودخلتيه برغبه...راح تكون احلى أيام حياتك...
زي كل شي في البدايه راح يكون غريب لين تتعودي صح في البدايه راح يكون ضغط بس عادي يعني مو مره لو نظمتي نفسك....وحاولتي قد ماتقدري تقري المحاضرات...الموضوع جدا سهل..لاتتوتري وتخافي ...أدعي ربك ثم سوي اللي عليكي ذاكري كويس وراح تجيبي أحسن الدرجات أن شاء الله...وبالنسبه انو مافي وقت تحكي شعرك فهذا كلام خطأ...هوا صح خرجاتك ودخلاتك راح تقل بشكل ملاحظ لكن عادي تقدري تخرجي مو كثير طبعا..ونصيحتي أبدا أبدا لاتسمعي كلام أحد في أي شي ولا أي ماده يقولولك صعب ومدري أيش...زي اللي قبلنا قالوا لنا الجهاز العصبي صعب ومدري أيش وسستم التغذيه سهل..مره طلع العكس..
مو كل شي الناس يشوفوه صعب يكون صعب عليكي..توكلي على الله وقو أهد....بما أنو انتي أستخرتي أكيد قبل ماتختاري التخصص..والحمدلله أنقبلتي فيه فخلاص معناتو بأذن الله هذا مكانك...
...
السؤال الثاني:
بالنسبه للسكرب هوا شوفي أحيانا عليهم طلعات انو ألبسوه ومااعرف أيش...لكن ترا كلية الطب ..بأذن الله لما تدخلوها ترا مره احسن كتعاملا من الجامعه الثانيه...بمعنى اصح التعامل يكون أرقى بكثير ..أحنا بنتعب نفسيا لما نروح الجامعه الثانيه لما نحتاج حاجه من الأدراه مره في فرق في التعامل فكايه أنو يخاصموكي ومخالفه ماقد سمعت انو سووها عندنا...فعادي ممكن تلبسي سكرب ممكن لا...لكن الأفضل تلبسيه أولا لنو مره مريح وأنتي راح تقعدي ساعات كثير في الجامعه ثانيا مره كدفعه يعني شكلكم يكون مرتب...بس يرجع لك الموضوع...أما بالسنسبه للابكوتات انا شخصيا باخذ من السويدي أحيانا تفصيل وأحيانا جاهز أقمشته حلوه....وفي ناس بياخذو من الحسيكي...
...
بالنسبه للسؤال الثالث والله ماعندي فكره ياريت أحد يقدر يفيدنا

..
موفقه عزيزتي

[د. أسامة]

أنا استلمت البطاقة الجامعية حقتي من عمادة القبول و التسجيل ،

و كمان حتى لو نسيتي هرجة البطاقة و انبسطتي ف الاجازة و ما أخذتي البطاقة من الآن يكون أحسن لك ،

بالتوفيق .

[esraa b]

شكرررررا والله ما قصرتوا وجزاكم الله خير.