سؤال عن طريقة أسئلة القبول لماجستير احصاء(عنوان مخالف تم تعديله)

[ام عمر]

كيف حالكم يابنات مع المذاكرة اختي دلوعة غير ايش سويتي في المذاكرة

أنا بصراحة لاقية صعوبة كبيرة في كتاب الإستدلال الإحصائي والله عقّدني في المذاكرة تعبت منه وبعدين لما خلصت الكتاب ورجعت أراجع كأني ماذاكرت والله ماني عارفة أيش راح أعمل ، الكتب اللي محددينها مرة دسمة وكثير كلها نختبر فيها في يوم واحد الله المستعان وربنا يوفقنا جميعاً اللهم آمين .

وانا ماعرفت أي شيء عن موضوع طريقة أسئلة الإختبار مالقيت أي إفادة والحمد لله ربنا يوفقنا وبس اللهم أغننا بفضلك عمّن سواك ولا تحوجنا لأحد يارب .

[دلوعه غير]

انا ملخبطه كمان كتير في المذاكره...

اللي اعرفه انه الاسئلة حل ،، والتعريفات اذا كانت حتجي حتكون اختياري
بس ياريت لو وحده قد اختبرت ماستر تدينا خبر

يااااااااااااااااااارب سهلنا وننقبل

[gees]

انتو خريجات قسم الاحصاء طيب انحنا ايش حالنا كليات التربية كورسين فقط في الاحصاء ومعطينا مراجع تخرج العيون..............

من شاف مصيبة غيرة تهون عليه مصيبته

[دلوعه غير]

الله يسهل للجميع ياااااااااااااااارب

[ام عمر]

اختي العزيزة دلوعة غير

هل أسئلة الإختبار باللغة الإنجليزية أو بالعربي ياريت اذا عنك افادة تفيديني وجزاك الله خير

الله يوفقنا جميعاً ويسهل علينا يارب .

[دلوعه غير]

الاختبار حيكون بالانجلش

الله يسهل علينا ياااااااارب وعلى كل المقدمين ...

[ام عمر]

دلوعة غير كيف سويتي في الإختبار ؟ انت تخصصك احصاء ومقدمة على ماجستير احصاء ؟

طيب انا حابة اسال عن الإختبار الشفوي ياريت تساعديني أيش الكتب اللي نذاكرها وإيش بالضبط نركز عليه في المذاكرة؟

وهل يختبرونا الشفوي بالإنجليزي واللا لأ ؟

ياريت تساعديني لأنه والله انقهرت كتاب مقدمة في طرق المعاينة الإحصائية ماجابوا منه في الإختبار ولاشيء يعني ذاكرته على الفاضي وماني عارفة ايش أذاكر علشان الإختبار الشفوي ياريت توضحيلي والله يوفقنا جميعاً يارب .


والله اني خايفة ما أنقبل لأني لخبطت شوية في الإختبار التحريري وأبغ أحاول في الإختبار الشفوي هو فرصتي الوحيدة فياريت تقوليلي على أي معلومة تعرفيها

[gees]

صبيا فيه اخبار القبول وعن موعد المقابله,,,,,

[دلوعه غير]

المشاركة الأصلية كتبت بواسطة ام عمر دلوعة غير كيف سويتي في الإختبار ؟ انت تخصصك احصاء ومقدمة على ماجستير احصاء ؟ طيب انا حابة اسال عن الإختبار الشفوي ياريت تساعديني أيش الكتب اللي نذاكرها وإيش بالضبط نركز عليه في المذاكرة؟ وهل يختبرونا الشفوي بالإنجليزي واللا لأ ؟ ياريت تساعديني لأنه والله انقهرت كتاب مقدمة في طرق المعاينة الإحصائية ماجابوا منه في الإختبار ولاشيء يعني ذاكرته على الفاضي وماني عارفة ايش أذاكر علشان الإختبار الشفوي ياريت توضحيلي والله يوفقنا جميعاً يارب . والله اني خايفة ما أنقبل لأني لخبطت شوية في الإختبار التحريري وأبغ أحاول في الإختبار الشفوي هو فرصتي الوحيدة فياريت تقوليلي على أي معلومة تعرفيها

ايوا انا تخصصي احصاء ومقدمه ماستر احصاء

بس والله ما اعررررررف ولا شي عن الامتحان الشفوي ولا حتى سالت
بس الي اعرفو انو بس الي يعدي الامتحان التحريري يدخل الشفوي
بس الى الان مافي لاحس ولا خبر...

بس ياريت الا تعرف الامتحان الشفوي كيف حيكون بالزبط يدينا خبر؟
يعني اسئلة عامه والا في التخصص؟؟

وانا اذا عرفت شي حديكي خبر ان شاء الله..

يااااااااااارب ننقبل :)

[ام عمر]

دلوعة غير أنا سمعتهم يوقولوا انه الكل يجي الإختبار الشفوي ( الدكتورة المصرية اللي كانت مراقبة علينا في الإختبار ) قالت الدكتورة أكثر من مرّة انه كلنا اللي اختبرنا احصاء ماجستير نجي علشان نختبر شفوي والموعد حاطينه في موقع الكليات وتدخلي كلية العلوم وبعدين تضغطي قسم احصاء شطر الطالبات حتلاقي في الشريط اللي يمشي سريع انه الإختبار الشفوي لماجستير احصاء يوم 6\2 يعني الثلاثاء بإذن الله .