شايب يرغب بإكمال الماجستير بالخارج

[زحمة مشآعر]

السلام عليكم ورحمة الله وبركاته ..

أولا اسال الله لك التوفيق والسداد وبيني وبينك شي محير جدا

هل اجازف في وظيفتي واذهب للخارج وادرس هل الوضع في الخارج بيعجبني ام لا وهل انا بمشي مع الدراسة ام لا وهل الاهل بيرتاحون هناك ام لا هل اذا خلصت من الماجستير بحصل وظيفة مناسبة لي ؟؟؟؟؟ تساؤلات منطقية لازم تسأل نفسك فيها وقبل كل هذا ؟؟


هناك عدد هائل يحمل الماجستير الأن في السعودية ويعملون في القطاع الخاص وبرواتب قليلة جدا بالجهة الأخرى هناك اشخاص يحملون ماجستير ودكتواره مسجلين في جداره ؟؟

أن ترضي طموحك فهذا شي جميل ولكن ليس على حساب نفسك ؟؟ حاول ان تدرس وضعك جيداً استخر لا تستعجل ؟


ان لو رحت برى ونفترض انك نجحت ومعك الماجستير ؟؟ ماهو مصيرك بعد ماترجع ( العلم عند الله ) يمكن الله يفتح لك رزق من عنده لكن نحن نتكلم بالمكشوف امامنا الآن امامك خيارين :


1. قطاع خاص . واحتياجه لتخصص الإنجليزي ربما يكون قوي ولكن عمل متعب خصوصا انك عملت في المجال الحكومي راح تفرق معك العملية .. خصوصا انك مرتبط مع اهلك واولادك وكنت ماشي على روتين معين في العمل الحكومي ولا تنسى ان عمل القطاع الخاص متعب للغاية ويمكن ماتحصل راتب كويس خصوصا انه قائم على عنصر الإنتاجية .. ومحتاجين خبرات ووجع راس ..

2. سلم رواتب الموظفين العام .. وهذا مقبرة بحد ذاته يعني تروح وتتعب واخر شي (8000) ريال وتمسك سرى في جداره وشوف متى يلحقك الدور .




انا اشوف انك تبحث لك عن (تشغيل ذاتي يعني بعقد ) هذا اكثر راتب وهذا البرنامح موجود في كثير من الدوائر الحكومية بس لاتنسى الواسطة قبل شي هههههههههههههههههههههه ..



ينطبق عليك المثل اللي يقول ( ان بكينا دمعنا ماله دوى .. وان سكتنا صمتنا كله قهر ) .. الطموح مشكلته مشكله متعب جدا ...

بالنسبة للعمر بالعكس عمرك مناسب انك تطلع ومافيه أي شي بالعكس .. ومثل ماقلت لك الموضوع محير مره صعب جدا انك تضحي في وظيفتك وصعب جدا انك تسكت وتجامل نفسك ولا تطلع تكمل طموحك وعلمك ..


دائما في مثل هالمواقف محتاج اتخاذ قرار وهذا القرار انت من يتحمل تبعاته .. ان نجحت فهذا جهدك وان لم تحصل على ماتريد فانت قدمت شي والحمد الله وارضيت نفسك ..


ولكن حاول دائما دراسة الأمور من جميع الجهات ..


مجمل كلامي :: مايلي

يا انك تكمل خدمتك 18 سنة وتقاعد . وتنتقل قطاع خاص ..
او انك تقدم استقالتك وتطلع من الحين وبعد ماترجع تبحث لك عن عمل في أي شركة من الشركات الكبيرة ..
أو انك تبحث عن قبول في السعودية ماجستير انجليز ي وهذا أتوقع انه افضل حل لك حاليا ..



أتمنى لك التوفيق والسداد

[أبو سحلب]

سعدون سعدون سعدون


تعال وين رحت !

