تقيمي للدكاتره اللي درسووووني

[آخت ـآلقمر.!!]

السسلآم عليكم ورحمه الله وبركاته

مها الذيابي انقلش
تجنن وتساااعد الله يسعدها

نجلاء الياز درستني تحضيري والحين تدرسني كمياء حيوي
تجنن وشرحها حلو وتساعد وتتفهم ضرووفك ومرره طيووبه

زينه درستني احياء تحضري شديده بس ماتساعد بس شرحها حلو مررره

اسمهان المصريه شرح عدم تساعدك تعطي درجات وماتصحح

نور باسودان شرح عدم بس على حسب البنات الي تدرسهم اذ كنتو معاها اوك تساعدكم باي شئ

حواء هوسااوي ثقاافه تجنن وتسااعد ربي يخليها يارب

ساميه منديلي عربي1 الله يساامحها شديده مره واسئلها مرره صعبه والله يعين الي معاها

وبس
=)

[البنت السعوديه]

واما انا فادرستني في الانقلش وحده لقبها السلمي مرررررررررره طيوبه وتساعد والكيمياء خيريه الله يسعدها إن شاء الله تساعد وبقوه والاحياء وحده مصريه عسل بمعني الكلمه ماذكر اسمها بس كانت محجبه وتلبس نظارات بس هذولا اللي اتذكرهم الحين وإن شاء الله اذا تذكرت الباقي اكتبه

[bntjnan]

طيب هند الزهراني حقت الوراثه ؟؟
و آمال عباس البيولوجيا
و اريج عبدالله العربي
افنان الذيباني الثقافة
كيف هدولا ؟؟

[قلب آبكم]

اممممم موضوع مررره رائع

عجبني


وعجبتني ردودكم


اممممم

ببداء بالراس الكبير


فاطمه سالم باهبري
اخلاق وذوق وتراعي مررره لظروف البنات واسالها حلوه ومتنوعه وطيووووبه لدرجه انا استغربت منها ا

هدى شحاته
لبى قلبها سافرت مصر خلاس بس كانت عسسسسسسسسسسسسسسسسل اتعب وانا اقول عسسسسل وطيبه مو طبيعيه

فتحيه سرور
البنات كانو يشتكو منها مررره تصعب المنهج وتدخل كل شي بس الحمد لله مشيت عندها

رضيه باحارث
الحمد لله ماطحت بيدها والله صحباتي كانو يبكو منها بالشرح والاختبارات بس اسلوبها راقي جدا


صفيه دكتورة النوويه
الله يسعدها ويوفقها وين ماتروح ذكيه ذكاء ماشاء الله غير كذا بالاختبارات تنزل لمستوى البنات وتحط اسئله سهله بالترمين اخذت ممتاز عندها


طبعا الشبكات حدث ولاحرج هههههههههههههههههههه نووووووم وهبقات بس كنا ننجح


فتحيه فقيها

طيبه اتذكر بحفله التخرج جلست تبكي بس عصبيه


هذولي اللي اتذكرهم نسيت >> تحك مخها


يسلمو عالموضوع

[دايخة في كلية بايخة]

الحين بأتكلم عن اللي درسوني مواد عامة ..

د/وجنات شحاتة ...
درستني تنمية مهارات التفكير ..المادة اصلا مررررره حلوة ..وكانت طريقة شرحها جدا مفهومة....واغلبنا جبنا ممتاز عندها ..

د/نايلة جمبي..
درستني علم نفس ...كانت تقرا الكتاب كله ..بس في النهاية تحذف اشياء كثيرة ...واسئلتها مرررررررررره سهلة ...

د/سلوى منديلي..
درستني لغه عربيه 1+2....كان شرحها مره حلو وطيوبه ..حتى جبت عندها ممتاز...بس استغرب بعض البنات في المنتدى يشتكو منها ...يمكن يقصدو وحده ثانية (الله اعلم)

د/تهاني البيز ..
درستني مهارات اتصال ..المادة هذي مفروض بالعربي ..بس هيا قالت عشان احنا انقليش فعطتنا اياها بالانقليزي..بصراحه يعجبني شرحها ...انسانه واثقه من نفسها جدا ..اسئلتها ماتخرج عن اللي قالته في المحاضرة ..

د/سامية المفتاح..
درستني مبادئ ادارة عامه ..شرحها حلو ..بس ماتحذف ولا شي وصار المنهج صعب علينا ...حتى اسئلتها في النهائي مش ولابد..بس عموما هي من النوع من الاستاذات اللي تبغاكي تستفيدي من الماده ..يعني تحاول تعطيكي كل المعلومات اللي تعرفها ...

د/فوزية خياط ..
درستني ثقافة اسلامية ...استاذه رائعة بمعنى الكلمة ...غيرت فيني اشياء كثيرة ..وكل محاضره اخرج منها احسني اتقرب من الله اكثر..اسئلتها جدا سهله ..ولو اقعد من هنا الى بكرة ماراح اوفيها حقها ...اللي اقدر اقوله (الله يوفقها ..ياررررررررب)..

د/أماني المالكي ..
درستني قرآن كريم ..جدا رائعة ومتفاهمة ..بس ماتحب الطالبة البطالة ..

وإن شاء الله اذا اتذكرت البقية اكتبهم ....

