هل العباءة (موضة) او (حجاب ساتر)

[.SuperGirl]

المشاركة الأصلية كتبت بواسطة da_joker العبي المزينة واللي فيها كريستال وتطريز اكيد هيا زينة اكتر من مجرد حجاب وستر لكنها وسيلة اجدد في الظهور بمظهر حلو لمن تدخل القصر ولا المناسبة تكون لابسة عباية فيها زينة ولا انها تلبس حاجة عادية ويسير شكلها مو متكامل ,,يعني كشخة واخر شياكة تجي عالعباية تخربها وتخليها سادة ومالها اي تصميم..اووك ولمن تروح زواج او مناسبة محد راح يشوفها هدا شي اكيد ,,,وانا بوصلها لزواج ما بوصلها لحفلة مختلطة او بوصلها السوق وامشي واتركها لوحدها واذا كان عالحارس فهو زي الشغالة اللي بالبيت ليش الشغالة نخليها تتدخل على رجال البيت وترفع مهي حرمة اجنبية؟؟؟؟ ولا بس حلال علينا وحرام عليكم؟؟؟ الحارس اللي عند قصور الافراح شي لابد منه في حالة حدوث امر طارئ لا سمح الله وهو ما راح يطل على محارمنا وياكلهم هو مجبور كده ومافيه احد من اهل العريس او العروس يكون فاضي ويشتغل محله وياخد مكانه واذا على اهل الزواج ,,,,فهدا شي عايدي بيسير سريع واحتكاك بسيط ماله اي اهمية عكس لمن تكون بالسوق وتروح تتميع وتتبختر عالرايح والجاي هيا تنزل من السيارة وعلى طول على باب القصر واذا خلصو برضو على طول تركب السيارة المسألأة فيها لبس ,,, لبس العباية سار موضة وهدا شي مفروغ منه وبزيارة واحدة الى اي مول او مركز تجاري حتلاحظو كمية التصاميم اللي نازلة عندهم هدا معناه انه فيه طلب وفيه ناس بتشتري طيب الكلام اننا نفهم ونوعي ونزرع في صدورهن تقوى الله وانهن لازم يحترمو المكان اللي هن فيه يعني بكلمة حلوة يا اختي انتي غالية وما احب اي احد يطل عليكي ,,,,ويتلكم عليكي,,انتي اختي ومني وفيني,,وزي كده كلام بدل ما نجي ونقول حرررررررررام مايسييير خافو الله حتموتو وربي اسلوب التهريب هدا اسلوب عقيم لازم يقابله ويواجهه اسلوب الترغيب كمان بالدين شاكر لكي حسن حوارك ورقي حديثك ونشوووووفك تاني

ايوة امكن
انا ما اقدر اناقشك في دا الموضوع لأني انا اصلا ضد دخول وخروج الشغالة على رجالنا
بس مدام الشي دا حاصل وما اقدر اغيرو...


شكرا على الحوار الرائع
اشكركم جميعا على ابداء آرئكم يكل صراحة


وسامحني جوكر
اتحمست وشوية في ردي التاني
ونسيت نفسي وادب الحوار
وجزاك الله خير
ونشوفك على خير

[SaMoD]

شكرااااااااااا
لكل من تفاعل مع الموضوع


ثم

يا شباب ويا بنات


انا ما اختلفت في ايش تلبس البنت
صح هي حرة بس في حدودها


بس اذا لبست زي كذا وخرجت من البيت
يعني راح تسلم من الاذية ؟
وزي ما نعرف الناس مظاهر


طيب اش ذنب الشباب يلي في حالهم وتغويهم



والشيطان ملعون


بعدين جات على العباءة
البسي زي ما تبغي من الفساتين محد يقول شي


الخلاصة كل واحد حر في لبسة بس بحدود



هذا رأي

[cOrAbEcA]

SaMoD

شكرا لك على الطرح الحساس لمثل هذه القضية ..

* * * *

المسلم العربي , الجوكر , عريكة , وغيرهم...

أستمتع حقيقة بمثل هذه الحوارات التي تشف أكثر عما يكنه كلٌّ منكم ..

ولا سيما إذا كانت الشخوص تبدو - متناقضة - إذا نظرنا لها نظرةً انطباعية..

وتبدو - متفقة - إذا نظرنا لها عن كثب ..

استمروا رعاكم الله ..

وليرنا كل منكم كيف يرى - اللهَ والحياة والآخرة والفنون والآداب والأعراف -

تحية يحفها الكافور..

[بدرالبدر]

على مزاجها تلبس اللي يعجبها .. اذا كان بحدود العائله .. وحدود الاداب طبعا ..

اذا راحت السوق اكيد اكيد ماراح تلبسها .. مبرمج عقلها بالطيب وافهمها وماعمري فرضت عليها بالقوة ( الا اذا كان الامر خارج السيطرة)

والله ياشباب افضل شيء لما تنصح اختك انك تفهما ايش الاسباب

لاتقول ممنوع كذا عبطاَ

عرفها بكل التفاصيل بودية ولا تفرض رأيك

وراح ترى النتجية فوق ماتتصور

[Miss stat]

بما انني بنت زي كل البنات تحب تتشيك و تلبس
و كمان ما تحب انه احد يفرض عليها شي بالقوة و بدون طريقة اقناع

انا اشوف انه الاسلوب هوا العامل المؤثر الاكبر ,,, يعني لو احد جاني و كلمني بطريقة حلوة انا اكيد رح اسمع نصيحته
بينما اذا جاني واحد بينصحني بالصراخ و التهزيئ انا اكيد رح انفر منه و كلامه محا يكون له اذان صاغية

شكرا و تقبلوا مروري

[Da_JokEr]

النقاط الاخيرة من الموضوع

انه لازم نزرع روح المسؤولية عند البنات لانهم في يوم من الايام حيكونو مسؤولين عن رجال المستقبل
وهدي مسؤولية عظيمة جدا

والشي التاني نتعلم انه لكل شي مقام مناسب,,,السوق له لبسه والمناسبة لها لبسها الخاص

وبالنسبة للعباية فهي في الاصل الحجاب والستر وهدا ما يميزنا عن بقية الديانات ويخلي لنا قيمة حضارية نفتخر فيها وانها من تعاليم ديننا الحنيف

ومافي اي اعتراض عالعباية الحلوة اي فيها زينة لكن نراعي لبسها زي ماقلنا

اتمنى السعادة للجميع وشاكر لكم حسن حواركم,,

ونشوووووفكم تاني

[Miss stat]

اعتقد ان الموضوع بدأ يحتد

وكل واحد يبغى يثبت صحة وجهة نظره

صدقوني يا جماعه كل واحد فيكم قال نقطة صحيحة و ان لم يقتنع بيها الكل

[Da_JokEr]

المشاركة الأصلية كتبت بواسطة miss stat اعتقد ان الموضوع بدأ يحتد وكل واحد يبغى يثبت صحة وجهة نظره صدقوني يا جماعه كل واحد فيكم قال نقطة صحيحة و ان لم يقتنع بيها الكل

مزبوط كلامك,,,كل واحد وله رأيه وفي رأيه ايجابية ,,,

وفي الاخير ناخد اللي يدخل عقلنا ونحن مؤمنين فيه,,

مافيه بالقوة وبالغصب ابد

كل شي بيكون فيه اخد وعطا ولا لا؟

ونشوووفك تاني

[Da_JokEr]

هدي هيا البرجون



ونشوفك تاني

[Miss stat]

اهااااااااااااااااااااااااااااا

خخخخخخخخخخخخخخخخخخ

شكرا عالتوضييح والله موتني ضحك