ألف مبروك لدكاترة الأسنان الجدد ... تجمع دفعة 11

[Dr~NanoOok]

تعرفوا شي ..

قبل ما أدخل الجامعة وأيام التقديم ليها , وأيامها كان الدخول مباشر للتخصصات بدون السنة التحضيرية

كنت أقول أن طب الأسنان هم الوحيدين اللي داخلين القسم برغبتهم
لأنهم أعلى مجموع وأعلى كلية

وكل اللي دخلوها , كان مفتوح قدامهم كل التخصصات والأقسام , وما حققوا رغبة أقل من اللي طلبوها

لأنه حتى الطب البشري.. كتيرين كانوا يبغوا الأسنان لكن لمعدلهم دخلوا بشري


لكن المفاجأة !!

لما سألت طلبة الأسنان عن اذا كانوا من صغرهم يبغوا ويحلموا يطلعوا دكاترة أسنان ودا التخصص

أغلبهم قالوا لأ !!!


لكن بعد خيره من ربنا , و بعد مشورة الأهل و اللي حولينهم
ربي كتبلهم دخول القسم

وكنت أكاد اجزم أنها صفة منتشرة في الأسنان :p
ولو تلاحظوا مواضيع من السنة اللي فاتت ودفعه 10
كتييييرين بيتساأوا اذا من جد دخلوا القسم الصحيح , والندم على دخوله

وأنا كمان مريت بنفس الحالة "^^
وما كان طب الأسنان هو حلمي .. لكن بعد دراستي له .. حبيييييييته !

وهنا موضوع حطيت كل شي فيه ..
شعوري و ردودي على الأعضاء .. بليز كملوا القراءة الين الردود اللي بالنهاية

http://www.skaau.com/vb/showthread.php?t=225358



وكل شي ينحب بالوقت والتعرف على شي

ونفسي أساعدكم وآخد بيدكم عشان تعرفوا طب الأسنان على حقيقته ..

حتى في سنة ثانية .. امكن ما حتحبوا الأسنان لأن أغلب المواد فيها متعلقة بالطب البشري
لكن من بعدها حتحبوه

ياليت تمروا على كل مواضيع القسم.. وأقروا مواضيع الشرح عن كل سنة الأسنان

وأهم شي.. تعالوا يلا في الموضوع دا .. خلونا نحس بحماسكم وحبكم للقسم ^_^

http://www.skaau.com/vb/showthread.php?t=420613


وأنا موجوده دايما .. وعيوني ليكم ^_^


~


يب وفي حاجة حابة أوضحها


ممكن تشوفوا قلة المتواجدين من طلبة الأسنان بالسنوات الأكبر منكم هنا بالمنتدى

لأن أغلب الدفعات بيعملوا منتدى خاص بيهم.. يحطوا فيه كل المواضيع الدراسية و غيرها
وقليييل اللي يدخل على منتدانا هنا "^^

لكن احنا موجودين.. وماشالله ناس رائعين من الدفعات اللي قبل
حنساعدكم بقد ما نقدر

[Dr~NanoOok]

المشاركة الأصلية كتبت بواسطة glamor mada ومن حظكم بصراحه انه مشرفة المنتدى هيا دكتورة نانوك الله يوفقها.. رح تحببكم في التخصص وتخليكم متعصبين عليه وهتحبوها وتدعولها :) -------------- وانا كمان زيك كنت ابغى طب .. بس كنت متردد عشان ابويا قلي اسنان احسن قمت حطيت اسنان اول شي والحمدلله انقبلت فيها .. بس دكتورة نانوك الله يسعدها حمستني وحببتني في التخصص اكثر وكان لها دور كبير في اني احبه مع اني لما انقبلت ما كنت مقتنع وماكنت مرتاح للتخصص وحتا لما بدأت دراسه ويمكن الى الآن انا شويا اميل لمواد البشري اكثر من مادة الاسنان.. بس بديت احب مواد الاسنان اكثر وحبيت التخصص ومع الوقت رح احبه اكثر ..ودحين صرت اقول الحمدلله اني اخترت هالكليه وإن شاء الله انتي كمان تصيري زيي وتحبي تخصصك اكثر من البشري :)

أسعدني والله إني قدرت أساعدك وزيادة ومحبتك لطب الأسنان ^___^

ما تتخيلوا قد ايش أفرح وأفخر لما ألاقي أحد يحب التخصص ويتكلم عنه !

