تم تحديث تقويم الفصل الدراسي الصيفي (إنتساب) 1432هـ

[ضيدان]

المشاركة الأصلية كتبت بواسطة abo amar نفس الاحساس ههههههه الله يعطيك العافية اخوي ضيدان بس السؤال كم اقدر انزل مادة او ساعه في الخمس ايام وهل الترم الصيفي مختلف عن الترم الدراسي هل استطيع انزل مواد من الترم القادم وادرسها واخفف العبئ علي لاني معتذر عن الترم الماضي وابي اعوض واخلص بسرعة هل الترم الصيفي منحصر على المواد اللي رسبت فيها معليش على كثرة الاسئلة وياليت توضح لي والله يوفقك على جهودك

الله يعافيك اخوي ولا عملنا الا الواجب
بالنسبة للصيفي اقصى حد للساعات فيه هو 9 ساعات ما عدا الخريج اظن 11 او 12 ساعة
تقدر تدرس مواد من اترام قادمة بشرط تكون اجتزت متطلبها
الهدف من الصيفي اساسا التخفيف لكن رسومه ووقته ابدا مو مناسبة

والترم الصيفي مو منحصر بس على مواد ما نجحت باجتيازها تقدر تاخذ مواد تكون متاحة بالصيفي وبشرط تكون اجتزت متطلبها مثل ما قلت لك

ولا تتردد بطرح اي استفسار
ولا تنسانا من دعواتك .. اخوك ان شاء الله الترم هذا خريج

[أغدا ألقاكــ]

شكر لهم ولك والله يوفقك يا ضيدان وتتخرج بامتياز

[مسافر بس]

الله يعطيك العافية أخوي ضيدان
الله يوفقك وتتخرج بأمتياز ويسهل دربك بالدنيا والأخرة
(وبعدين لا تحسبنك سلمت من العشاء و العشاء لازم تذبح لنا ددسن تمر نيسان وتنقلنا ددسنن سمين وطيبة وتبيض الوجه سوها مفطح ولا تهون القرصان)
واعزم خوينا راع الكتب
هههههههههههههههههههه
ياكبر شرتهي ددسن وعلى الشرط من الحمراني ـ اقول والا يكفي
قل تم

[طالب مجتهد 5556]

الفصل الدراسي الصيفي 01/08/1432 24/09/1432

الإختبارات النهائية لطلاب الانتساب 18/09/1432 24/09/1432

وش الفرق وكيف الفصل الدراسي الصيفي

يعني في دورات قبل الاختبارات والاكيف

[نايف 968]

مشكور أخوي ضيدان
والله يسعدك دينا واخرة

المهم
اجتياز الاختبارات
ومن ثم البدء في خطة مستقبلية للترام القادمة

[بقعاء]

شكرا لك

[ماجد عبد العزيز]

اخوي ضيدان السلام عليكم ورحمه الله وبركاته
انا ابي شورك
الحين انا المستوي الرابع والساعات المسومحه لي 18 ساعه
وش تنصحني فيه علماً باأن الخطه الدراسيه 15 ساعه بس
والمواد الي منزلها حالياً هي محاسبه حكوميه واخلاقيات العمل وثقافه إسلاميه وقانون إداري وإداره الخدمه المدنيه ونظريه التنظيم
هل تنصحني اني اضيف ماده ثانيه ويكون عدد الساعات 18

[ضيدان]

المشاركة الأصلية كتبت بواسطة ماجد عبد العزيز اخوي ضيدان السلام عليكم ورحمه الله وبركاته انا ابي شورك الحين انا المستوي الرابع والساعات المسومحه لي 18 ساعه وش تنصحني فيه علماً باأن الخطه الدراسيه 15 ساعه بس والمواد الي منزلها حالياً هي محاسبه حكوميه واخلاقيات العمل وثقافه إسلاميه وقانون إداري وإداره الخدمه المدنيه ونظريه التنظيم هل تنصحني اني اضيف ماده ثانيه ويكون عدد الساعات 18

لو كنت مكانك وكنت حريص على اني اخلص من الجامعة باسرع وقت نزلت 18 ساعة دام النظام يسمح لي ومعدلي يسمح لي

بس انت اذا ما عندك مشكلة في المعدل ولا يهمك وتبي تخلص من الجامعة باسرع طريقة نزل مادة من مواد الاترام المتقدمة واخلص منها من الان

واذا عندك مشكلة بالمعدل وخايف ينزل اترك الجدول مثل ما هو وشد حيلك بالمواد هذي وارفع المعدل

وتقدر تضيف مادة حرة او اختيارية تكون سهلة بالنسبة لك بس بعد ما تطلع على منهجها قبل لا تعتمد وتنزلها بالجدول وتعرف مين دكتورها وتسأل عنه وتبحث عنه

وعلى فكرة .. حتى لو لا سمح الله تأخرت بمادة او بغيت تعوض ساعات تعثرت فيها باترام سابقة
عندك الترم الصيفي ... اهم شئ اذا انت تهتم بالمعدل لا تضايق نفسك بكثرة المواد واترك الامور ماشية حسب الخطة

وفالك التوفيق والتخرج ان شاء الله

[nany ju]

ليييييش البنات ماعندهم صيفي انا احتج
ابغى اخلص ياناس كذا مايصير

[z-h]

يعكيك العافيه..