وضع الماجستير لغير السعوديين ??

[طموح حالمة]

رررررررردو الله يخليكم

[فوفوووو]

مساء الخير على الجميع مشكور د.عماد والله والله يسعدك ويوفقك دنيا واخرة
بس حبيت اقولكم انا رحت بنفسي للجامعه القبول والتسجيل وسألت عن المنح والخطوات الازمه للتقديم
قالولي لازم المعدل يكون عالى امتياز + درجتك في القدرات وبعدين يتم المفاضله بيننا وبين الطالبات السعوديات اذا اجتزنا المفاضله نتقبل في الجامعه وتترفع اوراقنا للوزارة من خلالهم للموافقه واذا وافقوا علينا تتصل علينا الجامعه لنبدء الدراسه
وبالنسبه لشهاده الانجليزي موضروري الان لانها ما تتخل في المفاضله بس لمن سالتها طيب لمن اعبي الاستمارة مو لازم احط درجه الاستيب قالت اذا ما اجتزتيه في بند اسمه لم تتحقق اختاريه بس بعد الموافقه عليك لازم تدخلى دورة بديله مع الدراسه قيمتها 2000 ريال وإن شاء الله تكون صادقه بصراحه صرت اخاف من مصدقيتهم لان بعضهم بيجتهدوا من نفسهم وانتي تروحي فيها لان صارت ليه قبل كده
واتذكرت شي كمان سالت هل ارفع خطاب لمدير الجامعه اول قالت ليه لا نحنا الى نرفغه لمن تجتازي المفاضله
وإن شاء الله اكون افدتكم والله يوفقني ويوفقكم
بس للاسف نسيت اتاكد من حكايه دي ابو 500 توفل وام 84 ستب هل ينطبق علينا الدورة البديله اولازم نجيب الدرجه بس انا متذكر اني كررت عليها السوال اذا ما اجتزت يتاثر على المفاضله قالت لا اصلا ما تتدخل في المفاضله
بس اذا ممكن د. عماد يرد علينا بالخبر اليقين والله يسعدك ويوفقك لما فيه خير للجميع
لاني احس في تعارض بين كلامها وكلام الى في المنتدي كيف نتاكد اتمني احد يرد عليا من فين مصدر معلوماتهم وانا مستعده اروح الجامعه السبت او الاحد واتاكد ثاني ونطمئن كلنا اننا ماشيت صح والله يوفقكم

[غدا نلتقي]

أنا قدمت أوراقي لمدير الجامعة واتبعت الخطوات اللي قال عليها الأستاذ عماد
وتحولت المعاملة إلى عمادة الدراسات شطر الطالبات ولمن رحت قالوا نفس كلامك واللي قالت لي مديرة القبول الدكتورة أوالاستاذة/هند الجفري

عموما التقديم لغير السعوديين سيفتح يوم السبت 11/1 حسب تقويم العمادة
نحن نعمل بالأسباب والله الموفق

[ryhanah]

شكرا الك شواطئ البحر

د. عماد الحمد لله رفعت اوراقي لكن معدلي جيد جدا مرتفع ما ادري ينفع او لا ؟! لكن كل شي ممكن بامر الله وبفضله

غذا نلتقي ايش قصدك قالو نفس الكلام انو ننتظر على الملف الين ما يرجع تان للمدير صح

مهما كانت الدرجة ومهما تاخرنا كل شئ بكون بامر الله ولكن هذه اسباب احنا بنسويها و بصراحة ياريتني عرفت الطريقة من زمان لانو لياااا متخرجة سنتين ونص وانا ضايعه الحمد لله

[فوفوووو]

الله يوفقك ويسخر لك الى يسهل امورك
اذا ممكن تشرح لي بالتفصيل الممل المستندات المطلوبه والخطوات للتقديم لمدير الجامعه الله يسعدك قبل مايفوت الوقت
على الرغم من اني سالتهم على التقديم في دا الشهر قالولي دا فقط للابتعاث للخارج فقط والله يسامحهم

[غدا نلتقي]

قالوا لي ماكان لازم ترفعي خطاب لمدير الجامعة
تقدمي أول عن طريق النت وبعدين إذا جاكي قبول احنا نقدم لك على المنحة

لكن أبغى أسألكم
في التقويم مكتوب التقديم 11/1/1432هـ
وفي شروط قبول غير السعوديين مكتوب2011

يعني متى؟؟

[ryhanah]

فوفوووو تلاقي كل المطلوب بهادي الموضوعين :
http://www.skaau.com/vb/showthread.php?t=236178

http://www.skaau.com/vb/showthread.php?t=193758


غدا نلتقي انا قرات في شروط قبول غير السعودين التقديم بشهر يوليو 2011 يعني شهر واحد الجاي
بس المشكلة انا التوفل مو 500 لو بقدم بالموقع ...

