طالبه دراسات اسلامية ...

[القصير]

جزاكم الله خير يااخواني والله ماقصرتوا بس انا محتاره اخلي القران ولااحدفه واحط علوم قران لاني نفسي اخلي الحفظ في الاجازه عشان اركز واحفظ زين واش رايكم؟

[القصير]

انا حسوي زي ماقلتولي مابضيف ماده حرة بس محتاره في القران وعلوم القران لان نفسي اخلي القران في الاجازه اركز في الحفظ واحكام التجويد عشان اتقن الحفظ ومايجي بداية الترم التاني الا وانا ان شاء الله حافظه كويس .
عن جد لساني يعجز عن شكركم اخي غيم وابودجانه ونعم الاخوان الله يجزاكم الف خير

[غيم تايه]

المشاركة الأصلية كتبت بواسطة القصير انا حسوي زي ماقلتولي مابضيف ماده حرة بس محتاره في القران وعلوم القران لان نفسي اخلي القران في الاجازه اركز في الحفظ واحكام التجويد عشان اتقن الحفظ ومايجي بداية الترم التاني الا وانا ان شاء الله حافظه كويس . عن جد لساني يعجز عن شكركم اخي غيم وابودجانه ونعم الاخوان الله يجزاكم الف خير

الحمدلله الأخوان ، تقريباً موافقيني ، بالنسبة لمادة القرآن الكريم ، ما فيها اي مشكلة تستطعي تاخذيها في أي فصل وأفضل انك تحذفينها وتضيفي مادة علوم القرآن علشان الفصل القادم ان شاء الله نضيف مادة التفسير ( من المستوى الخامس ) ، وخلال هذه الفترة تحاولين تحفظين بعض السور وحتى لو تركتيه للفصل الأول من السنة القادم ما فيها مشكلة يكون في الصيفية حفظتي الجزءين تمام وساعتها تكون مادة محفوظه فنضيف مادة أخرى بدون خوف ، المهم هذا الفصل تذاكري وتركزي يعني من التسعين فما فوق ، وأي استفسار حاضرين موفقه بإذن الله ،،،،،

[أبو دجانة]

88888888888




لا شكر على واجب اختي . . والله في عون العبد ما كان العبد في عون اخيه . .

[القصير]

اخي ابو دجانه وغيم تايه كفيتوا ووفيتوا والله يعطيكم الف عافيه بصراحه انتو الوحيدين في هدا القسم اللي تعبتهم معي بس يعلم الله اني دعيت لكم من كل قلبي والله يوفقكم ويجزاكم عني خير الجزاء مشكورين
اكيد بحتاجكم مرة ثانيه والاكيد انكم ماراح تقصروا معي مدري اش اقول بس الله يجزاكم كل خير

[القصير]

اخواني معليش سؤال اخير اداممكن
بالنسبه للكتب مااعرف كيف اشتريها يعني اسال الاستاده ولا اش الحل عشان اول ماينزل الجدول بشتري الكتب على طول واداكر مااعرف كتب ولا ملخصات ولااستنى الدورةاللي مدري متى تبدا ولااش اسوي ياليت تنصحوني ادا ممكن
الظاهر اسئلتي ماراح تخلص الله يعينكم علي
الله يعطيكم العافيه يااااارب

[غيم تايه]

المشاركة الأصلية كتبت بواسطة القصير اخواني معليش سؤال اخير اداممكن بالنسبه للكتب مااعرف كيف اشتريها يعني اسال الاستاده ولا اش الحل عشان اول ماينزل الجدول بشتري الكتب على طول واداكر مااعرف كتب ولا ملخصات ولااستنى الدورةاللي مدري متى تبدا ولااش اسوي ياليت تنصحوني ادا ممكن الظاهر اسئلتي ماراح تخلص الله يعينكم علي الله يعطيكم العافيه يااااارب

اشتري الكتب اوابدئي في المذاكره اصلا مواد هالفصل ، نادراً ما يكون فيها حذف لكن في الدورات التأهيلية يتم التركيز على نقاط معينه ، لكن بالعادة المقرر هو المقرر ، لذلك أبدئي وانصحك بمادة فقه العبادات 1 وبعدها العقيدة الاسلامية ، وأي مادة تواجهك فيها صعوبه على طول سوي نداء عاجل علشان نشوف كيف نساعدك ، ولا تترددي ابدا كل شئ وله حل بالتوفيق ان شاء الله .

[أبو دجانة]

اختي القصير . .


تجدين في المرفقات خطة الدراسات الاسلاميه . . ومن ضمنها الكتب المقرره . . ولكن في بعض الكتب اختلفت لكن الغالب من الموجود في الخطه واذا كنتي بتنزلي علوم القران فالكتاب على حد علمي تغير . .


وانا افضل انك تشتري الكتب من الان لكن مو كلها خذي كتاب الروض المربع والعقيده الطحاويه وسيكولوجية علم النفس والثقافه الاسلاميه . .


وعلوم القران انا اقولك عليه بعدين . . وبالنسبه لشراء الكتب روحي لمكتبة خوارزما الي في حي الجامعه واشتريها من هناك . .


واضح . .

[عاشقة الحرية]

اخواتي واخواني حبايب قلبي انا احتاج مساعدتكم انا راح ادرس ترم واحول
عشان ابي ارفع المعدل حبه وابي مساعدتكم في اختيار المواااااااااااااااااااد السهله
اللي تنفعني وترفع معدلي ادا تقدرو ساعدوني بكره لازم انزل الجدول عشان ابدا
ادااااااااااوم راح ع كتير (a&r)

[غيم تايه]

المشاركة الأصلية كتبت بواسطة عاشقة الحرية اخواتي واخواني حبايب قلبي انا احتاج مساعدتكم انا راح ادرس ترم واحول عشان ابي ارفع المعدل حبه وابي مساعدتكم في اختيار المواااااااااااااااااااد السهله اللي تنفعني وترفع معدلي ادا تقدرو ساعدوني بكره لازم انزل الجدول عشان ابدا ادااااااااااوم راح ع كتير (a&r)

حياك اختي عاشقه

ان شاء الله خير أختي ، لو ممكن، اذكري القسم اللي حابه تحولين له ، وليه ما جربتي مثل باقي الاخوات ، والمواد اللي نزلت لك ، علشان نسوي عملية الحذف والاضافة واختيار المواد المناسبة ، وكم معدلك ، والمعدل المطلوب للتحويل ،وياليت تكون في موضوع مستقل علشان الجميع يشوف الموضوع ويشارك فيه نطلع بالاراء الافضل ، ولا يهمك في انتظارك .
إلقااااااااااااكم """