وجهة نضر....بدون زعل

[laff]

مع احترامي انا اختلف معكم كلكم
اول شي كيف يلغون السنترا وهو الاساس وثاني شي السنه الجايه مافيه انتساب خلاص
كله تعليم عن يعد يعني بتاخذون واجبات واختبارات زي ماانا اخذ وبعض الشباب والشابات
والي مايبغى المكافاه لايتكلم يصكت
والي مايبغى اعفاء يعرف اش يسوي

[طالبة انتساب 2]

التأهيلي والله العظيم ماأعطوهم أنا صاحبتي تأهيلي وتقول ماشملنتنا المكافأه
يعني كيييييييييف راح تشمل الانتساب صدقوني ماااااااافيه مكافئه
ريحوا حالكم وانتبهوا للدراسه(المكافئه بس للإنتظااااام)

[حلاإأإأ]

لاحول ولا قوة الا بالله

[كتمان]

المشاركة الأصلية كتبت بواسطة ام عبد الله2009 مرحباً كيفكم انشأ الله تمام الموضوع مبين من العنوان أنا صارحة مو فاهمة شي الحين باي طلاب الانتساب يطالبو بي المكافاءة اولا من الأساس عارفين انه مالنا راتب على اي اساس يزيد يعني من يوم يومة عمرة ماكان للانتساب مكافاة

نطالب بالمكافأه على أساس انها مكرمه من الملك لجميع طلاب التعليم العالي بجميع برامجه واعتقد الانتساب برنامج من برامج التعليم العالي ..

المشاركة الأصلية كتبت بواسطة ام عبد الله2009 ثانيا إحنا مو زي الانتضام إحنا مانداوم كل يوم ما فية اختبارات دورية مافي بحوث ونشاطات

وعشان احنا مو زي الانتظام وماعندنا دوام ومافيه اختبارات دوريه ومافيه بحوث ونشاطات على اي اساس ياخذون ال3000 على اساس قعدتنا في البيت وانهم يجون الى بيتنا يشرحون لنا مثلآ!!

المشاركة الأصلية كتبت بواسطة ام عبد الله2009 أنا مااطالب بي المساوة لا حرام بس العدل يعني في التصحيح واهم شي الشهادة تعتمد لأنة حرام المناهج زي بعض يعني مو لازم يكتوبو في الوثيقة انتساب

يعني نحنا صرنا ظالمين وانتي عادله يوم طالبنا بالمكافأه !!

المشاركة الأصلية كتبت بواسطة ام عبد الله2009 اما الإعفاء أنا اطالب فية وبقوة او تخفيضة

ونحنا ماطالبنا بهذا الشي مثلاً!! كلنا قاعدين نطالب فيه لكن قد اسمعت اذا ناديت حياً ولكن لا حياة لمن تنادي..

المشاركة الأصلية كتبت بواسطة ام عبد الله2009 خلو المكافاءة لأهلها

اللي جا أمر ملكي واسمو (مكرمه) مو مكافأه وحتى لو اعطونا مكافأه قال عليها الملك حرام فينا يعني !!

5سنوات دراسه جامعيه يعني 10 اترام وكل ترم 3000 يعني 10*3000=30000
اللي من خارج جده زيدي عليهم لكل ترم 1000 حق اختبارات المناطق يعني 1000*10 صار المجموع عليهم 40000

الكتب والملخصات بالحد الادنى تكلف 500 ريال يعني 500*10=5000 يعني صار المجموع 45000

مصاريف المواصلات والسفر من خارج جده لجده وتأجير الشقق و...و...و.....الخ احسبيلها 1000 ريال لكل ترم يعني 1000*10=10000

صار المجموع الكلي لدراسة الجامعه 55000 ريال ..ولاحظي انا حسبتها بالحد الادنى وماحسبت الاشياء الطارئه اللي قاعدين يطلعون فيها ..مثلا ضاعت البطاقه الجامعيه!!الطلاب مجبورين يجوون من الخارج واحسبي التكاليف..مثلا زي ماصار الترم اللي راح بعض الناس جات من برا عشان تضيف وتحذف مواد..مثلا تغيير التخصص في البطاقه..مثلا مراجعة تصحيح ورقة اختبار عشان انتي عارفه جامعتنا الموقره ماتغلط بالتصحيح...ومثلا....ومثلا...ومثلا....

