تجمع طالبات التغذية الإكلينيكية (العلاجية)

[صحوة إحساس]

معااااك حق يا مس مي ..
>> دااااشه عرض ..

[weddah]

طيب كيف مكتوب ليهم كلية العلوم الطبية
وقالوا حيجوا يدرسوا في كليتنا

كيف بالله؟؟؟

[no0of2009]

يابنات مافي مساواة بينكم وبنات الاقتصاد
الفرق بنات الاقتصاد يتخرجو تحت مسمى فني واذا اخذو الماستر يكونو اخصئي

بنات التقنية لا اذا تخرجو تحت مسمى اخصائي واذا اخذو الماستر يكون اخصائي اول فهمتو

[weddah]

نوف فاهمة عليك هذا الكلام اللي نعرفه من زمان

بس بنات الكليه طالعين بكلام جديد

ويقولوا انهم يتخرجوا اخصائيات زينا على طول من البكالريوس

انا اللي كنت اعرفه ان دراستهم تعتمد على "الطبيخ" لأن اسمه "غذاء وتغذية"
ويطلعوا مدرسات

لكن اذا حيصيروا اخصائيات ويشتغلوا في مستشفيات
احنا فين نرووح

لازم الجامعة تفهمنا كل شي

[● ά7Ļά şùģάя ●]

أكيد هنآك فرق
مجرد تشآبه في الأسمآء بس أكيد الدرآسة والمستقبل الوظيفي مختلف


حبيت أطل على طآلبآت التغذية وأسلم
الله يحقق لكم مرآدكم
موفقين يآرب

[miss me]

وده اهلييين يا قلبي حبيبي مرررره ما اتوقع انو التحويل دا يسير يعني التخصصين بعيده عن بعض بس هما موقفهم طبيعي والكلام دا طبيعي يتنشر بسرعه لانو في صالحهم يعني زي لو قالولنا نحنا حنتخرج دكاتره مااااا حنسكت صح هما نفس الشي

بعدين نقطه تانية انو جامعة الملك عبدالعزيز كل سنه بتطلع لمستواها فووووق يعني من جد كلياتها الصحيه هي والملك سعود احسن شي في المملكه تتوقعي يعملوا حركه زي دي ؟؟
لأنو لو حولوهم عندنا شي طبيعي راح ينزل مستوى الماده التعليمية لأنو هما كانو يدرسوا بس بالعربي كيف فجأه كل شي بالانجلش
وانا عن نفسي جاتني قناعه لو مين ما جابوا ماراح اتخلى عن دا القسم لانو لمن تبدأ السنه حيبان كل واحد بشطارتو =)
والقسم مررررررررررررررررررره حلوووووو ياربي مرررره احبو مررره حننبسط فيه =)

وعلى فكره اللي مكتوب عندهم علوم طبيه نحنا وبنات كلية التربيه اللي جايبين معدل عالي بس فلا احد يتفلسف من راسو و يقولك لا كل البنات
كلامي كتير صح ؟ :d

[weddah]

خودي راحتك في الكلام يا عسل

انا زيك كنت ميته على هذا القسم
ومن الثانوي وانا افكر فيه
ومحطية علوم طبية رغبتي الاولى عشانه

بس الصراحه بعد الكلام الكثير اللي صار حسيت انسدت نفسي
ومواضيع بالهبل تعصب وتنرفز
وعقلي رااااح للعلاج الطبيعي

واللي فيه الخير ربي يجيبه ان شاااااااء الله لينا كلنا

[miss me]

لا لا خليكي معايا بلا هببببببببببببل
التحوييل دا مستحيييييييييل يتم فكري فيها
نرفزتيني :@
يعني لو كانو بيحطوهم معانا ليش لمن عملو الخيارات فرقو الاقتصاد عننا
يا ماما لو احد حيجي هما بنات كلية التربيه اللي جابو معدل عالي و حيجوا سنه و يحولو كلية الاقتصاد المنزلي فهمتي ؟

لا تحرمي نفسك من حلم انتو كنتي تطمحيلو عشان شي زي كده =)

[weddah]

طيب بشويييش علي لا تعصبي >> خفت يا دووبه

وعشااانك والله حارجع افكر مره تانيه وارجع القسم في راسي واقتنع بكلامك

واكيد ما حانسى الاستخارة

بس اهم شي انتي لا تعصبي ^_^

[miss me]

ايييوه ترى هاه :p