بالنسبة لتغيير طلبات التسكين بعد انتهاء المدة

[عزتي أجمل صفاتي]

طيب واللي غير قرار مصيري بعد ماقفل التسكين اش يسوي ؟؟؟

طيب فرضا لاسمح الله قبلوني في رغبتي الأولى قبل التعديل

وأنا خلاص ماصرت أبغاها لقيت نفسي في رغبتي اللي عدلتها بعد ماقفل

وكان موزوني يدخلني هالرغبتين أقدر أروح عند العماده وأختار الأخيره بحكم انو حضرتكم ماشلتو الأيقونه تبع التسكين ولا مايمديني وآكل هوا وانطق مكاني :(

[THE HILL]

التسكين >> بسم الله الرحمن الرحيم اسمها يخووف


لسآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآ ماااااااااااااااقفل ××

هما كاتبين في الرساله "حتى تزال خاصية التسكين "

ولسى باقي مفتووحه


اللي قفل حق طاارق بس

[ndo-farforah]

انا عندي سؤال
انتا دحين بعد ما غيرت و عملت حفظ مررررة خاايف

ليش ما خفت قبل ما تغير ؟؟؟

الخوف بيستعبط معاك ؟

و بعدين ليش مغير ؟؟؟ ابلسة بس ؟ << ابلسة = شيطنة

[عزتي أجمل صفاتي]

the hill
إن شالله يكون كذا يارب
لأنو في بنات قالولي جاتهم رساله على موعد تقفيل التسكين
بس أنا للأسف شريحتي اللي كانو يرسلولي عليها مفصوله :( فما شفت الرساله

[محمد عماد]

الأفضل انك ما تغيرها

[Яễ₥ǾǿǾ]

المشاركة الأصلية كتبت بواسطة عزتي أجمل صفاتي طيب واللي غير قرار مصيري بعد ماقفل التسكين اش يسوي ؟؟؟ طيب فرضا لاسمح الله قبلوني في رغبتي الأولى قبل التعديل وأنا خلاص ماصرت أبغاها لقيت نفسي في رغبتي اللي عدلتها بعد ماقفل وكان موزوني يدخلني هالرغبتين أقدر أروح عند العماده وأختار الأخيره بحكم انو حضرتكم ماشلتو الأيقونه تبع التسكين ولا مايمديني وآكل هوا وانطق مكاني :(

ممكن اعرف لاي كلية غيرتي وايش كانت رغبتك آول <براا

لك الحق في عدم الاجابه

شاكره لك حبيبتي

[عزتي أجمل صفاتي]

لاعادي ماعندي مشاكل انا كنت حاطه طب أسنان بعدين طب
كنت أبغى طب ولازلت بس اللي خلاني أبغى طب أسنان أنو بابا يبغاني طب أسنان ويفضله أكثر من الطب لانه الطب سنين طويله وغير المناوبات بعدين لما فكرت فيها
شي مااميل له بحس أنو ممل وطويل جدا عكس لما تحبي الشي وتستمتعي بكل لحظة في الدراسه ويمر بلمح البصر
والسنين تمر بسرعه واحنا مو حاسين فيها
مين يصدق خلصنا تحضيري والله كأنو أمس أول يوم دوام في الجامعه سبحان الله
مع أنو بابا مو معارض بس يحبذ أكثر طب الأسنان >>> طبعا التحليل والتفكير هذا استغفر الله ماجا إلا في أعسر الأوقات
إن شالله خير بس

[sultanooh]

انا مع ابوكي في رايه

طب اسنان مو لازم تختلطي بالرجال

اما الطب البشري اجباري تختلطي مع الرجال وكمان يمكن تضطرين تكشفي وجهك قدام رجال

فرايي طب اسنان هو الافضل للبنات بعدها الطب البشري

يعني ابوك رايه صااائب

وكمان لاننسى المناوبات اللي تطفش في تخصص الطب عكس طب اسنان مافيه مناوبات

ميزات طب الاسنان افضل من الطب البشري علشان كذا نسبة الاسنان في التسكين اعلى من البشري

[طارق الحارثي]

المشاركة الأصلية كتبت بواسطة ndo-farforah انا عندي سؤال انتا دحين بعد ما غيرت و عملت حفظ مررررة خاايف ليش ما خفت قبل ما تغير ؟؟؟ الخوف بيستعبط معاك ؟ و بعدين ليش مغير ؟؟؟ ابلسة بس ؟ << ابلسة = شيطنة

لا انا كنت بغير عاادي ..
بس ماجا في بالي الخوف الا لما شفت .., التاريخ .., << هو سبب المشكلة

المشاركة الأصلية كتبت بواسطة ريال سعودي الأفضل انك ما تغيرها

خلاص طاح الفاس في الراس ..
التغيير تغير وتم <<

[Dr.emma]

المشاركة الأصلية كتبت بواسطة عزتي أجمل صفاتي لاعادي ماعندي مشاكل انا كنت حاطه طب أسنان بعدين طب كنت أبغى طب ولازلت بس اللي خلاني أبغى طب أسنان أنو بابا يبغاني طب أسنان ويفضله أكثر من الطب لانه الطب سنين طويله وغير المناوبات بعدين لما فكرت فيها شي مااميل له بحس أنو ممل وطويل جدا عكس لما تحبي الشي وتستمتعي بكل لحظة في الدراسه ويمر بلمح البصر والسنين تمر بسرعه واحنا مو حاسين فيها مين يصدق خلصنا تحضيري والله كأنو أمس أول يوم دوام في الجامعه سبحان الله مع أنو بابا مو معارض بس يحبذ أكثر طب الأسنان >>> طبعا التحليل والتفكير هذا استغفر الله ماجا إلا في أعسر الأوقات إن شالله خير بس

أنا نفسي بدأت تراودني عن طب الأسنان ماااااااااااااااااااافي وظاااااااااااااااايف :((((((((