ألف ظرف وظرف مع جامعتنا الحلوه يطلع بالترم احسبي كل سفريه من خارج جده لجده كم تكلف اصحابها !! ولو كانت بنت راح يتدبل المبلغ لانها تحتاج تجيب معاها محرم..

يعني حطي 500 ريال كل ترم احتيااااااط ..500*10 اترام=5000

صار المجموع الكلي 60000 ريال ..ستييييييييييين الف ريال من وين نجيبها !!
ستين الف ريال الناس تدفعها مقدم لشقة تمليك وتأمن على مستقبلها واحنا قاعدين ندفعها على شهاده مو معتمده !!
ستين الف ريال تسوين فيها 12000 الف بئر وتكون لك صدقه جاريه بعد موتك ..
ستين الف ريال تسوي شي وشويات..

ستين الف ريال ومع هذا مافي احترام في المعامله ومافي احترام لحقوقنا ولا لأي شي..

تقدرين تقوليلي في الترم الواحد كم مشكله وكم بلوى تصيرلنا من جامعتنا الموقره !!
قاعدين نعطيهم ستين الف ريال مفروض يفرشون لنا الارض ذهب ..

كل سنه كم عدد المتخرجين من الانتساب!!يعني كم طالب قبضو منه الستين الف؟؟وكم طالب انظلم بالتصحيح وزادت عليه الاترام واتضاعف عليه المبلغ هذا!!

فوق هذا كلو يوم جات مكرمه من الملك كمان يحرموننا منها!!وحضرتك تقولين خلو المكافأه لأهلها!!

ليش أهلها مين بالضبط!!
اللي ياخذون بالترم 1000 ريال مكافأه يعني بالسنه 12000 يعني خلال دراسة 5 سنوات
(12000*5=60000)


شايفه كيف المعادله ياحلوه؟؟
المبلغ يطلع من جيب الانتساب اللي مو طايل شي من الجامعه ويروح لجيب الانتظام اللي مريحينو بكل شي !!

هذا العدل اللي كنتي تتكلمين عنو!!

على فكره انا ماحسبت تكاليف المدرسين الخصوصيين اللي يجيبونهم الانتساب لكل ترم ..واكبر سبب للمدرسين الخصوصيين معروف ايش..

المشاركة الأصلية كتبت بواسطة ام عبد الله2009 اهم شي انها تعتمد الشهادة والإعفاء والعدل في الدرجات هذا الي نطالب فية وإلغاء الواسطات يعني يعفون ناس من الرسوم وهم مقتدرين وناس هم المحتاجين يعذبوهم باللوحة والجية ر

ليش في شي بجامعتنا ماشي بدون واسطه!!الواسطه دخلت من البدايه يوم انقبلو ناس بالانتظام وانحطو ناس بالانتساب رغم انو اللي بالانتساب معدلهم اعلى ولكن (الواسطه)
وكويس انك معترفه بباقي بلاويهم ..

المشاركة الأصلية كتبت بواسطة ام عبد الله2009 أنا أتكلم عن نفسي أنا مو أني مليونيرا بس حالي مستور اقدر لمصاريف الجامعة ما قدمت على الإعفاء لأنة مو من حقي والشروط لاتتطابق واقدر ادفع انشأ الله

غيرك مايقدر على هذه المصاريف وغيرك طالب بالمكافأه لانو ماطال الاعفاء من كم سنه ودام السالفه حاره وبوقتها خلينا نطالب فيها وهي من حقوققنا..لاننا من طلاب التعليم العالي..مو طلاب محو اميه ..

