تجمع يوم السبت فرع الفيصلية

[جيهآآن]

ادخلو عليها بادب ولو تذلون نفسكم وتسوي فيها انكم مساكين وتتبكبكو شوي بيمشي معكم الوضع

رئيسه قسم الانجليزي سيئه جدآ بالتعامل يعني ماستبعد لو قفلت الباب بوجهكم وخلتكم ملطوعين برا

الله يعينكم عليهآآ

[عبير منشي]

جاية و موفقين بإذن الله.
بالنسبة لكشف الدرجات شفت موضوع فمنتدى الجامعة الرسمي حاط فيه المستندات المطلوبة جايب الكلام من العمادة شخصياً وكان كشف الدرجات من ضمن الأوراق المطلوبة.. عاد هل هو مطلوب بس للطلاب ولاّ لطلاب وطالبات مدري بس قلت للإحتياط ناخذه عشان لايعرقلوا أمورنا عشان أي سبب تافه.

وللأسف أنا مااقدر اطبعه بسبب عبارة تعليق الوضع اللي لها أسبوع طالعة لبنات الانتساب اللي ماسددوا رسوم هالترم مع انهم أصلاً لسى ما أعلنوا عن موعد السداد! حسبى الله عليهم.

أما الإيميل فأنا حطبعه عشان لازم يعرفوا ان الغلط ما كان مني فعدم حضور امتحان الأربعاء. مافي وقت اتفق مع سواق يودي من مكة لجدة الايميل وصل بالليل انا لحد 10 مساءً كنت مشيّكة وما جاني شي. شيكت على 1 الفجر حصلت ايميل منهم.. عاد متى وصل مدري بس انو بعد 10 أكيد.

وما كنت في الأيام اللي قبلها أقدر اروح امتحن لأن أولاً وضعي معلق ماكنت ادري انا انتساب ولا بانقبل انتظام و ثانياً لأني ماادري أصلاً انه التخصيص للمنتسبات حيتلغي بعد القبول للانتظام و حيرجعوا يتسكنوا بشروط المنتظمات و امتحان مستوى وهالكلام !

توقعاتي ماجبتها من عندي لازم يعرفوا اني رحت السليمانية فرمضان قبل ما يأجزوا بيومين و سألت و انقال لي لو طلع تخصيصك قبل تحويلك لانتظام ايش تبغي أكتر من كده؟! يعني قصدهم مافي تغيرات كبيرة حتصير. مجد جاب سيرة امتحان مستوى في الفيصلية .


والله مو عارفة هل راح الحق الاقيكم بكرة في الموعد ولا لا . خايفة من تضييع المكان بسبب جهلي بالبوابات.
بس راح اسأل والله يعين.

بالنسبة لرئيسة القسم.. انا دايماً اقرأ و اسمع انه رئيسات الاقسام في كل جامعاتنا زي المديرات بالضبط تنشطر الطالبة نصين وما يرضون يقابلوها ! إلا بمواعيد مسبقة و استجواب و مرمطة مالها أول من آخر.

هل انتو ضامنين انهم يدخلونا أصلاً على رئيسة القسم؟

موفقين يارب

[asoom4ever]

بناااات انا جاية باذن الله بكرة لكن احس وضعي يختلف عن وضعكم انتوا ماختبرتوا تحديد المستوى يوم الربوع وانا اختبرتوا لانهم قالولي دي اخر فرصة ليكي وماراح تختبري وماحليييت شي تعرفوا يعني ايه ماحليت فإذا بكرة حاروح اش اقووول لرئيسة قسم اللغات الاوربية عيديلي الاختبار وتتوقعوا حاتعيييد وللمعلومية انا بعد ماختبرت روحت ديك الغرفه حق وحدة التحويل والتخصص قالت اسمك ماوصل يعني لسا مو مأكد انو انا منتظمة وانا معلوماتي اتغيرت في الاودس انو تخصصي انجلش قبل مايجي ترشيح الانتظام ماااادري فهمتوووني ولا لا افكاري مشتتة مو عارفة اعمل اييييه

[ضحـى]

اسوم تعالي و ان شالله يتفهمو وضعك وتعتبري معانا كانك ماختبرتي
والله يجعلنا كل الي فيه خير

[ahlam gha]

جيهان كﻻمك جاب العيد في نبضات قلبي قسم خرعت من الحين لكن بأذن الله لن يصيبنا اﻻ ما كتب الله لنا

والخوف من الله وحدة


عموما صبايا حاولو تكونو على الموعد وما نتأخر


ربي يكون معانا ويقدم لنا الخير

[dano.]

مرحبا
انا حابة اتواصل مع اي احد لاني للاسف ما اعرف كتير عن السنة التحضيرية
حابة استفسر ماني عارفة كيف ارسل ع الخاص او ما اقدر عشان ما عندي ولا مشاركة لاني لسة عضوة جدة
و زي ما قرات انو ممنوع ارسل ايميلي او رقمي او البن حقي
فا يا ريت قولولي كيف اتواصل معاكم
مو هنا لا اي مكان تاني
الفيس او اي شي تاني
الله يخيلكم ترودوا و فيدوني

[ahlam gha]

انا الان في الجامعة وجبت لكم الكﻻم الاكيد
المسؤولة عن التحويل قالت تحولو وتختارو التخصص وتجمع اسماء البنات الي اختارو انقلش

وترفعها لرئيسة القسم


انصح الجميع الان يجي يحول لان زحمة والفرصة ضعيفة


والاوراق المطلوبة صورة من الشهادة وصورة من الهوية مع الاصل

[ahlam gha]

مﻻحظة الاختبار مو اليوم ... احتمال بكرا او بعده

والي ما تنجح في الاختبار تختار تخصص ثاني برغبتها مو هما يحطوها على كيفهم

[جوليـــا]

احلام انا كنت هناك كمان .. بصراحة مجازفة انا ماابغى اصير منتظمة وادرس تخصص انا محبو .. حفضل انتساب انجليزي .. ان شاء خير
شكرا

[ahlam gha]

الي تقدر تروح الجامعة الحين .. تروح شؤون الطالبات قسم الانقلش
تسجل اسمها في الاختبار

وشكرا :-)