أفضل دكتوره بحث وتدريب

[ro7i Leek]

متى التسليم قالتلكم؟؟؟

[غزآل ـؤمآيصيـدـؤنهـ]

كان ودي اساعدك اختي


بس انا اخذت المادة مع دكتورة حياة


شوفي اهم شي حاولي تكسبين الدكتورة بأسلوبك وكلامك الحلو لانهم مثل ماانتي عارفه


اغلب الدكتورات اسلوبها سيء مع طالبتها لذا تحمليها والله يوفقك

[memoooo.]

بالعكس ياقلبووو والله اسلوبها حلوو

ولسانها ينقط عسل ومتفاهمه..

بس يارب وقت ماتحط ليا الدرجه

تكون كمان درجه حلووهـ

اليوم وديت لها البحث والتقرير فاضل

في التقرير كم شغله بس اخلصها وراح

اسلموو.. قالت لازم نسلموا قبل الاختبارات

بأسبوع..

ربي يوفق الجميع ..

[ro7i Leek]

^^^


ممكن تقوليلي كيف كتبتي تقريرك؟
يعني ايش اقسامو؟؟

وكمان البحث هل اشترطت خط وحجم خط معين؟؟
او اشترطت شكل معين بكتابة المراجع؟؟


بليز قوليلي ضروووري

[memoooo.]

اول شي كتبت نبذه عن المستشفى الي ادربت فيها
وهيكلها التنظيمي طبعا اخدتها من موقع المستشفى نفسوا
بس تكتبيها بصيغه انه انتي كاتبتها مو كانك ماخدتها من موقع
زي مثلا لما يكتبوا واطباءنا انتي تكتبيها واطبائهم>>يارب اكون وضحتلك الصوره

بعد كدا تكتبي الاقسام الي ادربتي فيها تحطي اولا وثانيا ووو الخ
تكتبي نبذه عن كل قسم مختصره بعد كدا تكتبي انتي ايش عملتي بالزبط

بعدها تكتبي ايجابيات وسلبيات التدريب الي واجهتك انتي

واخر شي مدى الاتفاق والاختلاف بين النواحي النظريه والعمليه

انا كدا كتبت وقفلت التقرير عليه ولسى ما اعرف حيعجبها او لا

ماطلبت خط معين ولا تنسيق معين ولا طلبت تجليد فاخر للبحث

قالت انه دا مايأثر في الدرجه يعني تسويه سوسته عادي جدا

المراجع ايوا طلبتلها شكل معين يعني اول شي تكتبي الكتب بعدين

الدوريات العلميه واخر شي الرسائل.. ويكون الترتيب ابجدي

ربي يوفقنا يــــــــارب.

[ro7i Leek]

الله يسعدك ياقلبي


جزاك الله خير

ان شاء الله تكون درجتك فوق ال95 قولي اميييييييين

[memoooo.]

اميــــــــــــــن يــارب والله فرحتيني بدي الدعوه

لكِ مثلها يااارب .. ان شاء الله يوم الاحد مناقشة البحث

ومو عارفه كيف دي المناقشه.. المهم

بحاول اعرف منها كم الدرجه الي راح تعطيني هيا بعد المناقشه

ان شاء الله وقبل ماترصدها ليا ..

[ro7i Leek]

لا تتوتري ياقلبي

اهم شي تكوني ملمه بكل نقاط بحثك ..

يمكن تسألك ليش اخترتي هالموضوع
يمكن تسألك عن النتائج والتوصيات ..
يمكن تقلك كيف استفدتي من خلال تدريبك في كتابة البحث

هادي الاسئلة الي قالولي عنها كذا بنت من قبل

خليكي واثقه بنفسك وجاوبي بكل راحه وبدون خوف وبإذن الله تعدي المناقشه على خير


وطمنيني ايش يصير معاكي ..

[memoooo.]

صبــاح الخير

كيفك روحي؟!

الحمدلله اليوم ناقشت وكانت المناقشه مع دكتوره

سحر مرره حلو الحمدلله ماتحسي انها مناقشه

كانها دردشه عن الي كتبتيه بس لازم الوحده

تكون فاهمه الي سوتوا كويس..

يالله ياارب تعطيني a+

وعقبال ماتكون مناقشتك مره تمام

^ـ^

[ro7i Leek]

^^^


حبيبتي ألف مبرووووووووك .. يلا عقبال ما تشوفي الa+ منورة الاوديس ..


وعقباالي ياااااااارب .. بكره مع دكتورة نهال