خلونا نتناقش يمكن نقدر نغير الواقع!!!

[بريانكا]

[quote=soma al7elwa;1039782]منجد منجد على قد ما في مواضيع استفزتني

دا اكتر واحد مستفز بينهم كلهم

ومنجد اتكلم دحين وانا فحالة غضب شديد

الاختلاط انتهى امرو من زمان

ما عاد في شي اسمو اختلاط العالم كلو صار قرية صغيرة

فكل مكان موجود الجنسين

كل مجالات العمل صار فيها "اختلاط" ماعدا المدرسة

حتى موظفة البنك الا ما تحتاج تختلط مع رجال

ليش الخوف دا كأنو بعبع؟؟؟

....... الخ





انا اوافقها في الرأي


وبعدين اسمحوا لي من جد تفاجئت ان في ناس للحين عندها هدا التفكير خبري فيه من قبل ما انخلق


انا اشوف ان الاب من حقه يمنع البنت ادا شاف منها شي يدل على انها راح تضر بسمعته لا سمح الله


تقبلوا وجهة نظري

[شــفــافـــة]

لو كان في شي اسمو اختلاط وحرام (حرام بالخط الاحمر العريض)
كان نزل نص صريح في تحريمو زي شرب الخمر وترك الصلاة
بس في أشياء تُركت لاجتهادات العلماء كلٌ حسب زمنه ومكانه
ولأن الإسلام دين يسر
ياجماااااااااعة دين يسر
لاتعقدوه

وإذا كان حرام (بالخط الاحمر العريض)
ايش يسوو الي عايشين في بلاد اوروبية؟
نقلهم انحبسوا في بيوتكم!

على فكرة الحج والعمرة فيها اختلاط
بتقولوا عبادة ؟

طيب حتى العمل عبادة و الدراسة عبادة

[mيmي العفريتة]

[



الاختلاط انتهى امرو من زمان

ما عاد في شي اسمو اختلاط العالم كلو صار قرية صغيرة

فكل مكان موجود الجنسين

كل مجالات العمل صار فيها "اختلاط" ماعدا المدرسة

حتى موظفة البنك الا ما تحتاج تختلط مع رجال


غاليتي لايوجد شي اسمه الإختلاط انتهى من زمان أظن أنه ديننا باقي إلى قيام الساعة والقرآن هو القرآن وتعاليمه ثابتة ماتغيرت وأعتقد أنه بديننا الإختلاط محرم لا أي تكنولوجيا ولا تطور بتلغي هالحرمة وشي ثاني احنا مانبي نختلف على الأحكام ناس يؤكدوا الحرمة وناس يقولوا عقليات متخلفة لأنه أمر مفروغ منه أنا أبدا ما أنكر إنه الطب مهنة شريفة وسامية وإنا بحاجة طبيبات سعوديات ولا أنكر بأنه ومع وجود هذا الإختلاط هناك من تخرجن من كلية الطب بكامل حشمتهن وحيائهن وهن قلائل لكن أرجع وأقول حتى نوفر الراحة للمرأة وتمام الخصوصية نعزلها عن الشاب في الدراسة والوظيفة

[mيmي العفريتة]

إلى متى خايفين على البنت كأنها طفل صغير ما يقدر يتحكم ولا يتعامل مع الناس؟؟؟

ولا كأنها امرأة بالغالة فاهمة طول بعرض

أو بالأحرى نتحجج انو خايفين عليها

لأنو ما اعتقد انو خوف على البنت بقدر ما انو خوف من القيل والقال وانو المرأة عندهم عورة لازم تتغطى

اختلاط غيرة شك تحرشات
أنا عندي كلمة صغيرة على هالكلام يكفيني أقلك بكلام الرسول أن النساء ناقصات عقل ودين طبعا هالكلام كان على نساء الرسول والصحابة رضوان الله عليهم أما في عصرنا فلا عقل ولادين صحيح إن المرأة بالغة وعاقلة لكنها أبدا أبدا ماتستغني عن الرجل وتوجيهه نحن هنا لانتكلم عن الناس التي تتبع أصول القبيلة وعاداتها نحن نتكلم عن الناس الغيورة التي تمنع بناتها لمجرد الاختلاط التي تذهب مع بناتها حيث ما شاءت البنت الناس التي لاتحضر لابنتها سواق وإن حصل فمع محرم أما من كان ديوثا لايغار فكيف ببناته!