نصيحة من اخوك كمل في الدبلوم التربوي باقي لك ترم ، ثم سجل في ماجستير طرق تدريس في جامعة الملك سعود موزاي !


http://ksu.edu.sa/sites/KSUArabic/De...mission04.aspx

http://ksu.edu.sa/sites/KSUArabic/De...1434/edu34.pdf

[أبو سحلب]

طبعا عندك تخصصين

ماجستير مناهج وطرق تدريس اللغة الانجليزية
mcte

و


تعليم اللغة الإنجليزية للناطقين بلغات أخرى
mtol

[saadoony]

المشاركة الأصلية كتبت بواسطة زحمة مشآعر مجمل كلامي :: مايلي يا انك تكمل خدمتك 18 سنة وتقاعد . وتنتقل قطاع خاص .. او انك تقدم استقالتك وتطلع من الحين وبعد ماترجع تبحث لك عن عمل في أي شركة من الشركات الكبيرة .. أو انك تبحث عن قبول في السعودية ماجستير انجليز ي وهذا أتوقع انه افضل حل لك حاليا .. أتمنى لك التوفيق والسداد

الله يجزاك خير على نصائحك بالنسبة للعسكرية مفروغ منها ومن سابع المستحيلات أتقاعد فيها وأقصى مده راح تكون سنة إذا ما حصلت ماجستير داخلي راح أجازف وأطلع على حسابي حالياً مقدم على الخدعة المدنيه إنتظار والحمدلله أجتزت قياس المعلمين العام والتخصص وباقي ترم أغلق تربوي لعل وعسى يصدر فيها قرار وأقدر أقدم تدريس وحالياً أختبرت step وأن شاء الله أجتاز حاجز الـ 83 والقدرات مطلوب مني 70 وأن شاء الله أجيبها

المشاركة الأصلية كتبت بواسطة أبو سحلب سعدون سعدون سعدون تعال وين رحت ! نصيحة من اخوك كمل في الدبلوم التربوي باقي لك ترم ، ثم سجل في ماجستير طرق تدريس في جامعة الملك سعود موزاي ! http://ksu.edu.sa/sites/ksuarabic/de...mission04.aspx http://ksu.edu.sa/sites/ksuarabic/de...1434/edu34.pdf

الماجستير موازي أحد الأمور اللي مخطط عليها لكن إختبار stab وإختبار القهورات وقفوا عقبة بطريقي أيه لا تدقق بالستاب أنا أسميت الإختبارين هكذا لأن الأول يمثل خدعه وطعنه بالنسبة لي والثاني يقهر لأنك توصل لـ 64 مثلاً والمطلوب في بعض الجامعات 65 مثل جامعة الملك عبدالعزيز قمة في القهر

وأهم شئ موافقة مرجعك على إكمال الماجستير وهذي تبطي عظم تحصلها والحمدلله قدرت أغلق البكالوريس بشق الأنفس بعد أن كان لدي موافقة من مرجعي السابق تم إلغاءها وقدمت من جديد ويوم بقى لي ترم جت الموافقة يعني سواءً فكرت بالدراسة هنا أوبالخارج لا بد من الإستقالة لا قدر الله صارت مرابطه ولديك إختبارات لن يتم إتاحة المجال لك لآداء الإختبارات وفي نهاية الأمر أنا أكثر إصراراً على إكمال الماجستير بالخارج لأنه لم تم ضمي للملحقية راح أخذ مكافأة لي وللمرافقين أطلق من الراتب اللي أستلمه حاليا ً والسلام مسكـ الختام

[مدااااااااااوي2010]

موضوع جميل يحتاج اطلاع وبتوفيق لك ....................مداوي

[saadoony]

الماجستير بالسعودية مثل برنامج الإسكان عندنا

ستيب - قدرات - إختبار مفاضلة - مقابلة شخصية - وفي الأخير برى نبي خبرة تدريس سنتين

الماجستير برى أسهل ولكل مجتهد نصيب

أنا بفعل الأسباب السنة هذي للبحث عن قبول جامعي بالداخل لإلتماس السبب ومتأكد في النهاية ما راح أحصل قبول

[saadoony]

المشاركة الأصلية كتبت بواسطة أبو سحلب طبعا عندك تخصصين ماجستير مناهج وطرق تدريس اللغة الانجليزية mcte و تعليم اللغة الإنجليزية للناطقين بلغات أخرى mtol

للأسف جامعة الملك سعود طالبين خبرة في التدريس وأنا عندي خبرة في الترجمة فقط

جامعة الإمام عندهم ماجستير أدب إنجليزي - لغويات - ترجمة

وطالبين 70 في القدرات بعدها أختبار مفاضلة ثم مقابلة شخصية وفي الأخير أنت إنتساب ما نبيك

