ll حياكم الله ..هنا للإجابه على أسئلتكم أحلى دفعه ll med 12

[JuStice]

طيب سؤال عالسريع أش أفضل محل لبيع الشكربز و اللاب كوت و أسعارهم و موقع المحل » نبغى محل أقمشته كويسة يعني مرتبة

.

بعد إذن صاحبة الموضوع

بالنسبة للسكرب فيه محلين ممتازين.. الأول اسمه "المظهر الطبي" في سوق دانية بـ شارع حراء,

وسعر السكرب عنده السنة الماضية كان 238 ريال.. يمكن الآن يكون زاد أو قل, والبالطو عنده كان زمان بـ 140, لكن اشتريته قبل أسبوعين بـ 105.

المحل التاني اسمه "الأقمشة الخالدة" أو "Timeless" في شارع صاري قبل تقاطعه مع طريق المدينة وجنب ركن جحا.. يعني لو الواحد ماشي في طريق صاري ودوار الفلك خلفه

ومتجه نحو تقاطع صاري مع طريق المدينة راح يكون المحل عـ اليمين. بالنسبة للأقمشة الخالدة جربته مرة وحدة وكان جيد وأسعاره أرخص لكني أفضل المظهر الطبي عليه.

وأسعار الأقمشة الخالدة زمان كانت 100 ريال للسكرب وكان وقتها مسوي عرض تشتري 2 سكرب بـ 200 والثالث مجانًا (:

المحلين دي تبيع جاهز مافي تفصيل.. وفيه محلات تانية بـ شارع باخشب فيه تفصيل لكن ما جربتها.

.

[بنوته لزوزة]

المشاركة الأصلية كتبت بواسطة بشائر الفرح =) هههههه فعلاً الشعور يكون مختلف تماماً .. بس إنتوا تستاهلوا صراحه :) والحمد لله ربي فرحكم وأعطاكم اللي تتمنون يارب لك الحمد , بالنسبه للموازي فأبداً أبداً مافي أي اختلاف صدقيني , اللهم ما يأخذوا مكافاه فقط نفس الكلاس ونفس الدراسه ونفس كل شيييييييء مافي أي اختلاف بين الموازي والإنتظام غير المكافأه .. قولي للدكتوره لا تفكر إنه موازي وتزعل بالعكس تفكر إنها طبيبه وتفرح وتقدر إن شاء الله إذا شدت حيلها ورفعت معدلها وجابت الأولى ع دفعة الموازي تتحول للإنتظام > لإن غالباً التحويل يكون صعب .. و إن شاء الله ف الإمتياز حينزل لها راتب زي كل الطالبات فلا تشيل هم أبداً الموضوع أبسط مماتتخيل .. اي والله مبروك لكم افرححححححوا بأنفسكم إنتوا حاجه خطيره الله يحفظكم عفواً عفواً هذا واجبنا وما أبغى أسمع كلمة شكراً مرا ثانيه ههههههه مفهوم ! >

الله يسعدك يادكتورة و بإذن الله نكون على قد المسؤولية ..
انا سمعت انو في مواد الثقافة والعربي اتوقع او حاجة كدا تكون كلاسات الموازي مو معانا !
و كمان بالنسبة للتحويل لازم تكون الأولى فقط على دفعة الموازي مو على كل دفعة الطب صح ؟
وآممم تقريبا كم يكون عدد طالبات الموازي ؟


* ممكن تورينا صورة للجدول

حالفة مااطلع من الموضوع بدون مااسأل أو اطلب و دي المرة محا اقول شكرا بس بجد يعطيكي العافية حبيبتي ..

[بشائر الفرح =)]

المشاركة الأصلية كتبت بواسطة بنوته لزوزة الله يسعدك يادكتورة و بإذن الله نكون على قد المسؤولية .. انا سمعت انو في مواد الشريعة اتوقع او حاجة كدا تكون كلاسات الموازي مو معانا ! و كمان بالنسبة للتحويل لازم تكون الأولى فقط على دفعة الموازي مو على كل دفعة الطب صح ؟ وآممم تقريبا كم يكون عدد طالبات الموازي ؟ * ممكن تورينا صورة للجدول حالفة مااطلع من الموضوع بدون مااسأل أو اطلب و دي المرة محا اقول شكرا بس بجد يعطيكي العافية حبيبتي ..

أهلاً دكتوره ,

ايوا دفعة ميد 10 كان عندهم حكاية الفصل بين طالبات الموازي والإنتظام ف الثقافه والعربي
بس على دفعتنا ماعمرهم فصلوا بين الموازي والإنتظام ف المحاضرات .. بس كانوا أيام الإختبارات ومو دايماً يختبروا الموازي لحال والإنتظام لحال مع إن الأسئله وحده ,, عشان تقدري تقولي الموازي لهم كشف أسماء خاص بهم فيختبروهم لوحدهم !

اللي أعرفه إن أول طالبه على دفعة الموازي يحولوها إنتظام > يعني اللي تشد حيلها تقدر تحول إن شاء الله وفي بنات حولوا من موازي لإنتظام , هو شيء مقدور عليه بحول الله مع الإجتهاد القوي جداً ومو شرط ف سنه ثانيه بس .. في أي سنه تحقق الأولى يحولوها مباشره ..

> تقريباً عدد طالبات الموازي حوالي 45 طالبه أكثر أو أقل شويه

بالنسبه لصورة الجدول :
تفضلي واستمتعي :)
جدول الترم الأول - med 10

هههه ي هلا فييييييييييك والله دايماً تعالي
الله يعافيكك ويخليك , ويوفق صحبتك ويفتح ع قلبها :)

[ζ ـــږۉف الـتـ’ـمـيـــزْ]

جيت وعندي سؤال xd

اللحين المصطلحات الطبية
اللي في الدوره نحفظها بتعاريفها؟! والا بس نعرف كيف تقسيمها ؟؟؟؟!!!!!

[maryam.n]

يعطيكي العافية د.بشاير و JuStice

بس د. بشاير تراني ما فهمت الجدول

[Miss.JA]

بششآير يعطيك العافيه جد ساعدتينا كثير + دفعة 11 - متابعه الردود :p -

وشكرًا لك لوضع الموضوع هذا .. سسؤال واحد المقابله حتكون بالانجلش ولا عربي ؟ :p

[Miss.JA]

A . Y . J
نآيسس التصمييم ماششاءالله بجد ححلو .. نقدر نستعيره ؟؟

[Abdullah Al-juhani]

المشاركة الأصلية كتبت بواسطة miss.ja a . Y . J نآيسس التصمييم ماششاءالله بجد ححلو .. نقدر نستعيره ؟؟

أكيد
هذا منكم واليكم
طلاب دفعة واحدة ما يحتاج استئذان

[د.هيما السلمي]

المشاركة الأصلية كتبت بواسطة miss.ja بششآير يعطيك العافيه جد ساعدتينا كثير + دفعة 11 - متابعه الردود :p - وشكرًا لك لوضع الموضوع هذا .. سسؤال واحد المقابله حتكون بالانجلش ولا عربي ؟ :p

مقابلتنا كانت بالعربي .. و ان شاء الله اسئل و ارد ..

[M!SS Lara]

مرة شكرا ع الموضوع الله يسعدك يابشائر الفرح اجاباتك واضحة شافية الله يجعله بموازين حسناتك ..
استفدت من الاسألة والاجوبة ..


بس سمعت انو في دورة الاسبوع الجاي .. فبأي يوم حيكون ؟