على كل الله يسعدك اذا ردولك خبر عن المنحة الي قدمتيها برفض او قبول ياريت تخبرينا ...

[طموح حالمة]

ريحانة

كيف التقديم من الموقع ؟؟
بدأ ولا لسى؟

[ryhanah]

التقديم من خلال الموقع لغير السعوديين بفتح بشهر يوليو يعني شهر واحد 2011 ان شاء الله

[فوفوووو]

مشكور د. عماد والله يوفقك لما فيه خير لك و خير للجميع واذا ممكن انا ارسلت خطاب لمدير الجامعه اول الشهر الماضي وعمل ليه رربلي يرد فيه عليه انه اطلع عليه وفي نفس الوقت جاني رد من وكيله الدراسات العيا اني اراجعهم اول الشهر القادم الى هو شهر محرم ولمن رحت قالولي نفس الكلام الى سبق وذكرته شهر 3 رايك هل ارسل اوراقي للمدير ذي ما ذكرت افضل اعتذر منك دوشناك

مشكورة ريحانه على الاخبار بس اذا ممكن اتاكد تقصدي شهر ينايرالشهر الجاي ميلادي اويوليو
واذا ممكن بعد اذنك دلحين انتي لمن قدمتي اوراقي للمدير ايش كان الرد بس اخذوا اوراقك او اعطوكي رقم للمعامله تتابعيها بالضبظ اايش صار معاكي من اول ما دخلت اوراقي لمكتب المديروهل اطبع درجه القدرات واضيفها للاوارق او لا
بس حبيت اقولك شغله صارت معايا فبل سنتين قدمت اورقي بنفس الطريقه من قسم البنين واترفعت اورقي للمدير واجتزت الاختبارات وتم قبولي من الجامعه قبول تام بس باقي يروح ملفي لعماده القبول عند هند الجفري وتسجل اسمي في المنح الى راح ترفع للوزارة وقبول الوزارة يتبع قبول الجامعه المهم بلغني عميد الدراسات اني اروح لها علشان تدرج اسمي في المنح الين ما يوصل لها ملفي طبعا ما رضيت الين ما يجي الملف
المهم طلبتها بذوق انها تكلم العميد علشان اعرف راسي من رجولي وبالفعل اتصلت عليه رد عليها وقالت ليه انتظري برة المهم قالها ادرجي اسمها لان جاءها قبول تام من الجامعه وخلاص طلعولها الجدول علشان مايفوتها الدراسه لان الوزارة راح تقبلها طالما الجامعه موافقه وراح ارسل لك الملف 00ردت عليه وقالت له طيب انت منت شايف انوا اولى السعودين من الاجانب والله العظيم كنت باطيح من طولي وتصوري طول فترة التقديم على مر السنتين كانت كل ماتشوفني اراجع رايحه جايه عليها تقولي الله يوفقك ومايضيع تعبك يابنتي انت تعبتي ااااااه وربي بركان جوايا كل مااتذكرها الله لايسامحها0000 المهم قلها ادرجيه نادتني وانا كلي ابتسامه علشان ما احسسها بش وتستقصدني وقالتي بنظرة خبث خلاص روحي الكليه وطلعت الجدول ودرست اسبوعين بس كنت مني مرتاحه منها وبالفعل اتوقفت بعدها لان الرد ما جاء وليومك هاد لا حس ولاخبر على الرغم من اني متاكده انها اصلا ما ادرجته وضاع عليه التوفل وانا الان من جديد ددد
معليش طولت عليك ريحانه بس علشان احذرك ما ادري او افيدك بشي بخصوص دي المخلوقه لاتطمني ليها وخلي املك في الله اكثر
الله لايوليها على مسلمين والله يوفقنا ويسخر لنا الى يسهل امورنا امين امين