[mmss2012]

السلام عليكم اخوي الغالي sadonny
ومن الزملاء القداما في هذا الصرح الذي اعتبره ولله الحمد من افضل المنتديات اسال الله ان يجزاهم عنا خير الجزاء وموضوعك مهم جدا بارك الله فيك
وانا انك تكمل دراستك لان الشهادة مهمة ولاتوقف عند الماجستير بل كمل للدكتوراة واسال الله لى ولك التوفيق وانا مثلك عسكرى لكن باذن الله ان اكمل دراستي وان شاء بامريكا لان هناك اللغه الام وثقافة جديدة
ونصيحة لاتوقف
وتراني مثلك نفس العمر او يمكن اكبر قليل لكن حصل لدي ظرف صعب وهو مرض والدي ثم وفاته اسال الله ان يغفر له وموتى المسلمين والحمد لله على كل حال وباذن الله باكمل دراستي العليا بامريكا او استراليا اذا شاء الله
برضه ارجو انك تطلع على منتدى مبتعث ورح تحصل كل ماتريد باذن الله
وبالتوفيق اخي سعدوووني يارفيق العمر والدراسة ونلتقي معك ان شاء الله على المحبة الاخاء ااخوووك ابو هيثم


والسلام عليكم

[saadoony]

المشاركة الأصلية كتبت بواسطة mmss2012 السلام عليكم اخوي الغالي saadoony ومن الزملاء القدامى في هذا الصرح الذي اعتبره ولله الحمد من افضل المنتديات اسال الله ان يجزاهم عنا خير الجزاء وموضوعك مهم جدا بارك الله فيك وانا انك تكمل دراستك لان الشهادة مهمة ولاتوقف عند الماجستير بل كمل للدكتوراة واسال الله لى ولك التوفيق وانا مثلك عسكرى لكن باذن الله ان اكمل دراستي وان شاء بامريكا لان هناك اللغه الام وثقافة جديدة ونصيحة لاتوقف وتراني مثلك نفس العمر او يمكن اكبر قليل لكن حصل لدي ظرف صعب وهو مرض والدي ثم وفاته اسال الله ان يغفر له وموتى المسلمين والحمد لله على كل حال وباذن الله باكمل دراستي العليا بامريكا او استراليا اذا شاء الله برضه ارجو انك تطلع على منتدى مبتعث ورح تحصل كل ماتريد باذن الله وبالتوفيق اخي سعدوووني يارفيق العمر والدراسة ونلتقي معك ان شاء الله على المحبة الاخاء ااخوووك ابو هيثم

وعليكم السلام ورحمة الله وبركاته

حياك الله وبياك أخ أبوهيثم

خدمت 8 سنوات في العسكرية والحمدلله أستفدت منها دورات لغة إنجليزية ومقدم على الخدمة المدنية ولو توظفت في النهاية يا مرتبة سادسه ولا سابعه وما أشوف أنها تفرق عن العسكرية إلا بالراتب التقاعدي ولكن في النهاية كلتا الوظفتين ليست طموح للراغبين في الإرتقاء بمستواهم التعليمي والوظيفي

مكثت 6 شهور بأمريكا ومن خلال دراستي وجدت ودية الأستاذه والدكاتره هناك وفتحت لي هذه المعرفه آفاق جديدة لإكمال الماجستير

وفي النهايه كون أن الطالب تعب 4 سنوات دراسة ولديه رغبة لإكمال الماجستير فعليه أن يحاول بشتى الطرق وكوننا خريجين لغة إنجليزية ولدينا قدرة على التحدث والإستماع والكتابة فأرى بمدى جاهزيتنا للمغامرة بالدراسة على الحساب الخاص مبدئياً ما دامت أبواب الإبتعاث مفتوحه

أعرف عريف بالبحرية أكمل إنتساب ثم ماجستير بأمريكا والآن موظف على المرتبة العاشرة والقصص كثيره واللي عنده هدف سيصل بإذن الله

وفي النهاية نسأل الله لنا وللجميع التوفيق

[sealove]

الله يوفقك ويسعدني ويشرفني معرفة رجل مثلك