[mيmي العفريتة]

المشاركة الأصلية كتبت بواسطة soma al7elwa كلمة قالتها حبيبتي شفافة " لا يوجد شي اسمه اختلاط البيئة الصحية تفترض وجود الجنسين" اختصرت كل اللي أبغى اقولو

وليه مانطالب انها تفترض وجود الفتيات في كلية والشباب في كلية

[mيmي العفريتة]

المشاركة الأصلية كتبت بواسطة شــفــافـــة لو كان في شي اسمو اختلاط وحرام (حرام بالخط الاحمر العريض) كان نزل نص صريح في تحريمو زي شرب الخمر وترك الصلاة بس في أشياء تُركت لاجتهادات العلماء كلٌ حسب زمنه ومكانه ولأن الإسلام دين يسر ياجماااااااااعة دين يسر لاتعقدوه وإذا كان حرام (بالخط الاحمر العريض) ايش يسوو الي عايشين في بلاد اوروبية؟ نقلهم انحبسوا في بيوتكم! على فكرة الحج والعمرة فيها اختلاط بتقولوا عبادة ؟ طيب حتى العمل عبادة و الدراسة عبادة

أرجوكم نحن لسنا بصدد ان نتكلم في الأحكام الشرعية الجميع يعلم حرمة الإختلاط وإذا عالناس الذين بالخارج أقول لك فتوى سمعتها بأنه لايجوز السفر إلى تلك البلاد إلا لحاجة ماسة كالعلاج أو الدعوة للدين أو دراسة تخصص لايوجد في بلدك

[soma al7elwa]

أنا عندي كلمة صغيرة على هالكلام يكفيني أقلك بكلام الرسول أن النساء ناقصات عقل ودين طبعا هالكلام كان على نساء الرسول والصحابة رضوان الله عليهم أما في عصرنا فلا عقل ولادين صحيح إن المرأة بالغة وعاقلة لكنها أبدا أبدا ماتستغني عن الرجل وتوجيهه نحن هنا لانتكلم عن الناس التي تتبع أصول القبيلة وعاداتها نحن نتكلم عن الناس الغيورة التي تمنع بناتها لمجرد الاختلاط التي تذهب مع بناتها حيث ما شاءت البنت الناس التي لاتحضر لابنتها سواق وإن حصل فمع محرم أما من كان ديوثا لايغار فكيف ببناته!

نقصات عقل ودين؟؟

وانا كنت مفكرة الرجال يقصقصوا الحديث ويستخدموه فارائهم اتاري في من بنات جنسنا برضو يستشهدوا بيه

حبيبي

أول شي لازم نقرا الحديث كامل ونفهم معناه كامل ؟


المراد من ناقصات دين هوا انو بتجي فترة ما بنصلي ولا بنصوم اللي فترة الدورة الشهرية

اوكي؟

والمراد باقصات عقل انو بنحكم عاطفتنا قبل عقلنا

ودا طبيعة جميع النساء في كل الأزمان

ياريت تتكلمي بصفة شخصية "بلا عقل وبلادين" لكن تتهمي كل بنات جيلنا فدا شي مرفوض تماما

احنا الحمدلله عقولنا متواجدة وبنخاف من ربنا وديننا موجود

وبالنسبة لديوث ما ديوث دا رأيك وزي ما تقولي قولي

انا ليا الشرف إنو عندي أب وأهل واثقين فيني وعارفين بنتهم وكيف ربوها ومافي داعي يجروا ورايا زي البيبي تجري وراها بالنونية والسريلاك وكل شي

وكلمة دايما مامتي وبابتي الله يخليهم يقولها لنا "لازم تتعلموا كيف تعتمدوا على نفسكم ولا تحتاجوا لأحد احنا مو دايمين لكم ولا ازواجكم ولا اخوانكم ، أنفسكم وشهادتكم بس هي اللي تدوم لكم لغدر الزمان"

واللهم لك الحمد تلاقي حريم عند ماكدونالدز مو عارفين كيف يشتروا ولا كيف يطلبوا شي من الفلبيني

وطبعا من منظرهم الخارجي باين انهم مو قادرين يتعاملوا مع اتفه شي يقابلهم بسبب انو دايما في واحد يتعامل عنهم

