بدأ تسجيل الماجستير - مشاكل التسجيل -

[* أرجوان *]

السلام عليكم يا حماعة :)
كونفيشكا معليش ما أقدر أساعدك :)

يا جماعة أحد جرب يرسل الاستمارة؟؟
أنا لما عبيت كل البيانات وضغطت (إرسال) طلعت لي صفحة مكتوب فيها بالأحمر (الطالب موجود مسبقاً) مع اني ما عمري سجلت!!!
ايش صار معاكم؟أحد ضبطت معاه؟أحد طلع له رقم ترشيح؟؟

[أ.أم سارة]

طيب اللي ماعنده توفل ايش يعمل؟؟؟؟

[بسنت]

وانا اسأل نفس السؤال يا ام ساره
الي ما عنده توفل وش يسوي؟؟؟؟؟؟!!!!

وبخصوص النسبه (لكليات التربيه) كيف نحسب النسبه بالكسر
يعني فرضنا النسبه 81،86%
والمعدل من 5 في الكليه بس ما طلعت معاي لاني ما عرفت لها بالكسر
ارجووووو الرد

[moonlightshadow]

سلام عليكم

يا جماعه با لنسبه لسؤال عن سنه التخرج , في الشهاده مكتوب

للعام الجامعي 1428-1429
تم منح الدرجه ... الخ اعام 1428
بتاريخ 29-5-1429

طيب و الان وش العام الى مفروض اكتبه

و سؤال ثاني

انا امتحنت التوفل الانترنت , احط علامتها او مايعادلها؟

و سؤال ثالث, العنوان هو ال p.o.box صح؟
موفقين

سلام عليكم

[كونفيشكـا]

أختي اعتقد آخر عام مكتوب بالشهادة يعني عام 29 وربي يوفقك ويوفقنا جميعًا ..
أما بالنسبة للاستفسار عن سؤال التوفل أنا ما عندي خبره فيه وماني عارفه ايش اكتب بالخانات تبع الاختبار لأني راح اكتب تعهد فيما بعد...
موفقين الجميع

[* أرجوان *]

أنا كمان اختبرت توفل الانترنت بس كتبت الدرجة اللي تعادلها
مني متأكدة بصراحة بس أخاف إني أكتب درجة الـ iBT ويحسبونها ناقصة مرة
كتبت الدرجة اللي تعادلها وقلت لما أروح لهم أوريهم إنها تعادل درجتي
بس تأكدي أحسن،أنا لسا ما أرسلت الاستمارة :)

[moonlightshadow]

السلام عليكم

جزاكم الله خير

انا حروح الجامعه اسأل بنفسي اذا.
ليش الاستعجال , صح و لا لأ؟ عندنا شهر!

سلام عليكم

[كونفيشكـا]

بالتوفيق يارب للجميع أنا راح أروح الجامعة بكره وحسألهم عن التعهد كيف طريقته ..
وإن شاءالله راح أرد عليكم..
أي استفسار أنا مستعده ؛ لأني رايحه على الجامعه..

[يمامة سلام]

بخصوص العام الجامعي اتوقع الاخير لانو هو تاريخ التخرج وتاريخ منح الشهادة..
بالنسبة لي حكتب الأخير ويارب تتيسر لنا مسألة تعبئة الاستمارة
لأن مادري ايش نكتب في خانة التوفل..


بنات عندي استفسار
اذا عبيت الاستمارة وطبعتها أرسلها على طول للجامعة ( انا من خارج جده)

واذا حرسلها ايش الأوارق اللي ارسل معها؟؟

[أطمح للماجستير]

يا بنااات بالنسبه للي ما طلعت درجتها بالتوفل تحط أقل درجه ممكن انها تمشيييها < أسوأ الإحتمالات

يعني مثلا 400 < خليها تنقص عن درجتك الحقيقيه ولا تزيد ..


اسألوا لنا الله يسعدكم عن اللي ما عنده توفل أو حيعيد التوفل ..؟!

واسألوا كمان عن اللي بقي له ع التخرج شهرين ويبغى يسجل ماستر يقبلونه لا لا ؟!!