التحويل انتظام بعد السنة التحضيرية

[الطامحة باذن الله]

ميرام شكرا على ردك وان شاءالله ربي يحقق لك وحده اللي تتمناه ومن جد لكل مجتهد نصيب ويلا يبغالنا نشد حيلنا ف خطة الف وان شاءالله ننتظم باذن الله

[فكتووريآ]

الله يوفقكم جميعاً وربي يحقق جميع أمانينا يارب ويرضى علينا ..
ربي يطمنككككككم :)

[r8ona]

المشاركة الأصلية كتبت بواسطة قطورة الندى انا جاوبت عن نفس السؤال كدا مررة بالنسبة للتحويل حيكون لكلية الاداب الي بالفيصلية وفيها الـ 5 تخصصات تاريخ وجغرافيا ولغة انجليزية ودراسات اسلامية وعربي انتي اختاري اي تخصص وادرسي ترم واحد فقط وجيبي معدل وهمن حيفتحو لك التحويل ( يعني تغير التخصص ) وتغير الكلية ولو كانت شهادتك في الثانوي علمي تفتح لك 5 كليات ( كلية الحاسبات وتقنية المعلومات .. كلية الاقتصاد والادارة .. كلية العلوم .. كلية الاقتصاد المنزلي .. كلية الاداب ) ولو كانت شهادتك في الثانوي ادبي تفتح لك 3 كليات ( كلية الاداب .. كلية الاقتصاد المنزلي .. كلية الاقتصاد والادارة ) وانتي ترتبي رغباتك وانا أعرف بنات قدمو على التحويل بعد ما درسو ترم كامل وجابو معدلات حلوة ولكن نتائج التحويل لم تظهر بعد وادا ظهرت انا اكتب لكن شو سار كونو متطمنات ونصيحة مني كأخت لو كان معدلك عالي حولي انتظام وانتي مغمضة لا تقولي انا ما أبغى هده التخصصات او مالها مستقبل الارزاق بيد الله وحده وانا كنت اقول كدا وبعد ما حولت وتخصصت دراسات مررة ارتحت في التخصص وحبيته وكدا وحدة من البنات قالو نفس الشيء وحطو في بالكم شهادة الانتساب مهي معتمدة وعذرا على الاطالة

معليش حبيبتي الشهاده معتمده 100 % وماجبت الكلام من عندي قريبي دكتور في الجامعه وقال معتمده
حتى انهم ما يكتبوا في الوثيقة انتظام او انتساب او تعليم عن بعد ..

[Luotty hyuna♥..}]

قطوره الله يرضى عليك قوليلنا ايش حيصيير مع صحبااتك بخصووص التحويل والكلليات المتاحه لهم