انا موظف حكومي وجتني هالرساله وش اسوي؟

[مشاري السهلي]

عادي اردها لو صادوني ولو ماصادوني بتكون لي :$

.....

بس خلونا نشووف نص التعهد حقهم كيف مكتوب



(تعهد وإقرار طلال وطالبات الانتساب والتعليم عن بعد)

1-(إن إدخال بيانات حسابك البنكي الخاص بك عن طريق الصفحة الخاصة بك يعني تلقائياً أنك توافق وتقر بأنك غير موظف حكومي أو شبه حكومي وأنك لم يصرف لك ماجاء بالأمر الملكي من (راتب شهرين) من أي جهة أخرى) 2-(وتقر بأن بيانات حسابك بإسمك وتحت مسؤوليتك الكاملة ، مع العلم أن جامعة الملك عبدالعزيز لا تتحمل أي مسئولية تنجم عن مطالبات أو تعوضيات مالية فيما بخص حسابك أو محتوياتة.)
3-(وإذا اتضح غير ذلك) 4-( تكون عرضة لاستعادة مكافأة الأمر الملكي) 5-( والمساءلة القانونية حسب الأنظمة واللوائح المعمول بها في المملكة.)


ناخذها واحد واحد وانتم قولو رايكم

1-تعهد انك مو موظف حكومي ولا قد استلمت راتبين
2-أن رقم الحساب اللي حطيته لك والجامعه ماتتحمل اي شئ يصير للمكافأة بعد ماينزلونها لك يعني لو سحبها ابوك اخوك اختك مالها دخل الجامعه
3-كيف بيتضح خبروني؟؟ يعني لهم جهاز مربوط بالاحوال بقولك انها كذبه بتقولي كيف عرفت انها كذبه بقولك لو عندهم جهاز مربوط بالاحوال او يوزر وباسورد بالاحوال مربوطه كان قالو حطو ارقام حساباتكم وبننزلها لكم دايركت واللي بنحصله موظف مابنزله شئ هذا تحليلي الشخصي ..
4-ارجع لهم المكافأة وتجي العافيه واذا ماصادوني عسسسل على قلبي
5-نوع من انواع التخويف لانهم لو فيه شرط جزائي بيحطونه مثل فصلك من الجامعه احالتك لشرطه ....ألخ بس مافيها أي شئ


هذا رأيي وانتم شاركوني الرأي

[أبوووومعاذ]

توكل على الله بس

[رفا الحلوه]

يااخي الملك قال لكل طلاب وطالبات التعليم العالي ماقال لا انتساب ولا انتظام ولا جدتي
ولا قال موظف ولا مو موظف حسسوني ان الملك مايدري عن شيء ماكانه عارف انه فيه انتساب موظفين اجل من فين يدفعون الرسوم من جيب العساف عساه العسفه بالدنيا قبل الاخره من خزينة الدوله الله يخلي الدوله والفلوس اولها واخرها لاهل هالبلد يعني لنا فلوسنا حقنا قالها الملك عبدالله موظف مو موظف دامك من المنسوبين للجامعه راح تاخذها غصب عن خشم اللي ميعجبه قدم وماعليك من احد واذا جاتك بالعافيه على قلبك والله يجعلها خير وبركه لك و بركه بمكان ماتصرفها
واذا ماجاتك فحسبي الله ونعم الوكيل

[وطنكم]

طيب انا توني سجلت وانقبلت وعطوني رقم جامعي وموظف حكومي من وين اخذ الاوراق ممكن الطريقة

[نايف الجعيد]

توكل على الله وارسل اوراقك والمفروض تكون هذه المكأفاة للجميع بدون تمييز سواء موظف اوغير موظف

لان الجميع لديه التزامات وهذا من ابسط حقوقنا واعتقد ان القرار كان واضح لجميع طلاب وطالبات التعليم العالي

ولكن الجامعة خالفت القرار ووضعت شروط تعجيزية وانا اعتبرها تمييز

تحياتي لك

[ღdndoonhღ]

لااااااااا تكفى اخوي تكفى ولي يرحم والديك لاتغامر وربي اخاف تتطبق عليك العقوباااااااات خليك كذا احسلك واذا سالفة انك منقهر منهم عشان كل ترم ياخذون منك 3000 ريال فربك حسيبهم

[حبة الماس]

توكل على الله وارسل اوراقك رزق وجا لين عندك لاترده ,,,,

[abu2nawwaf]

اصلا هم بيشيكون عن طريق نظام الأحوال المدنية وبيطلع لهم إنك موظف وماراح يحولون لك المبلغ يعني ارسلت اوراقك وتعبت على الفاضي

غير كذا السالفه كلها 1600 ريال ماهي مستاهلة وجع الرأس

الله يغنينا عنهم

[&R&]

لا ترسل الاوراق كفاية التعهد انت بتوقع عليه
وحرام توقع على شئ انت مخالف له
واذا على المكافاة الله يعوضك باللي احسن منها يارب

[رناالأمورة]

يسعد ايامكم يارب
اعتقد الجامعة ممكن تتأكد عن طيق التأمينات الاجتماعية اذا انت موظف اولا
وانا افضل انك تستخير عشان ماتدخل نفسك في مشاكل انت بعيدعنها
أسأل الله العظيم رب العرش العظيم ييسر الأمور لجميع طلاب وطالبات الجامعة