فالمستشفى تلاقي الدكتور يسأل ولا موظف الاستقبال والرجال اللي معاها يرد

ليه؟؟

انتي المريضة ولا هوا؟

لدي الدرجة انتي عيب تتكلمي؟؟

هي دي الغيره اللي تتكلموا عنها؟

فستين حريقة ازا الغيرة دي حتنفي شخصيتي ووجودي

بعدين مين كزب عليكي وقالك انو الدراسة اختلاط؟؟

الدراسة منفصلة بس الدكتور هو الي يدخل عند البنات

ولا الطلاب منفصلين عن الطالبات

الاختلاط فالعمل فقط

احنا هنا ما نبغى نقنعكم

مو خايفين لا على زواج ولا على سمعة ولا على شي

لأن ما نبغى اصلا نتزوج من رجال بدي العقلية ولا يهمنا رأي الناس بدي الافكار

بس نبغى نبينلكم قديش فكركم ضيق ومحدود

زي ما قلت اول رجاءا رجاءا ابتعدوا كل البعد عن الكوادر النساء

وياريت عندك او احد من بنات اهلك ولادة عندك حمل التهابات مرض اي شي موجودين اطباء نساء وولادة ذكور

ممكن تلجأولهم

ارفعو حملة تقاطع لطبيبات والكوادر النسائية الطبية واتجهوا كلكم للرجال

سموها "لا لطبيبة لا لممرضة لا للاختلاط"

ونشوف مين حيفوز فالنهاية ومين فينا اللي يحتاج التاني اكتر

[شــفــافـــة]

المشاركة الأصلية كتبت بواسطة mيmي العفريتة وليه مانطالب انها تفترض وجود الفتيات في كلية والشباب في كلية

لا كنت أقصد وجود الجنسين في نفس المكان
يكوّن بيئة صحية
على افتراض انهم ناس واعية وفاهمة

[شــفــافـــة]

المشاركة الأصلية كتبت بواسطة mيmي العفريتة أرجوكم نحن لسنا بصدد ان نتكلم في الأحكام الشرعية الجميع يعلم حرمة الإختلاط وإذا عالناس الذين بالخارج أقول لك فتوى سمعتها بأنه لايجوز السفر إلى تلك البلاد إلا لحاجة ماسة كالعلاج أو الدعوة للدين أو دراسة تخصص لايوجد في بلدك

أعطيني اسم المفتي وأقلك وين قضّى الصيفية هذي السنة ؛)

ذكرتيني بـ اللي حرموا التصوير في أحد الأزمنة الغابرة
والحين صورهم مالية الجرايد والمجلات

وكمان نفس الي حرموا الدش
نشوفهم في القنوات الفضائية

طيب احنا متى نستوعب اللعبة؟!

الفقه متغيّر مالم يمس الأركان لذلك كان لاجتهادات العلماء قيمة

[mzat kau]

سوما الحلوة وطموح وغيرهم عن جد انا فخووووووووورة فيكم وبعلقكم الله يكتر من امثالكممممم


من جد حسيت اني فخورررة انا اقرا ردودكم وبالاخص سومتي


الله يوفقك ويوفقنا يااارب ويكتر من امثالك وعقلك

احنا هنا ما نبغى نقنعكم

مو خايفين لا على زواج ولا على سمعة ولا على شي

لأن ما نبغى اصلا نتزوج من رجال بدي العقلية ولا يهمنا رأي الناس بدي الافكار

بس نبغى نبينلكم قديش فكركم ضيق ومحدود

زي ما قلت اول رجاءا رجاءا ابتعدوا كل البعد عن الكوادر النساء

وياريت عندك او احد من بنات اهلك ولادة عندك حمل التهابات مرض اي شي موجودين اطباء نساء وولادة ذكور

ممكن تلجأولهم

ارفعو حملة تقاطع لطبيبات والكوادر النسائية الطبية واتجهوا كلكم للرجال

سموها "لا لطبيبة لا لممرضة لا للاختلاط"


افضل كلام كتبتيه الله يسعدك ياررررب
ودايما شي معروف اللي تبغى الخراب حتروحلو لو هيا محبوسه في غرفه اللي تبغى الدين حتلاقي برضولو هيا دكتورة او اي كان لاتحصرو انو اختلاط خلاص مسخرة ووو الخ ليش التفكير الضيق دا !!!!!!!