[اسير الذكريات]

هلا بنوتات كيفكم انا ابغى اسأل عن أسئله د/ليلى حمدي باين من شرحها ان اسئلتها دقيقه

[د. كنوز]

د. ليلى درستني سنة أولى أعتقد بصراحة ممتااااااااازة ماشاء الله عليها

بس أسئلتها والله ما أذكر

بس بصفة عامة أي مادة مهما كانت صعوبتها و من تجربتي

توكلي تمام التوكل على الله
و خلي ثقتك به سبحانه كبيرة
حافظي على الصلاة و طاعة الوالدين و ابتعدي عن كل شيء يغضب رب العالمين

و ذاكري ذاكري ذاكري تماااااااااااااااام

و إن شاء الله تكون درجاتك مثل ماتتمني و أحسن

بالتوفيق ^_^

[نبراااس الهدى]

1/ عائشة بابصيل درستني ( علم اللغه + علم المعاجم )قد ما تقدم الطالبه لها تعطيها اسالتها سهله للي يذاكر اول باول اخلاقها حلوه جداً شرحها روعه2/ عائشة المطيري أخلاقها حلوه أسالتها سهله3/ فايزه الحربيالحمدلله على العافيه4/ خيريهاخلااااااااااااق اسالتها دقيقه جداً شرحها روعه5/ محمد السنكري يعصب كثير اسالته قليله بس سهله شرحه عادي6/ بسيوني اخلاق يحب ينجح بس اهم شي حاولي تقدمين له انشطه اسالته بين الصعب والسهل7/ هشام سلطان اخلاق يسهل المنهج فوق ما هو سهل واسالته تجنن الله يوفقه8/ أحمد حديدي نفس مرحه بين السهل والصعب9/ مزنه الحمدلله على العافيه10/ حواء هوساوي ان شاء الله تكون كويسه هي ذلحين تدرسني11/ سلوى منديلي كلامها كثير وكله من الكتاب واسالتها سهله12/ حنان بياري اخلااااق متساعده شرحها حلو اسالتها بين السهل والوسط13/ عاليه العتيبي تساعد حيل بس محاضرتها ممله14/ فتحيه بدير اسالتها سهله بس انتبهي من تصرفاتك معاها لان احياناً تفهمها خطأ15/ فاطمه المرواني يااااحبي لها الله يوفقها وين ماراحت16/ أبتسام عنبري كلمة روعه قليله بحقها17/ حنان الغامدي اسالتها بين السهل والصعب اخلاق

[أميرة الذوووق]

د/افراج ربي يسعدها ويكثر من امثالها روووعه وربي بكل شي وذوق وشخصيه احب شخصيتها ماره ان شاء الله اكون مثلها مثاليه والله في كل شي سواء في الشرح او التعامل مع الطلبات ربي يوفقها ويحقق اللي تتمناه ويكثر من امثالها
كذا الدكاتره ولا بلاش
أ /خيريه الشهابي
تجنن حلو شرحها بس موادها كثير المنهج مااره دايم اكثر منهج دايم يكون هي تدرسه بس حلو اسلوبها وتعاملها مع الطلبات احسها مثل اخت لنا
د/دليل
مو عارفه بس احسها اخوووف والبنات بعد يخافو منها ويقولو اسئلتها صعبه ماره غير اللي تقوله وغير الكتاب <<نروح نخترع مثلا
احس الماده بنفسها صعبه وهي الله يسعدها تصعبه زياده انا هذا كله سمعته من البنات اللي قبل وهي بعد تقول انا شرحي غير الكتاب وانا بصراحه مقهوره ابغى درجات حلوه ويقولو ثلاث ارباع الدفعه ناجحين بمقبول <<ليش تصعيب المواد وش تستفيد

ا/افراح

حبووووووووبه وربي ماااره وطيوبه وشرحها ماره حلو واحب تعاملها ذوق مع البنات بس تقهرني بشغله لما تضغط علينا بالشرح تقول اللي مو عاجبه يجلس بالبيت بس انقهررر من هالجمله نحن بشر والله ونعتب ليش ندرس علشان نتعلم ونرفع راس بلدنا مو نجلس بالبيت <<ماتحب كلام التحطيم
والله نتاثر باي كلمه يقولوها لنا لازم تشجيع لنا علشان نشد

[عفواً نيوتن أنا الجاذبية]

السلام عليكم

اول شي حابه اشكر كل استاذاتي اللي درسوني لانه كل وحده تركت بصمه في حياتي او تركت انطباع جميل عن شخصيتها ,,,
د. أسماء السويلم ,,درستني عقيده وكمان فرق واديان الله يسعدها يارب هذه الاستاذه قمة صراحه في الأخلاق واسلوبها جداً رائع في المحاضرات بصراحة ماتملي منها بس تطالب بواجبات كثيره تقريبا كل محاضره تعطيك وكمان أسئلتها على قد مانتي فاهمه وحافظه تحلي اما اذا من النوع اللي يلعب معها مستحيل تنجحي .
أ. اماني بنجر,, درستني علوم حديث وثقافه اسلاميه 3 بصراحه تجنن محاضرتها ممتعه وماتطول وتعطيك المختصر من المحاضره واسئلتها حلوه بس من النوع اللي تجيب مقالي وموضوعي .
د. سامية حنبظاظه ,, درستني فقه معاملات ومبادئ قانون بصراحه ذي الاستاذه كلامها كثير ومحاضراتها ممله بس في النهايه تعطي درجااات واسئلتها مره سهله وتحذف كثيير .

ولي عوده ان شاء الله اكمل استاذاتي لانهم ماشاء الله اللي مروا علي كثير