وشكرًا ليك , انت ما شالله ما قصرت و بتساعد الكل و بتحببهم على الأسنان أكثر

وما عملت حاجه أبدًا
أخوتي .. ومن عيوني أساعدهم ^_^

و أنا بحاول أنقلكم جزء من التعاون اللي بيننا كل طلبة الأسنان.. بنات واولاد !
من جد والله .. الكل يتساعد ويحاول يفيد الناس اللي أصغر منهم واللي أكبر

في المعلومات و المواد والتجميعات .. وبالنسبالنا في سنة رابع وخامس وسادس بالعيادات
نتساعد في توفير المرضى والحالات اللي نحتاجها

نوتز و تلخيصات وأشياء مفيدة.. نجمعها من كل سنة .. عشان نفيد نفسنا وغيرنا من بعدنا


وانتوا هنا لاكمال المسيرة المسرفة لطلبة الأسنان باذن الله
=)

[UNIQUE ....]

كم أنتي رااائعة يا د. نانوك
بصراحة أشكرك من أعماق قلبي على جهودك الجبارة والمتواصة
والتي أستفدت منها أنا شخصياً ..
حفظك الله ورعاك
تحياتي

[~RAN~]

شكرا جزيلا د.نانووك
من اول ماعرفت اني طب اسنان جلست اقرأ مواضيعك وردودك وبدات احبه والله
الله يوفقك ياااااااارب =)

[Dr~NanoOok]

Unique

مشكوور على كلامك ودعواتك ^_^
لك بمثلها وأعلى يارب

وانت مثل اسمك ماشالله.. متميز في مساعدتك لغيرك
وردود الأعضاء هنا دليل على كده

ويلا همتك ويدك ومعانا في القسم


--------

dr.Ran


العفوو عزيزتي ^_^
وأنا حبيت تحمسك للتخصص
ربي يوفقنا جميعا

[ABADI14]

سلام عليكم الحمدلله رب العالمين بتوفيق من الله انقبلت بطب الاسنان مع انو زي ما قالت Dr~NanoOok الرغبة ما جات الا بعد ما دخلت السنة التحضيريه والحمدلله وعلى كلامكم طمنتوني اكثر وإن شاء الله ما اندم على شئ لاني ما اخترته الا بعد استخاره واستشاره واشكرك Unique على المجهود وكمان Dr~NanoOok وعندي استفسار كمان <<<< بتعبكم معايا
متى المقابله الشخصيه وهل فيه دورات الزاميه ولا اختياريه ومشكور مقدما

[shosho0o]

المشاركة الأصلية كتبت بواسطة abadi14 سلام عليكم الحمدلله رب العالمين بتوفيق من الله انقبلت بطب الاسنان مع انو زي ما قالت dr~nanoook الرغبة ما جات الا بعد ما دخلت السنة التحضيريه والحمدلله وعلى كلامكم طمنتوني اكثر وإن شاء الله ما اندم على شئ لاني ما اخترته الا بعد استخاره واستشاره واشكرك unique على المجهود وكمان dr~nanoook وعندي استفسار كمان <<<< بتعبكم معايا متى المقابله الشخصيه وهل فيه دورات الزاميه ولا اختياريه ومشكور مقدما

مبرووووووك لكل اللي انقبلوا طب أسنان و إن شاء الله ربي يوفقكم و تحبوا التخصص اكتر و اكتر،،،،،،، بخصوص المقابله الشخصيه ما في بس في دورات اختياريه تعملها الجامعه و دوره تعملها الدفعات السابقه لكل اللي انقبلوا في التخصصات الطبيه سجلوا فيها لانها مفيده ..

[M!Šs JỏJỏ]

المشاركة الأصلية كتبت بواسطة shosho0o مبرووووووك لكل اللي انقبلوا طب أسنان و إن شاء الله ربي يوفقكم و تحبوا التخصص اكتر و اكتر،،،،،،، بخصوص المقابله الشخصيه ما في بس في دورات اختياريه تعملها الجامعه و دوره تعملها الدفعات السابقه لكل اللي انقبلوا في التخصصات الطبيه سجلوا فيها لانها مفيده ..

الله يبارك فيكي يا عسل

طيب متى حتكون الدورات ؟ وكيف نسجل فيها ؟؟
جزاك الله خير :)

[baderz]

الف مبروووووووووك لكل اللي انقبلو تستاهلووون والله الحمدلله والشكر لله

انا للحين مني مصدق اني انقبلت

ويارب نتوفق في الكلية ونكون احسن دكاترة ان شاء الله

ويعطيك العافيه دكتور unique على الموضوع

[roosh]

المشاركة الأصلية كتبت بواسطة baderz الف مبروووووووووك لكل اللي انقبلو تستاهلووون والله الحمدلله والشكر لله انا للحين مني مصدق اني انقبلت ويارب نتوفق في الكلية ونكون احسن دكاترة ان شاء الله ويعطيك العافيه دكتور unique على الموضوع

+1.
وكمان شكرا ل dr~ nano0ok