خبر عاجل ومهم لكل طلاب عنده اختبار بكرا

[نونة جدة]

منجد في اخبار تقول انو اختبارات الجامعة رح تتاجل اسبووووع بس ابغى اتاكد والله منجد شكلو مافي اختبار ذحيييين شوفو قربت الساعة وحدة ونا في حي الحمراء والمطر غزييييير ومستممممر

[الحــــربيهـ]

فعلا الارصاد الجوي تقول تحذير ماما تقول لا تروحي
وانا خايفه عندي اختبار من 8 واختبار الثاني 1
الله يستر اكيد الجامعه معدومه ..

[eiiid]

ولازال المطررررررر مستمراً

إن شاء الله بس يوقف ومايتأجل اخبار بكره وينحاس الجدول وتنحاس رجعتنا للرياض ..

[تشيدام]

والله شكله الخط السريع غرقااااااااان بكرة يعني ما اتوقع تقدرو تروحو الجامعه انا كنت بالجامعه قبل 3 اسابيع يوم الخميس الي نزل فيه المطر والله العالم نفسي نفسي وجلست بالطريق 6 ساعات طبعا الخط السريع كان غرقان ومقفل وهذاك المطر مو بالغزارة الي اليوم!! الله يعينكم ...بس اذا الارصاد كاتبين تحذير والله تبطي الجامعه لاتروحون ومحد يقدر يقول لكم ليه ما جيتم بس ذاكرو ما تدرو ايش ممكن يسير بالساعات الجاية

[جـوكـر]

المطر قوي

قالوا اتأجلت الحمد لله

واذا ماقالوا اتأجلت كمان اقعدو بالبيت

سلامتكم اهم ولا الاختباااااار

انصحكم بالبيت

الا اذا خفت واتحسن الحال
مع العلم أن الارصاد يقول راح تستتمر الى الفجر

والله اعلم

[&& دمعة فرح &&]

تيب انا مو في الجامعه انا بالفيصليه والدونيا غرقانه وانا ساكنه بالربوه ايش اسوي ؟؟

لو ما وقف المطر؟؟

بليز طمنوني

[زيـــنـــة]

يعني اللي بيقولوا الاختبارات اتأجلت ياريت يقولوا المصدر ، و المفروض يكون فيه متحدث رسمي باسم الجامعة يعلن للطلبة و الطالبات في حال حدوث حالات طارئة زي دي !

عجبي !

[جـوكـر]

سوال يااخوان
يعنى لمن تصير امطار او كوراث زي كذآ كيف يبلغوكم

هل برساله على الجوال او على الموقع عشان الواحد يرآقب الامر

ياليت الي يعرف يجاوب

[زيـــنـــة]

باختصار ، القائمين على جامعة الملك عبدالعزيز من آخر المهتمين بهذه الأمور..

طيلة هذه السنوات لم يبعث أحد برسالة و لم يتم التبليغ عن أي قرارات مهمة عن طريق الجوال أو حتى عن طريق موقع الجامعة ،،

مؤسف !

[أ.خلود]

الله يوفقنا بالاختبارات بكرا


شدوا حيلكم