المشاركة الأصلية كتبت بواسطة ام عبد الله2009 معليش طولت عليكما بس كنت متضايقة من تصرفات الناس الي ما تفكر

اسمحيلي اقولك انتي واللي على شاكلتك هم اللي مايفكرون..
لانكم لو تفكرون كان عرفتو انو لنا حق..
المكافأه شملت جميع برامج التعليم العالي وشملت حتى المبتعثين اللي على حساباتهم الخاصه وشملت اللي مكافآتهم متوقفه وشملت اللي تجاوزو عدد السنوات المفروضه بالجامعه وشلمت اللي معدلاتهم اقل من المطلوب وانحرمو من الكافأه ووقفت عند الانتساب وقالت ما اشملهم !!
غير كذا ماخلوها تنصرف بشيكات من فراغ..بس لانهم عارفين انو في ناس ماعندها حسابات بالجامعه وناس بطاقاتها متوقفه وتشملهم المكافأه عشان كذا قالو شيكات..

الله ماشفناه بالعقل عرفناه..فلوسنا لو ماراحت لنا بتروح ببطون غيرنا..واذا شايفه نفسك ماتبغينها واحنا مجانين وانتي العاقله اذا جاتك روحي حطيها عندهم قولي ما ابغاها ..ولا سددي فيها لطالب محتاج رسوم التسديد ولا اتبرعي فيها ولا سوي اي شي لكن انك تقولين مانستحقها..خافي ربك..

[أبو أحمد المداري]

انت ما تحسي بمعاناة المنتسبين المحتاجين للاعفاء والمكافأة لانك مدرهمه وغيرك فقرانين أحمد ربك دائماً الشبعان ما يحس بمعاناة الفقران

[ملا]

الحق ما يزعل احد وإحنا صحيح مالنا مكافئه طول مدة الدراسة بس هذا مكرمه من الملك مو مكافئه يعني مثل الهدية وثاني شي مع الأسف الجامعة مو معترف بأبسط حقوقنا من تخفيض طيران إلى شهادة غير معترف بها فهذا شي طبيعي انها معترف بمكافئه ......... وإحنا من زمان ساكتين نقول كل سنه السنة الجايه يصير شي جديد يعترفون بشي بس مع الأسف لا حياة لمن لا تنادي وإذا ماطلبت بحقوقكم من تخفيض الرسوم أو إلغاها ومساواتنا بالانتظام من حيث الدراسة والدرجات وتخفيض الطيران إلى الاعتراف بشهادة
اتخيلى أنت تدرسي أربع سنوات مع الدفع وتتخرجي فرحاااااااااااااااااانه وتقدمي على وظيفة يقول لك شهادة غير معترف بها .........هذا هو الظلم بعين


وأسفه على الاطاله

[laff]

هدو الاوضاع انتو مسلمين مااحد يدعي على اخوه المسلم او اخته المسلمه

[توني مونتانا]

يا جماعة الخير انا لي رأي

انا اعتقد ان هدية طلاب الإنتساب هو إعفاءهم من الرسوم فورا + زيادة إعتمادية الشهادة ومساواتها بالإنتظام

أما صرف مكافأة لهم فأنا أعتقد انها واجبة بما ان الملك أمر (مكافئتين ((((لجميع)))) الطلاب والطالبات ولم يحدد نوع دراستهم انتظام او انتساب ... يعني هذي حقارة من الجامعة عدم تطبيق القرار

أما الإعفاء والغعتماد فهذا الموضوع يتطلب تجمع للطلاب الإنتساب امام إدارة الجامعة اللعينة << رأي خاص

[Do0ola]

اولا ...اتمنى تكون الردود بدون دعاوي
ثانيا .... اخت ام عبدالله اذا حالك ميسور الله يزيدك بس لا تقولين مالكم حق غيرك مو قادر يجيب أكل كيف بيجيب له كتب صاحبتي ما عمرها حضرت السنترا عشان ماعندهم نت وظروفها ما تساعد
ويحقلنا نطالب بالاعفاء و بالمكرمة لانها للكل وبالعكس ناس كثير محتاجينها فيه ناس تتسلف عشان يسددو الرسوم
ابليز ما تنزلون مواضيع تأيدون فيها الجامعه لأن كل أنظمتها غلط ومبيه على الواسطه

[كل شي وله بدايه @...]

لو كان المكافاءة من الجامعة كان قلنا معاك حق اما تكون مكرمة من الملك وماكان فيها تحديد لاي احد فلنا حق فيها سواء عجبكم والا ماعجبكم لنا حق فيها يعني لنا حق فيها...